حياكم الله شرقاوي ويامرحبا بكم معنا وان شاء الله تستفيد ونستفيد من معلوماتكم
1- موقع الفندق ممتاز واحجز من بوكينق
2- البق باص للسياحة و الباص الاحمر مواصلات لندن والبطاقة فقط للباص الاحمر والاندرجراوند
3- الحدائق والمتاحف بالمجان - الا متحف الشمع والنقل
4- ماجربتة ولكن ممكن تشوف اراء الناس في بوكينق
5- بحيرة وينداميير
أسهل طريقة تروح بالقطار
تروح لمدينة وينداميير Windermere*
حيث هناك تقع بحيرة وينداميير
http://www.nationalrail.co.uk/
لما توصلون المدينة راح تحصلون خارج محطة القطار الصغيرة جدا محلات تسوق ، وخلفها جهة المدينة راح تحصلون مركز الإرشاد السياحي. يوفر المركز جميع المعلومات اللي راح تحتاجونها .
تقدرون تروحون بالتاكسي للمدينة والبحيرة.
أو إذا كنتو تحبون المشي تروحون مشي ويبعد وسط المدينة أقل من 10 دقائق ، والبحيرة حوالي 20 دقيقة .
السكن متوفر في كل مكان سواء فنادق أو نزل رخيصة .
يتوفر في المنطقة أماكن استجمام ورحلات في البحيرة ، واستئجار قوارب ، ومطاعم متنوعة .
المدينة صغيرة نوعا ما .
والتنزة حول البحيرة ، وركوب القوارب أفضل شيء في المنطقة .
يومين كافية تماما.
يمكن يوم واحد يكون كافي بعد إذا كنت مستعجل .
وممكن تسوون بحث في قوقل.. معلومات شاملة عن المنطقة
Lake Windermere, Cumbria
أفضل وقت لزيارتها من شهر 4 الى شهر 10*
توجد بعض المناطق الريفيه الانجليزي وهي مناطق حلوة*
1- swansea هذه المنطقة وايد حلوة .
2- tenby منطقة ريفية وهادءة .
3- barryisland منطقة بحرية حبيت احطها لكم لانها وناسة وحركة .
4- brecon وايد حلوه وناسة انصحكم فيها وهذي المنطقة ايبون منها مياه صحية .
وهذا سايت في عن الاكواخ*
http://www.walesdirectory.co.uk/holiday-cottages
6- شوف موضوع مشرفنا بيبسي كولا عن القطارات
7- فتحو النت في ليبارا - وممكن فودافون للبلاك بيري
8- كل شخص بطاقة والاطفال بالمجان
9- https://artravelers.com/p/re/271370
واي خدمة

1. او1 او 2 والرقم 0 يعنى لا تغير بالقطار وبقية الارقام اعتقد مفهومة

السلام عليكم ورحمة الله وبركاته
وعليكم السلام ورحمة الله وبركاته
اعتقد ان مشرفنا الاستاذ (الموادع1) ماقصر بس احب اضيف بعض المعلومات لبعض اسئلتكم لعلها تكون مفيدة لكم او لبقية الاعضاء الكرام
س1: فندق مونتكالم الكل امدحه بس حبيت اعرف هل فعلا موقعه استراتيجي وغرفه مثل ما نشوفها بالنت ولا ؟؟ وشلون اقدر احجز عن طريق النت ؟؟ عن طريق الفندق دايركت افضل ؟؟ او عن طريق موقع بوكنج افضل؟؟
حاولوا الاستفسار عن السعر من مكاتب السفريات في بلدكم ومقارنتها مع موقع بوكنغ فاحيانا تكون اسعار المكاتب افضل (عن تجربة شخصية)
س4: أنا رايحه من بعد لندن لمانشستر ان شاء الله فمن يعرف عن فندق Arora International Manchester Hotel? شلون الغرف وموقعه ؟؟
بالنسبة للفندق فللاسف لاتوجد لدي معلومات عنه لكن هناك نصائح لبعض الاعضاء عن بعض اسماء الفنادق ومنهم فندق كراون بلازا بالسنتر وشخصيا سكنته ليلتين والفندق ممتاز كموقع وخدمة وافطار جيد (طبعا افطارانجليزي)
رابط الفندق على موقع بوكنغ
https://www.booking.com/46062b07909b500
اما اذا كانت لكم الرغبة بالسكن بشقق فندقية فقد سكنت بفندق
The Place Hotel
وهذا رابط الفندق على موقع بوكنغ
https://www.booking.com/35b3b37fc48b9f5
والفندق او هذه الشقق الفندقية موقها جيد جدا وسكنت فيها خمسة ليالي من قبل وحاليا لدى حجز اخر بعد ايام قليلة.
س5: إذا فكرت أروح لمنطقه البحيرات شلونراح تكون وسيلة الانتقال لها ؟ وهناك في المنطقة نفسها شلون اتنقل مع العلم ان زوجي ما يحب يسوق سياره هناك !! وهل الوقت اللي باروح فيه شهر 11 مناسب للروحه لها ؟؟ولا مب شي !!
اعتقد القطار من افضل الوسائل للذهاب الى منطقة البحيرات ، والتنقل بالمنطقة اما بطريقة المشى او التكسي او الباصات وعلى فكرة من اشهر مناطق البحيرات او ما يتردد عليها السواح العرب هي ثلاثة مناطق منطقة وندرمير ومنطقة بونس اون وهما متلاصقتين تقريبا اما المنطقة الثالثة فهي امبلسايد وتبعد اربعة اميال تقريبا عن باونس اون والباصات تتجول بين تلك المناطق الثلاث ، وبالنسبة لزيارة منطقة البحيرت بشهر (11) فاعتقد ستكون الاجواء باردة بتلك المنطقة
وعن قيادة السيارة فهي عادية (ماتخوف) وتريد بعض الانتباه.
س6: شلون اعرف ان القطار اللي حاجزته قطار سريع ودايركت ما يوقف في محطات !! وشلون اقدر احجز من النت للسفر من لندن الى مانشستر بالقطار؟؟؟
نعم باستطاعتكم الحجز بواسطة الانترنت وعن القطار الدايركت فبعد طباعتكم لمعلومات الرحلة ستظهر لكم صفحة اخرى فيها ساعات الرحلات اليومية ويوجد بالمربع قبل السعر ارقام منها 0

