اهلا وسهلا في المنتدى
الرحلة تكون في حدود 12 - 14 يوم
وافضل تخطيط للرحلة هو
2 يوم سيلانجور فندق صن واي لاقون
3 يوم لنكاوي منتجع ويستن لنكاوي والذهاب اليها بالطائرة
3 يوم بينانج والذهاب اليها بالطائرة او بالفيري ( العبارة المائية ) فندق باارك رويال
4 او 5 ايام كوالا الوصول اليها بالطائرة او الباص او التاكسي وانصحك بالباص الفخم ايرولاين والمكوث في فندق التريدرز غرفة باطلالة على البرجين وتخصيص يوم للذهاب الى جنتنق
نحن في الخدمة لاي استفسارات

والله حتى انا مثلك بت تختي العزيزة ورحلتي بشهر 7 شهر عسل وفترتها 22 يوم ولا حد الان ما خطت لشيء لكن بغيت افتح مووضوع فلقيت فاتحة فقلت وشهو له الخسارة (]: فانا ابحط اسئلة واتوقع انها بتفيدني وتفيدك بس عسانا نلقى واحد مسافر قبلنا ويعطينا راية والاجابة مفتوحة لكل اللي سافروا او عندهم علم والاسئلة كالتالي :
1-ما هي افضل خطوط للسفر من عاصمة المملكة الى عاصمة ماليزيا ؟>>يفضل وضع رابط وطريقة شرح الحجز من الانترنت >>2-افضل المدن في ماليزيا مصنفة حسب الاروع وعدد الايام الاقتراحي للقضاء في كل مدينة ؟
3-ماهي افضل الفنادق بكوالالمبور وبياننق ولنكاوي ومواقع الحجز من خلال الانترنت بالتوضيح ؟
4- افضل الوسائل للتنقل بين المدن ؟
5- الاماكن المفضلة للزيارة بشكل عام لكل من المدن الثلاث الاساسيات ؟
>>>>>>>>>>>>عارف اني طولت ودبلت تسبودكم وعست موضوعك يا اختي بس اعذروني >>>مقبل على سفرة وما ادري وش الدبرة ؟~~

السلام عليكم ورحمة الله وبركاته
الأفضل تحددون كم يوم بالظبط عشان نعرف نوزعها ولكن انا اشوف
افضل جدول شامل لكل شي واللي ماعنده مشكله في التنقلات
ليلتين سيلانقور -- 4 لنكاوي -- 4 بينانق -- 2 الكاميرون او جينتنق -- 6 كوالالمبور -- اخر ليله بورت ديكسون
وهو 19 ليله ممكن التعديل مو لازم نفس البرنامج ممكن تروحون لصباح ممكن تيومان
وممكن سنغافوره وهذا اللي افضله لو صارت الليالي اكثر من 15 ليله فسنغافوره افضل خيار كزياده
الفنادق
سيلانقور -- الصن واي لاقون وبعده البيراميد
لنكاوي -- الويستن ثم ذا دانا ثم البلانجي بيتش
بينانق -- الراساسايانق ثم البارك رويال ثم القولدن ساندس
الكاميرون -- فندق الكاميرون هاي لاند وبعده الدي لا فيرنس
جينتنق -- الفيرست ورلد غرفه ورلد كلوب لازم
كوالالمبور -- اول ثلاث ليال قريب البرجين فندق تريدرز مطله علي الحديقه والبرجين
و اخر ثلاث ليال في شارع العرب الويستن او الماريوت وقريب من شارع العرب رويال شولان
بورت ديكسون -- قراند ليكزس غرفه ببركة سباحه خاصه داخل غرفة النوم
التنقلات
من سيلانقور إلي لنكاوي ومن لنكاوي إلي بينانق بالطيران وفيه طيران الماليزيه
واير آسيا والفاير فلاي وفيه من لنكاوي إلي بينانق بالفييري العباره بس مانصح فيها الطيران افضل
ومن بينانق لو قررتوا للكاميرون فلازم بالباص او التاكسي لأنه مرتفعات مافيها مطار وطريقها
شوي متعب تقريبا 4 ساعات ومن الكاميرون لكوالالمبور نفس الشي باص او تاكسي حدود 4 ساعات
ولكن لو مابتروحون للكاميرون فأنا اقول جينتنق تغني عنها وهي قريبه من كوالالمبور حدود ساعه بس
ومن بينانق لكوالالمبور ممكن بالطيران او باص او تاكسي حدود 5 ساعات طريق جميله وغير ممل
وبورت ديكسون حدود ساعه ونص من كوالالمبور و ساعه إلي المطار
بالنسبه للأماكن اللي تستحق الزياره
شوف الروابط وموجود فيه جميع المواقع و الأماكن اللي تستحق الزياره
وانا بأقولك أهم الأماكن وأكيد فيه غيرها الكثير
في سيلانقور
ملاهي الصن واي لاقون المائيه وسوق البيراميد هذي أهم مافي سيلانقور
ولو عندك وقت ممكن تمر الماينز ويندر لاند مع انها عاديه وممكن بعد تزور مدينة الأضواء
لنكاوي
أهم شي رحلة المناقروف البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب بس رياضه
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
وبالنسبه للكاميرون هاي لاند
اهم شي فيه طبعا الجو الرهيب والطبيعه الرائعه وفيه حديقة الفراوله والشاي والعسل
وفيها سوق ليلي متواضع لبعض الأيام وسط الأسبوع
وبالنسبه لكوالالمبور
الأماكن كثير في كوالالمبور عندك اهم شي البرجين ومجمع سواريا وحديقة
البرجين بعد العصر جميله جدا جدا وفي نفس منطقة البرجين عالم تحت البحار الأكوريم
و فيه شارع العرب في الليل أسواق ومطاعم ومقاهي وحركه ووناسه
وتخصص يوم لجينتنق من الصبح للمساء وعندك مجمع التايم سكوير يستحق الزياره سوق والعاب وفندق
وعندك برج المناره وبالنسبه للحدائق لو تحبها عندك حدائق الفراشات والطيور والزهو تروح لهم
بنفس الوقت مع حديقة بردانا وفيه عندك حديقة الحيوان حلوه مش كبيره مره ولو بتروحون لها تروحون
لشلالات تمبلر بارك مو بعيد مره منها وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه
اغلبها مباني حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا اشوفها عاديه ولكن ممكن تعجبك فيها عروض كابوي وسفاري وحديقه بسيطه والعاب مائيه
يبي لها يوم كامل وهي خارج كوالالمبور بحدود ساعه ونص تقريبا
وفيه بعد مطل ومطاعم اسمه لوك اوت بوينت جميل جدا قبل الغروب والعشاء مايتفوت
وفيه اماكن كثير في هالروابط لأني قلت لك الأهم
https://artravelers.com/p/re/452938

