just.smile
01-03-2022 - 07:43 pm
السلام عليكمم ..
انا بوصل كوالامبور على خير ان شاء الله 3-9
ابي احجز طيران داخلي من كوالامبور الى لنكاوي
ف شنو افضل وقت للحجز
ول نفرض ان انا وصلت الساعه 9
اخلي حجزي عقب وصولي بثلاث ساعات عشان اضمن ان ماتروح علي الرحله ؟
وأبي أعرف أفضل طيران شنو ؟!
أنا قريت ان إير آسيا حلوه وإقتصاديه جيگت على الماليزيه لقيتها غاليه شوي
أبي إقتراحاتگم ماعليگم أمر ياخبراء
بصراحة ياغلاهم .. ماأنصحك أبدآ بالمواصلة إلى لنكاوي ...
أنا جربت المواصلة وندمت والله ... وكانت درس لاأنساه ..
أنصحك بالراحة يوم أو يومين في سلانجور أو كوالا ... وبعدها تكمل برنامج الرحلة
عموما ياغالي :
إذا مصمم على المواصلة ... الأفضل تجعل ( 3 ساعات ) بين موعد وصولك وموعد رحلة لنكاوي
لأنك إذا حجزت من air asia مطارهم يبعد عن المطار الدولي ( 20 دقيقة ) ...
أما إذا حجزت من الماليزية ... فالأقلاع من نفس المطار ...
والأفضل طبعا تحجز عالماليزية ... أسهل وأفضل ... وأسرع بعد