او1 او 2 والرقم 0 يعنى لا تغير بالقطار وبقية الارقام اعتقد مفهومة

بالنسبة للاسرع فحتى القطار الدايركت فبعضا لها توقف بمحطات لتنزيل ركاب وصعودهم واذا رغبتي بالاسرع (اقصد التوقف بمحطات اقل) فيمكنكم من خلال جدول الرحلات المقارنة بزمن الرحلة مع قطار اخر بنفس مواصفات رحلتكم .
س9: مصنع كادبوري اقرب لي اروح له عن طريق مانشستر أو لندن ؟ وشكثر يبعد ؟ كم ساعه بالقطار ؟
حسب معلوماتي المصنع يقع في مدينة برمنجهام واعتقد بان الرحلة من مانشستر الى تلك المدينة اقرب من رحلة لندن الى برمنجهام واعتقد بحدود الساعتين
هاي اسئلتي حالياً وإذا تذكرت شي بارجعلكم بس ارجوكم لا تبخلون علي بأي شي ممكن يفيدني !!!

موادع
هاوي سفر
الله يكتبلكم الاجر في كل حرف كتبتوه
فعلا مبدعين
وفقكم الله

مشكورين وايد وايد ما قصرتوا كفيتوا ووفيتوا
ومنطقة البحيرات على بالي انها منطقة وحده توني اعرف انها عدة مناطق أو بحيرات !! مشكورين على الافادة
شكرا مره ثانيه .. وربي يجزيكم كل خير

توجد بعض المناطق الريفيه الانجليزي وهي مناطق حلوة*
1- swansea هذه المنطقة وايد حلوة .
2- tenby منطقة ريفية وهادءة .
3- barryisland منطقة بحرية حبيت احطها لكم لانها وناسة وحركة .
4- brecon وايد حلوه وناسة انصحكم فيها وهذي المنطقة ايبون منها مياه صحية .
وهذا سايت في عن الاكواخ*
اخوي موادع بالنسبة لهالمناطق شكثر تبعد عن مانشستر ؟؟ وهل هي جنب بعض؟؟
شكرا

ادخل على موقع القطارات
وهو بيعطيك البعد والوقت
http://www.nationalrail.co.uk/

يعيب المونتكالم شي واحد بس السعر
هذه تجربتي الثانية له وانا حاليا مقيم فيه وفي حجز عن طريق موقعهم اوقات يكون في عروض

انا حجزت في فندق Marriott Park Lane لا تسألوني شلون استقريت عليه بس مادري ارتحت له
قولوا لي اختيار صائب ولا !!!!!
وسفرتنا صارت بهالطريقة ان شاء الله دوحة - مانشستر - لندن - دوحة
يعني بنقعد في مانشستر لمدة اسبوعين ان شاء الله
ومادري ايش باسوي فيهم لان ودي يكون جدولي مليان
هل بيستر فيلج قريب من مانشستر ولا بعيد ؟؟ ومصنع كادبوري ؟؟
احس نفسي صرت ضايعه ...

اختي الفاضلة
ساجاوبكم لا حقا ان شاء الله