عمر العماني
15-06-2022 - 11:17 pm
السلام عليكم أحبتي
أعزائي نظرا لأني بغيت أحول راتبي لبنك جديد ويحتاج أقضي وقت عشان أعمل إجراءات فكرت إني أفتح عند البنك فيزا معبئة بس بدون ضمان من البنك لأعمال الاختلاس في الشبكة العنكبوتية وبإذن الله الإسبوع المقبل بحول وراتبي وبستلم الفيزا الجديدة المؤمنة ..
اللي صار إني تخوفت إني أتأخر بالحجز فقمت أحجز الفنادق بالفيزا اللي كنت أريد أستخدمها مؤقتا فقط وهي الفيزا الغير مؤمنة ..
بعدما تصدر الفيزا الجديدة هل أقدر بنفس الحجز السابق أتواصل مع أجودا وبوكنج وأعطيهم أرقام البطاقة الجديدة والكود مالها؟
وإذا ما يصير هل أقدر أشل البطاقة المؤقتة معي وهي بدون تعبئة وعاد في لحظة الدفع أدفع بالبطاقة المؤمنة ولا سياسة الفاندق إنهن يتأكدن من البطاقات قبل وصول الزبون بأيام؟
لأني لاحظت عبارة في آخر تأكيد الحجز تقول (يرجى الملاحظة أنه يمكن أن يتم عمل تفويض مسبق لبطاقة ائتمناك قبل وصولك) إش تعني هالعبارة؟
ماعرف الصراحه النظام عندكم لكن البطاقه اللي حجزت بها او اللي بتحجز بها ماعندك اي مشكله
احجز بها لأن المواقع مضمونه ولا فيه مشكله إن شاء الله وخليها معاك ولاتلغيها إلا بعد ماتنتهي من رحلتك وسفريتك
وخذها معك إلي ماليزيا وخذ الجديده وإذا وصلت الفندق ماعندك مشكله قلهم ابي ادفع ببطاقة ثانيه
دام كل البطاقات بإسمك فما فيه اي مشكله
او لو حبيت حل ثاني ممكن تعمل حجوزات بالبطاقه الغير مؤمنه ولما تخلص تلغيها وتتلفها والفنادق اللي
حجزت فيها بواسطة هالبطاقه إذا حل وقت الدفع بيشيكون او يحاولون يحجزون علي المبلغ وإذا ماظبطت معهم
بيراسلونك عشان ترسل لهم معلومات صحيحه وانت ممكن ترسلهم معلومات البطاقه الجديده
بس انا اشوف الحل الأول اريح دام البطاقه شغاله ولا عليها مشاكل واصلا كثير يطلعون بطاقة ولا عندهم حساب
في نفس البنك اللي استخرج منه البطاقه ولكن ماعرف كيف النظام عندكم في عمان طبعا من إسمك قلت انك عماني