أهلآ أختي الكريمة ...
طبعآ السفر بدون قروب أفضل من كل النواحي ( الخصوصية - التحكم في البرنامج - قلة التكاليف وغيرها )
لذا من الأفضل أن تكون الرحلة بمفردكم ... ومعكم قريبكم مافي مشكلة ...
أنا سافرت قبل شهرين ومع ( عديلي وزوجته ) وكانوا هم سبب نجاح الرحلة بعد توفيق الله عزوجل ..
وأنا أنصحكم بالحجز من ( النت ) والطريقة سهلة جدآ وآمنة ... ونحن معكم خطوة بخطوة إن شاء الله ..
أنتِ الآن أعطينا عدد الأيام والميزانية وراح نعطيكم أفضل البرامج السياحية بأذن الله
وافي بزمن جافي

هلا بالغرنوقة
نصيحيت تسافرون لوحدكم من غير قروب
وأيضاً نصيحة اخوية يكون سفرك إنتِ وزوجك فقط حتى أخو زوجك وزوجته ما يصلح يكونون معكم
+
أفضل وأجمل وأروع رحلة هي إنتِ وزوجك فقط .. هذي يسمونها رحلة تجديد شهر العسل حتى لوفات على زواجكم
5سنة مايخالف ... صدقيني راح تحسي فعلاً إنك تعيشين شهر عسل جديد بل أحلى وأجمل وأروع من الأولاني
بشرط يكون إنتِ وهو فقط مامعكم ولا مخلوق
أما السفر الجماعي فالله يكون بعونكم ماراح تحسوا بمتعة وراح تتعبوا كثير في أثناء التنقل بالتكاسي لازم أكثر من تاكسي
وفي المطاعم مشكلة شوف عاد طاولات متفرقة و مما لاداعي للتفصيل فيه بس آخر مضايقة
نصيحة أخوية سافروا لوحدكم وراح تتذكرين كلامي هذا
رحلة موفقة إن شاء الله
بالنسبة للبرنامجي ابشري بأحلى برنامج بس خبرينا متى موعد سفركم وكم المدة وهل حجزتوا الرحلة أم لا؟

ياعساكم على القوه وكثر الله خيركم
من جد الف مليون شكرا
حمستوني اكثر وعزمت خلاص باذن الله
الى الحين ما حجزت وماصلحت ولا شي توني اقول بسم الله
اعجبني موضوع والله ما انتبهت للنك قدماعجبني االموضوع مفيده (اشياء مهمه قبل السفر الى ماليزيا)
الرحله باذن الله 15 يوم والميزانيه من 25 الى 30 الف وممكن نزيد مافيه مشكله لكن التوفير مهم بعد
سفرتنا ان شاء الله راح تكون على نص شهر6 لما ارتب برنامج حلو .......وماتقصرون يالغالين
والله فتحتم نفسي على السفره من ردودكم الطيبه برجع اقولكم مليون شكرا
تقبلو تحياتي

اخوي المغادرون والله صادق ومو ب اكيد رحتهم معنا هم بس سمعو بطاري ماليزيا قالو يالله نروح معكم
لكن مو بمضمون
ولا الاكيد بلحالنا افضل

سفرتنا ماراح تتعدى هالتاريخ باذن الله
561432 الى 3061432
أو
من 2961432 الى 1471432
اي التاريخين افضل وانتظر اراءكم
لان اي شي بتقولونه على طول باذن الله راح اسويه وببدأ بإذن الله في الحجوزات
وبإنتظار برنامجكم

أهلآ أختي الكريمة ...
أنا أشوف التاريخ الأول هو الأفضل ( 15 61432 الى 3061432 )
لأن هذا الوقت ( مدارس ) وعد السياح قليل جدآ ...
وافي بزمن جافي

حددي اولا المدينة لنحدد لكي مواعيد الطيران وأسعاره والخطوط المناسبة
وثانيا عدد الأشخاص وأعمار الأطفال
وتوكلي على الله

الغرنوقه
أختي الله يسعدك
الحقي الحقي أحجزي ترا الطيور طارت بأرزاقها والخطوط كلها فل من الحين
خاصة خلال إجازة المدارس
الآن وقبل كل شيء أحجزوا بسرعة وقصوا التذاكر وبعدين فكري في البرنامج
والله ياخوفي ماتلقون ولا مقعد

يارب رحمتك
طيران للحجز الحين باذن الله
وعلى قولتك سبب اختياري لهالتاريخ قله السياح
وكل سفراتي كذا
مشكور ين (المغادرون وافي سامح )