احب اسكندريه
29-08-2022 - 04:34 am
مساء الخير الاخوه الاعضاء
احبتي انا طالعه الكويت يومين بالضبط 48 ساعه بالضبط نقصي منهم 7 ساعات نوم من كل يوم
المهم يا جماعة الخير انا حجزت بالفندق الجديد وسعروا حلوا طبعا IBIS هوتيل ودي اٍٍٍسال على الفندق صدق حلو ونظيف وموقعه استراتيجي لان مكتوب انو بالسالميه و سمعت السالميه قويه بالكويت ومطلوبه واليوم قرات على الواحه هوتيل "اويسيس" ما ادري اخواني اتم على حجزي على ايبيس ولا اغير للواحه خيروني ولو احد يتفضل علي بمعلومات على الفندقين اما بالصور او بتقرير جميل اكون ممنونه له ومشكورين ولو في انظف واحلى وارخص دلوني ؟؟؟؟
كذا خلصنا السكن بالنسبه للتسوق انا محطيه بخطتي دام هي اول مره ازور الكويت بشكل سريع اروح المهمين مثل (مارينا / الافنيو / المباركيه / الكوت / الشرق ) اضيف يا اخوتي ولا كذا كفايه يادوب الحق انا ودي احد يرشح لي وين مكان الجلابيات المقاسات الكبير والملابس لذوي المقاسات الكبيره النسائية لان الواحد احسله يتاجر فيهم لان الفئه من الناس مضلومين بالخبر عندنا ما تتوفر مقاساتهم
بالنسبه للمطاعم اكيد مركزه على فريج صويلح وميس الغانم لان كل الناس يقولون اذا ما رحتي هالمطعمين كأنك مارحتي الكويت ولوفي زياده طمنوني انا احب ازور المطاعم الحلوه
مشكورين وياريت ردود سريعه عشان انا مسافره بعد يومين اشوفك على خير
الفندق ibis جديد من سنه تقريبن تم الافتتاح فندق اقتصادى وبسيط جدا معروف فى اوربا والشرق الاوسط الصراحه ماجربته بالكويت جربته فى هولندا ممتاز
ينفع حق يومين بالكويت وسعره رخيص وموقعه ممتاز جدا جدا بالسالميه شارع سالم المبارك جنبج مجمع الفنار وليلا جاليري ومجموعه من المطاعم والكافية
ارشح الفندق ايبيس , الواحه ماعرف عنه اي شى
فى شقق فندقيه اسمه بودل شركه سعوديه على ماضنة موجود بالخبر هذا الفندق رخيص سعر الليله 25 دينار وموقعه موبعيد وايد عن ايبيس يكون بشارع المطاعم وهذا الشارع بعد الساعه 7 ازدحام فترة العشاء جربت الفندق نظيف رخيص وكويس
بالنسبه للمجمعات البدايه تكون من المرينا مول بعدين سوق شرق بيوم واحد
واليوم الثانى الافنيوز لانه بعيد شوى 15 دقيقه عن السالميه والمجمع كبير يحتاج يوم كامل او نهار
اما الكوت بعيد عن السالميه 15 دقيقه تقريبن
وعندج مجمع 360
واذا سكنتى فى فندق ايبيس يكون قريب من المرينا مول وقريب من مجمع الفنار تروحين مشى والجو حلو هذى الايام
المطاعم ميس الغانم مشويات لبنانيه عجيب
عندج شارع الخليج العربي البحر كله مطاعم
لاتحاتين المطاعم بالكويت غير الاكل مافيه
الجلابيات والمقاسات ماقدر افيدج سورى
رحله سعيده