بتلقى شركة اتصالات موجودة بعد ما تاخذ الشنطة وتطلع من الباب اللي بعد نقطة التفتيش ( تراهم ما يفتشون ) وبتشوف السائق اللي شايل لافتة باسمك ( اذا كنت حاجز من الدوحة ) بتلقى الكونتر على اليمين لشركة اتصالات ( نسيت اسمه ) ويمكن تسمع احد يقول لك تبي كرت تلفون انا عندي ما عليك منهم اسفههم وهذه الشركة رخيصة وبصراحة تكلفة المكالمات رخيصة جدا حتى بطاقة السيم اخذناها ب 20 رنجت يعني 20 ريال بس نصيحة اتبع طريقة الاتصال اللي الموظفة بتقوللك عليه وهي انك تضغط 133 بعدين فتح الخط وبعدين رقم التلفون ( اعتقد جذي ) بس هي بتعلمك وبتكتبه لك في ورقة ولا تسوي مثل غلطتنا اول يوم لما وصلنا الفندق من التعب كنا عيزانين نقوم من على السرير وناخذ الورقة من على طاولة التسريحة وقلنا خلنا نجرب نتصل مباشرة 0974وبعده الرقم وفعلا اتصلنا وتكلمنا بس انصدمنا ان الرصيد خلص في خمس دقائق وثاني يوم اتبعنا طريقتهم لا مشت مضبوط
وسفرة سعيدة ان شاء الله

يعطيج العافية اختي السفيرة وماقصرتي ...
اخوك / مودع قطر

أخي الكريم أفضل شركة من حيث الأسعار والتغطية هي شركة ماكسس قيمة الشريحة 10 رنجت وبها رصيد 20 رنجت إشحنها ب60 رنجت أخرى وراح تكفيك بإذن الله لين ترجع بالسلامة
ملاحظة : في بينناج ولنكاوي الشركات الأخرى ليس هناك تغطية جيدة
وعن تجربة

انا جربت قبل كذا شركه ديجي و مره ناسبتني

نوتيلا
انا جربت شركتين
الاولى نسيتها
والثانية DiGi
ناسبتني الثانية ، سهلة الشحن ، ومخفضة للاتصال الدولي
وتشحن من البقايل عندهم

شركة Maxis هي الأشهر عندهم

شركة سيلكوم قبل باب الخروج على اليمين مكتبهم
خذ تلفون من عندهم واشحنها خمسين او مية رنجت , وطريقة الاتصال بالخليج ادخل اولاً 131 ثم 00966 هذا مثلاً للسعودية , وتكلفة الدقيقة 1.50 رنجت وخمسين هلله , وهذي ارخص بطاقة بالنسبة للمكالمة الخليج , هذا والله اعلم
تحيتي لكم

mamd2001
تعد لافضل من ناحية التغطية شركة سيلكوم يبدا رقمها ب019 او 013