espada
17-12-2022 - 08:11 am
السلام عليكم
هذي أول مشاركه لي و ان شاء الله ماتكون الاخيره .. انا من الكويت و مخطط اسافر لماليزيا من خلال الشهرين القادمين .. و الخطوط المرشحه هي الاماراتيه أو القطريه أو الاتحاد علماً بأني من الكويت ..
الاهم من هذا كله مثل ما انتم عارفين ان الترانزيت ممكن توصل الرحله لاكثر من 10 ساعات !!
و انا حاب اخذ بنتي معاي عمرها 9 شهور .. و لكن ماعرف أي شيئ عن اجراءات سفر الطفل بالطائره لان حسب ما اعرف ان ماعليه سعر ذكره و لكن مو عارف شلون راح اتعامل مع الوضع وياه بالطياره .. يعطوني كرسي أو يعطوني سرير .. هل لهم مقاعد مخصصه للعوائل .. ولا لازم اطلب المقاعد الاماميه حتى يقدرون يعطوني كرسي .. بصراحه مو عارف الوضع نهائياً !!
اتمنى تفيدوني من هالناحيه .. و الاستفسار الثاني اكل الاطفال المعلب و حليب الاطفال المعلب البودره عادي ادخل فيهم بالمطارات و بالذات مطار ماليزيا ولا ياخذونه مني !؟؟
وشاكرلكم جداً على التواصل
الطفل الرضيع عليه تذكرة
لكنها تقريبآ ( 10% ) من سعر الكبار ...
وطبعا عند الحجز لابد تختار المقاعد الأمامية التي يوضع أمامها ( سرير الأطفال ) ...
أخبر الموظف بأن معك طفل ... وراح يحجز لك المقاعد الأمامية ...
وبالنسبة للحليب وأغراض الطفل ( تشحنها ) مع العفش عادي ...
لكن أنا عندي نصيحة أخوية :
الطفل في هذا السن ( متعب ) في السفر ... والأريح لكم وله ... أن لاتأخذوه معكم
حركتك ستكون مقيدة ... وتنقلاتك ستكون محدودة بسبب الطفل ...
ولاتنسى الأحوال الجوية وتقلب المناخ ... له أثر سلبي على الكبار ... فما بالك بالأطفال ...