zazaz
يا سلام عليك
ما بعد هالرد رد لكن اقول عسى الله يوفقك

خليجنا واحد
ويوفقك إن شاء الله و يجزاك خير
الف شكر

جزاكم الله خير
انا ناوي اروح ماليزيا وزواجي بعد اسبوعين بس الله يعين ما حجزت وناوي اجلس 12 ليله
الفنادق الي ناويها

• صن واي لاجون في سالانقور
• وستن في لانكاوي
• راسا سانق في بينانق
• الماندرين في كوالا لمبور

بس وش نوع الغرف الي تنصحوني اخذها والاطلاله
الميزانيه الى 25000 ريال مع التذاكر غير المصاريف
وشكرا لكم

hollowman
حياك الله وبالتوفيق والله يتمم علي خير
فنادقك ماشاء الله من افضل الفنادق
بس اذا باقي ماحجزت نصيحه بسرعه لان نهاية هالشهر كريسمس
ولا عاد بتحصل امكانيه بلنكاوي وبينانق وان حصلت بيكون باسعار مرتفعه
عموما انواع الغرف
الصن واي لاقون بريمر مطله علي الالعاب المائيه اكتبه في الحجز
اما لنكاوي وبينانق ديلوكس مطله علي البحر او الشاطئ
وفي الماندرين ديلوكس مطله علي الحديقه والبرجين
طبعا فيه غرف افضل مثل الاكزاكتيف والسويت بس اسعارهم اغلي
وغرف الديلوكس تفي بالغرض
واكتب في الحجز هوني مون شهر عسل

يعطيكم الف الف عافيه ماقصرتو والله ..
ترتيب ممتاز خصوصن zazazيعطيك الف الف عافيه شكراً ع الابداع بالرد وان شاء الله برتبها على نفس الخطه واذا في اي تعديل بقولكم ان شاء الله
مشكورين والله وماقصرتو .

السلام عليكم
ابشركم حجزت تذاكر الطيران الدولي
وحجزت التالي

• ليلتين صن واي لاقون غرفه كلوب
• 3 ليالي لانكاوي ما بعد حجزت لاني مالقيت الوستن في موقع بوكنق وش تنصحوني فيه فيه واحد مدح لي برجايا وواحد مدح لي الشيراتون وش رايكم لان كذا واحد قال لي دور على اكواخ احسن من باب التغيير
• 4 ليالي بينانق شانقريلا راسا سانق ديلوكس مطله على البحر
• 4 ليالي كوالا لمبور في الماندرين غرفه دلوكس مطله على الحديقه

وش رايكم الفنادق زينه او لا لان عندي امكانية تغيير الحجز مجانا
وجزاكم الله خير