اخى العزيز سأجيب بالذى اعرفة ولااريد منك الا الدعاء بان يحقق الله مااتمناه .وش افضل ماليزيا او اندونيسيا للعرسان
انا مارحت اندونيسيا بس شغالتى تقول انو اندونيسيا مافيها امان ابدا مليانة قتل وسرقة خصوصا للى يلاحظون انة معاة فلوس فمابالك بالخليجى وفكرتهم عننا اما ماليزيا ورغم انها تزداد غلاء سنة بع سنة الاانها دولة امنة جدا وذات طبيعة خلابة واندونيسيا اسمع انها اجمل طبيعة ولكن ليست متطورة زى ماليزيا
وطبعا الارخص اندونيسيا
والباقى لازم تحدد اى فئة فنادق3 4 5 نجوم وخطوط الطيران ووقت الرحلة واخر اسئلة لاافتى فيها ماعندى علم يعنى

MALKHAA
والله انا ماشوف ان اندونيسيا مناسبه للمعاريس
صح طبيعتها تهبل
ويمكن احلى من ماليزيا حتى,..
وارخص
بس عندك سلبيات فيها..مثل
1-الامان.. الصراحه السرقه والسطو موجود..
وخصوصا بالجبل (بونتشاك)
ورجال الامن مايمشون الا بالرشاوي
2-البلد غير متطور من ناحية الوعي السياحي..
يعني ماراح تلقون الشعب يفهم بمعاملة السائح.. فيهم سوقيه نوعا ما.. فتوقعوا هالشي..
3- وهي اهم سلبيه.. للاسف.. بتشوفون مناظر تعور القلب وتقلب الكبد من شبابنا هناك الله يصلحهم..
من دعارة وسكر ومجاهره بالمعصيه.. ولاتقولون مانروح للاماكن هذي ماراح نشوف..
لاننا حنا رحنا عوايل.. وخلاص حدنا المغرب وراجعين الفندق بس شفنا هالمناظر بكل مكان بالحدائق والملاهيات والشواطيء والمنتجعات وحتى المطار نفسه..!!!
فعلشان ماينخدش حيائكم.. وماتتاثر عروسك نفسيا وتكره الرجال كلهم (واخاف تعاقبك وتكرهك معهم) مااشوف ان اندونيسيا مناسبه..
وتوكلوا على الله واختاروا ماليزيا..
تحياتي لك

اندونسيا
جزيرة بالي هي الافضل للعرسان فقط
اما ماليزيا فخيارتها كثيرة

ماليزيا منظمة أكثر وراح ترتاحون فيها
فيها كل مقومات السياحة على عكس أندونيسيا ( الملخبطة ) رغم أن طبيعة أندونيسيا أجمل والحياة فيها
أرخص والأمان في أندونيسيا عليه علامة إستفهام كبيرة
بالنسبة للجو ماتفرق ماليزيا في أي شهر تذهبون لها لأن مناخها إستوائي طوال العام
تحياتي

مالي زيا
ولا تدور غيرها .. كل شي فيها رومانسية وفرفشه وتسوق وسعة صدر والله يوفقكم ...
واندونيسيا ... ما تصلح إلإ للشباب ومثلك عارف ....
نصيحة لوجه الله استفد من هذا المنتدى ونبش فيه وبتحصل فوائد كثيره وقبل ما تسأل عن أي شي ابحث ابحث تجد كل الي تبيه في المنتدى وشكر للقائمين عليه والله يسعدكم

اشكركم على النصائح الطيبه وان شاء الله مقرر اروح في شهر May الى ماليزيا والمده 20 يوم توقعون 10000 تكفي من غير التذاكر
ووشرايكم في افضل مكتب سياحي
وشكرا