نفس السؤال
ياليت نلاقي جواب

يا جماعة الخير احنا نخدمكم بعيونا فاللي نعرفه
نبي اللي يتبرع لنا بهالخدمة البسيطة عاد

محترف جدا
مين اللي جرب في سفرته إلى بريطانيا استخدام فيزا الأهلي "مسبقة الدفع"
هل فعلا ما ياخذون عمولات زي ما قالوا الموظفين
وهل يقبلونها في كل مكان
باختصار أريد شرح عنها
سلبيات وايجابيات لو سمحتوا
وعليكم السلام ورحمة الله وبركاته
توكل على الله استخدمنا الأهلي ماستر كارد المسبقة الدفع في جميع سفراتنا لأوروبا سواء بريطانيا - سويسرا - النمسا - ألمانيا - فرنسا .....
وتقبل في كل مكان ونحجز بها الفنادق أيضا عن طريق Booking
ونحجز بها السيارة عن طريق النت أيضا وندفع هناك قيمة الفنادق عند الوصول وأيضا التأمين في الفنادق
وإستأجرنا بها السيارة من عدة شركات مرة يورب كار ومرة بدجت وأخرى من هيرتز
لكن المهم أن يتوفر فيها المبلغ المطلوب
وفعلا كما قالوا الموظفين لا يتم سحب أي عمولة فقط السعر حسب قيمة الصرف يومها
ولا يأخذوا عمولة إلا عند تجديد البطاقة أو إصدارها
هذا عند الدفع والشراء مباشرة بالبطاقة أما بالسحب من جهاز الصراف فلم نجرب ذلك أبدا
أتمنى أن أكون أفدتك لو باليسير
دمت بخير وسفرة سعيدة

شغاله ومقبوله باي مكان ولا تخاف
واكيد ماعليها لانك نتسحب من حسابك

الله يجزاكم خير ما قصرتوا
أنا اللي خلاني أتخوف إن بنك الرياض قال لي
عندهم هذي البطاقة لكن ياخذون ثلاثة ونص بالمية من كل عملية
قلت مو معقول هذا وضع بنك الرياض والأهلي ما ياخذ شي !!!
مشكورين ع الافادة حبايبي

البطاقه انا مجربها ممتازه جدا
سحبت منها من الصراف اكبر مبلغ تقدر تسحبه باليوم 1000 باوند ولكن على دفعتين
0ثم 500
ولكن فيها عيب حد السحب الشهري 10 الاف دولار يعني تقريبا 6000 باوند وشوي
بصراحه بغيت اتورط لو ماكان معاي بطاقه ثانيه لان حساب الفنادق لحالها فوق هذا المبلغ بكثير
الحمدالله اني مطلع من الاهلي بطاقتين مسبقه الدفع ومن الراجحي بطاقه ايضا فيزا مسبقه الدفع
الراجحي تسحب كاش على ما اذكر اني جربتها 500 باوند فقط
وبالنسبه للاهلي اكبر مبلغ تقدر تستخدمه مشتريات 3000 باوند في اليوم وسحب على 3 دفعات 1000 باوند كل عمليه
وبالنسبه للعموله البنك قالي انه ماراح يحسبون اي عموله مجرد اشتراك في السنه 100 ريال وانا لسه في لندن اذا رجعت بطلب كشف حساب بعد 45 يوم وراح تبان اذا فعلا بدون عموله او لا
اتمنا وصلت الفكره عندك كامله اخوي

شكرا لك الله يعطيك العافية
طمنتني كثير
وهذاني أنتظرها عشان أسوي الحجوزات

انا استخدمتها في بريطانيا في كل حجوزاتي وما ياخذون عمولة الا في السحب الكاش من ماكينة الصراف ياخذون على كل عملية 30 ريال
اما اذا دفعت عن طريقها ما ياخذون عمولة