السلام عليكم
حياك الله اخوي
انت تستعمل البنزين الممتاز 91 وفي خصوصي الي اهو 95 واذا حطيت 95 ما يأثر على السيارة بالعكس افضل
واسأل بعد في المحطة
موفق وحاظرين لاي استفسار

شكرا لك حبيبي كويتي وان شاء الله نخدمكمم في الافراح
وعندي استفسار اذا ما كو زحمة
اب أسأل عن المطاعم اللي لحمهم ودجاجهم مضمون من الناحية الشرعية يعني مش مستورد من الخارج
انا هاليومين آكل من كباب الحجة بس حاب أغير

بالنسبه للوقود مثل ما قالك اخ كويتي
1>>>>>> عندنا يسمونه ممتاز
5>>>> خصوصي
7>>>>> الترا
وبالنسبه للمطاعم كثيره ولله الحمد
اكل كويتي :-
فريج صويلح
زعفراني
الستينات
بلاليط
اكل شامي ومشويات :-
قاصد خير
قصر البلردوني
قصر يلدز
ميس الغانم
صمون :-
الغدير
بدر البدور
تباب
وطبعا الفاست فود ما يحتاي :>وللعلم تقدر تستفسر من القرسون عن مصدر اللحم
ولاي خدمه لا يردك الا لسانك

السلام عليكم
اخوي بالعافيه عليك احلى كباب الحجه ويمكن شفت الزحمه عليه
اكثر المطاعم تقدم الدجاج البرازيلي واللحم الهندي المستورد دير بالك وفي مطاعم تقدم اللحم الاسترالي ذبح الكويت
انت اسأل الموظفين قبل لا تطلب مثل دجاج عندك مطاعم نايف كويتي دجاجهم
وحاظرين لاي استفسار اخوي

الأخوة m.alnajdi و كويتي 1968 اسعدتموني بسرعة ردكم وصراحة كباب الحجة لايعلى عليه في الطعم
بس حاب أغير وأروح مطعم ( كشخة ) خصوصاً معاي المدام ودي نروح مطعم وناكل هناك
أمس أكلت من تباب فلافل كان جيد
حاب أسال عن مطعم ميس الغانم انا شفت صوره في المنتدى روعة بس ما ادري عن اللحم والدجاج أحد يعرف مصدره
شكراً لكم أحبتي مرة أخرى
بصراحة استمتعت في الكويت لأبعد الحدود والأهل هم بعد استانسو
بي المشكلة هي الأكل تخاف تاكل من أي مكان

البانزين
الخصوصي
ميس الغانم اكله وايد حلو
وكل اكل الكويت حلال
لاتخاف ولا تحاتي

بسم الله الرحمن الرحيم
بالنسبة للمطاعم الراقيه
عندك ميس الغانم - برج الحمام - مغل محل ( هندي) - قيصر - في مطعم اكلات بحرية سي فود في فندق الميريديان على البحر في بنيد القار . بس من ناحيه شرعيه لازم تسألهم اخوي . مع ان يقولون اذا انت بدوله اسلاميه لا تسأل عن الاكل
حاظرين لاي استفسار اخوي وان شاء الله تستانسون بالكويت