*********************
ينقل الى قسم الاستفسارات

ادخل هنا https://artravelers.com/p/re/366390
مع خالص تحياتي ,,

السلام عليكم اختى الكريمة والله انا رحت من بينانج الى كاميرون هاى لاند بالباص بس اول ماركبت وحرك نزلت على طول الباصات كانت قديمة جدا والطريق مزعج جدا فنصيحتى لكى ان تذهبي بالتاكسي لان الطريق فى لفات وارتفاعات كان سعر التاكسي 100 دولار

foxx109
اسف ياخوي مانتبهت للقسم اعذرني ~
ويعطيك العافيه

kuwaitt25
طيب مافي شركات فيها باصات جديده حتى لو غاليه عادي
حنا 7 اشخاص ماراح ينفع لنا التكسي

هلا اخوى الكريم والله انا ترى الكلام هذا 2002 يمكن الشباب يفيدونك

أهلا أخي سلطان
نعم يوجد باصات vip ونظيفة ومريحة
أنا استخدمتها العام الماضي
من بينانج تروح لمنطقة جورج تاون بالتاكسي لمكاتب الباصات
تدخل عندهم وتلقى صور الباصات وأسعار التذاكر وجدول الرحلات
تحجز قبل الرحلة بيوم والسعر 38 رنقت للشخص
ومسافة الطريق 5 ساعات يتخللها فترتين راحة لمدة نصف ساعة
تكلفة التاكسي إلى كاميرون 500 رنقت لكن أنصحك بالباص
بالنسبة للفيري من لنكاوي إلى بينانج تقص التذكرة من لنكاوي ممكن الفندق يقصها لكم
أو صاحب التاكسي يوديكم لمحطة الفيري وتقص التذكرة قبل الرحلة بيوم
سعر التذكرة 50 رنقت للكبير و35 للصغير
يوجد رحلتين الأولى الساعة 2 ونص والثانية 5 ونص
ومدة الرحلة من ساعتين ونص إلى ث ساعات بحسب الجو
سكة القطار اللي بين مدينتين ما أعرف والله
لكن فيه بين سنقافورة وكوالالمبور هذي اللي أعرفها

وانا ايضا محتاج اعرف الانتقال من بيننج إلى كاميرون هايلاند
إذا كان بالباص، فما هي أنواع الباصات وكم أسعارها؟ وهل هي نظيفة؟ وهل هناك باصات vip؟
وشكرا

سبقني أخوي المغادرون ما شاء الله عليه
لكن ياخوي منطقة جورج تاون داخل بيننج؟ كم تبعد عنها؟ وكم تكلفة التاكسي من فندق بارك رويال إلى منطقة جورج تاون؟
هل توجد صور للباصات من بيننج إلى الكاميرون؟
انا متخوف من الباصات احس انها مزعجة وغير نظيفة؟ وما فيها خصوصية؟
وبما اننا خليجيين وملتزمين بالحجاب الشرعي اكيد الأعين راح تكون علينا والواحد وده ياخذ راحته
يعني ناس لا هم مرتاحين لك ولا انت مرتاح لهم وتقعد معهم بالباص 5 ساعات !!!
ولا اشرايك؟

المغادرون 2007
بعد أذن صاحب الموضوع
بس يا أخوي (المغادرون2007) اذا كان الواحد ما ناوي يسكن في بينانج
ويش الحل؟
كيف يحجز تذكرة الباص الى الكامرون هايلاند؟