نشر في ماليزيا

استفسار بخصوص حجز فنادق عن طريق الانترنت

بو حسن 83

26-10-2022 - 02:29 pm

السلام عليكم
يا جماعه انا عمري ما حجزت فنادق عن طريق النت ويرجع الامر لعده اسباب
منها ما اعرف شلون طريقه خصم المبلغ و ودايم اشوف موقع بوكنج يعطيني الاسعار غير شامله ضريبه الخدمه وضريبه ثانيه
فما ادري جم يطلع علي الفندق ب اليليه الوحده بس لاحظت موقع اجودا انه يحسب كلفه الاقامه مع الضريبه واعتقد انه ه الشي يريحيني في الحجز وكذا واذا كنت غلطان ياليت تنوروني
الشي الثاني والي اهو مهم وايد ب النسبه لي
لنفترض اني ابي احجز من موقع اجودا الدوله ( ماليزيا ) من تاريخ 1/7 لغايه 3/7 فندق صنواي لاقون او اي فندق ثاني والعدد 3 اشخاص 2 بالغين وطفل عمره سنتين ونصف راح يطلع لي كذا غرفه وكذا خيار وانا قررت اخذ اقل غرفه من حيث الحجم والملبغ وبعد ما ادش ع الحجز مذكور قيمه الحجز الكلي وجم شخص وكذا لين اروح الفندق هل اني مضطر ادفع فلوس زياده ع سرير الطفل ولا ما ادفع شي يديد ؟؟
وسوري اذا ما فهمتو السؤال عدل
وشكرا

التعليقات (7)

د خيال

26-10-2022 - 05:30 pm

هل جربت الدخول هنا ؟!
https://artravelers.com/p/re/357064
ثم ضع أسئلتك من جديد ..

بو حسن 83

26-10-2022 - 06:31 pm

اي نعم جربت الدخول ع الاستفسارات بخصوص الحجز وكذا ما حصلت الاجابه ع سؤالي الخاص ب الضرايب و وقيمه سرير الطفل وكذا
ف ياليت تقولي وين اكتب الاستفسارات اذا كان المكان غلط !!

د خيال

26-10-2022 - 07:32 pm

الرابط أخي الكريم لتقرأ في المواضيع وتجد إجابة لكل استفساراتك بخصوص الحجز في النت ..
وهنا مكانك لتستفسر ولا تتحرج فاسأل حتى يطيب قلبك
بالنسبة للضرائب فحسابها سهل .. اضرب القيمة الكلية في 0.16 بمعنى
لو كان حساب 3 ليالي ب 790 رنقت غير شاملة للضرائب .. فيكون مبلغ الضرائب الذي ستدفعه هو : 790 في 0.16 = 126.4
فتقوم تضيفها للمبلغ فتصبح : 790 + 126.4 = 916.4 رنقت
وبالنسبة لسرير الطفل الذي معك .. إذا وصلت للفندق فاطلب منهم سرير اضافي للطفل وسيكون مجاني لأنه صغير .. فأنا كان معي طفل وكانوا يعطونني سرير اضافي
وفيه فندق اعطاني مرتبة على الارض .. فلن تدفع مقابل له أي شيء
وعلى فكرة حتى افطار الطفل مجاني لأنه صغير جدا وأنا لم اجد من يطالبني بشيء فإذا وجدت أحدهم وطلبك زيادة ستكون طفيفة جدا .. والافضل أن ترفض بدعوى أنه صغير ولا يأكل شيء وهذا نظام عندهم أن افطاره مجاني .

بو حسن 83

26-10-2022 - 08:33 pm

الله يعطيك العافيه اخوي ما قصرت والله
بس لي الحين عندي كذا شغله ما فهمتها من خلال الحجز ع النت وياليت تستحملني وانا اخوك
الحين دشيت ع موقع بوكنج واخترت فندق صنواي لاقون وحطيت عدد البالغين 2 وطفل 1 والفندق عطاني خيار عباره عن
1 × غرفة بريميير مزدوجة أو توأمية - لا تشمل الإفطار 1 × سرير/ سرير طفل إضافي
المجموع من أجل 2 ليالي:
Kwd 136.440
طباع من غير الضريبه ومن غير سرع سرير الطفل 16.90 كويتي هل سعر سرير الطفل عن ليله وحده ولا 2 ؟؟
ولين اضغط ع احجزو هذه الغرفه يعطيني سعر الغرفه من غير سرير الطفل وهو
kwd 136.445 العدد الاقصى من الاشخاص 2 وفييه تحت مربع حوار اكتب الي ابيه هل اكتب في المربع اني احتاج سرير للطفل واكتب انه مذكور بالموقع انه سعر سرير الطفل كذا ؟؟ ولا اطلب السرير من الفندق بشكل مباشر ؟؟
وبخصوص الضرايب ادفعها حق الفندق بشكل مباشر ولا يتم خصمها من البطاقه ؟؟

د خيال

26-10-2022 - 09:34 pm

يا عزيزي طفلك عمره سنتين ونصف .. بمعنى بعض الفنادق التي تحاسبك على كل شيء .. يبدؤوا بحساب سرير الطفل من سن " 3 " أو " 4 " سنوات
عموما هذه الأشياء لا يمكنك معرفتها الآن .. لأن كل فندق له قوانينه الخاصة .. ولن تعرفها إلا من مجرب أو عند وصولك هناك
فلا تشغل نفسك فيها .. اغلب الغرف - لو فرضنا رفضوا اعطاءك سرير طفل مجاني - توجد فيها صوفه أو كنبه لتكون سرير للطفل
واذكر اني كنت في فندق يحاسبك على مقدار تنفسك .. فلم يأخذ شيء على طفلي وكان عمره ثلاث سنوات .. فأنت خذ واعطي معاهم وناقشهم ولا تتحرج
فالآن اكتب في مربع الطلبات .. أنه لديك طفل عمره سنتين ونصف وترغب باضافة سرير مجاني له
وربي ييسر أمرك

بو حسن 83

26-10-2022 - 10:35 pm

ما تقصر اخوي ع الشرح
بس تنصحني احجز من بوكنج ولا اقودا ؟

zazaz

26-10-2022 - 11:36 pm

السلام عليكم
قارن بينهم و اختر الأرخص وفيه غيرهم كثير مثل آسيا ويب دايركت
و آسيا رومز و آسيا ترفلز وهوتيلز
وممكن تشوف هالموقع ممتاز يقارن لك بين أسعار مواقع كثير ويعطيك السعر الأقل
http://www.hotelscombined.com/
وفيه بعد هالموقع افضل بس إنقليزي يقارن بين مواقع كثير
http://www.wego.com/

ماليزيا المسافرون العرب

استفسار بخصوص حجز فنادق عن طريق الانترنت