اكيد لا،،، المواطن الخليجي يعامل معاملة المواطن في اي دولة خليجية
فمثلا لو قطري بالسعودية ماعنده مشكلة لو يجلس العمر كله حتى انه يستطيع ان يتملك بيت ويبيع ويشتري
وكذلك باقي الدول الخليجية
الله يديم المحبة والاخوة ترانا كلنا بيت واحد وفيه علاقة دم ونسب ومصاهرات بين اهل الخليج كلهم

مشكور وماتقصر وماتعرف قد ايش افدتني وانشاء الله نفيدك في المستقبل ....
تحياتي لك

انا ما اعرف عن الكويت
بس بالنسبة لقطر والإمارات .. الخليجي لا يحتاج للإقامة
بس في نفس الوقت لا يعامل معاملة المواطن .. يعني لكل دولة شروطها على موضوع تملك الخليجيين (في قطر في مساحة محددة للأراضي) .. وفي العمل لا يعامل مثل المواطن .. المواطن اعلى .. فمثلا في قطر خريج الجامعة المواطن يكون في بداية السنير (كبار الموظفين) .. بينما الخليجي يعامل مثل الوافد .. لو كان عنده شهادة جامعية بدون خبرة .. يكون جونير (صغار الموظفين) (يفرق في الراتب والامتيازات)

^^^
صح وحتى بالكويت ..
الخليجي لايعامل معامله المواطن حتى لو كان بدوله خليجيه
يعني مثلا سعودي مقيم بالكويت لايعامل معاملة الكويتي .. يعامل معاملة الوافد
سواء في العمل او بالعلاج بالاماكن الحكومية يتعامل معاملة الوافد (حتى لو خليجي )
شي طبيعي المواطن غير ويحصل امتيازات وحوافز بلده اكثر من المقيم سواء خليجي ولا عربي
يعني حتى لو ييت الكويت راتبك بيكون اقل من الكويتي وماتحصل على امتيازات وامور بالساهل وحتى علاجك بالحكومه كأنك وافد يعني تدفع مثلهم ..
الخليج متشاركين فقط بالعادات والتقاليد بسس .. اما في الامور المعيشيه والمهنية غيير وفرق لم تكون بديرتك
حياك

اانا سعودي وسبق كنت مسافر للامارات وتعرضت زوجتي للتعب وتم استقبالها بالمستشفى وتلقت العلاج ولم ادفع ولا درهم وكذلك نفس الموقف حدث لصاحبي في الكويت ولم يدفع شي للاحاطه

معلش اخوي انت غلطان
الخليجي بالكويت يتعامل معاملة المواطن بالتعليم والعلاج مجانا بدون مقابل
لا تأمين صحي ولا غيره
ويقدر يدخل عياله المدارس الحكوميه وحتى المعاهد وجامعة الكويت
ومو شرط يكون من ام كويتيه عشان يعامل معاملة الكويتي

مشكورين اخواني جميعا بس استفساري كان بس عن الاقامة ....
وبالنسبة لأخوي ملاك الروح على حسب ما اعرف في المستشفيات والمرافق الحكومية والتعليم يعامل على انه خليجي وليس سعودي او كويتي او اماراتي او او او ....
ومشكورين يالغالين
تحياتي للجميع ,,,

الخليجي بالكويت يعامل كالكويتي
بس التملك مادري عنه
العلاج ماعتقد فيه دفع مو معقوله بس الوافدين يدفعون مبلغ بسيط (طابع رسوم اب دينار )
التعليم لغايه الثنوي ابلاش بالنسبه للخليجين اما الوافدين اذا كانت مدرس/ه بالتربيه يقدر يدخل عياله مدارس الحكومه !
بس الجامعه (جامعه الكويت) ما تقبل الا الكويتين !
اما الوافدين و حتى الخليجين و اعيال الكويتيات لا يقبلون الا بمنحه او يكون متفوق من الاوائل !

^
وهذا اللي قلته .. اذا لاتعليم (الجامعه) مو مثل الكويتي ولا التمليك شنو بقى بس العلاج؟ ..
مع اني اعرف ناس يحملون الجنسية العراقيه بس ياخذون عليهم رسوم ..
واعرف سعوديات يشتغلون بالكويت بس الراتب ضعيف .. مو مثل الكويتيه ..
شنو بقى؟
وبالنسبه لجامعة الكويت صحيح كلام اخوي همبكا .. ياخذون اعداد معينه اذا بياخذون خليجين يوفرون كراسي محدده ولازم يكونون يتميزون بمعدل عالي أو ابناء دكاتره وموظفين الجامعة أو الام كويتية هذول لهم الاولويه ..
موفق اخوي