وأنا بعد ..
الظاهر على نفس الرحله
وعندي استفسار بسيط .. هل لابد من دفع فيزا عند دخول مطار هونج كونج مثل اندونيسيا او عادي .؟!
ومثل ماقال اخوي .. هل تنصحون بالدخول للمدينه في هذه المده ام الإنتظار في المطار ..؟!
وبالنسبة لطيران الكاثي باسيفيك .. فأغلب الأعضاء يمدحونه ويقولون انه من طراز الخمس نجوم !!
ولكن لا يمنع من اننا نشوف رأي من قام بالتجربه فالمثل يقول اسأل مجرب ولا تسأل طبيب ..
بالتوفيق أخوي ..

انصح بقوة انك تدخل البلد وتشوفها ...حرام تنتظر 12 ساعة في المطار
اقرب شي للمطار وفي نفس الجزيرة عندك ديزني + بودا +اوت ليت سيتي قيت
لو حاب تمدها شوية وتجي كاولون (تبعد ساعة او ساعة الا ربع من المطار ) وفيها الهاربر وشارع المشاهير وهي اكتر منطقة حيوية في هونج

الكاثي باسفيك ممتاز ...انا جربته في رحلتي لهونج في نوفمبر
حتى اكلهم كان اوكي
بس التكيف جدا بارد ....نصيحة : خد ملابس تقيلة خاصة للاطفال داخل الطيارة لان بطانياتهم خفيفة ....
في الروحة تعبنا من البرد ...وفي الرجعة لبسنا ملابس شتوية داخل الطيارة

ما حد جاوبنا على الفيزا او التأشيره
هل لابد من دفع فيزا او لابد من الحصول على تأشيره لدخول هونغ كونغ
واذا كان لابد من ذلك فماهي افضل طريقة للحصول عليها
وشكرا للجميع

الصراحة مافتكر اننا دفعنا شي عند دخول هونج

بالنسبة لدخول السعودي لهونق كونغ ما يحتاج اي شي على طول يختمون لك وتخش هونق كونغ . فيه قطار اكسبرس تقطع تذكرة من الكونتر الموجود بالمطار وفيه عدة خيارات للاسعار بتلقاها في البروشور حقهم حسب مدة بقائاك في هونغ كونغ ويروح لعدة محطات منها اقرب محطة تقريبا 15 دقيقة ويمكن اقل واسمها تقريبا تينيه وفي نفس المحطة فيه مول كبير وكوفي شوبات اربعه ادوار المحطة اللي بعدها وجزيرة هونغ كونغ وبعدها كولون اختار المكان اللي تبي تروح له وبالمناسبة القطار سريع جدا ورحلاته متواصلة ما توقف المهم لايجي الساعة 11 مساء الا وانت بالمطار وحاول انك تتمشى بدون عفش ,اول ما توصل اشحنه وختم واطلع واذا وصلت بدري قبل الساعه 11 صباحا للمطار هناك رحلت سياحية محددة بالساعات تختار اللي تبي منها لاتضيع وقتك اول ما توصل اشحن العفش وختم وروح لاقرب مكتب سياحي واعطه وقت اقلاع رحلتك وهو بيدلك على مكاتبهم اللي بكولون او هونق كونغ والسعر وكيف توصلهم باسرع وقت واذا خلصت رحلتك السياحية بدري تقدر تتسوق في المول اللي في اول محطة للقطار السريع وانت طالع من المطار وتعتبر اخر محطة قبل توصل المطار وانت راجع وتكي هناك الى قرب موعد رحلتك وعشر دقايق وانت بالمطار ختم وخش المغادرة
وبالتوفيق ان شالله