ما شاء الله عليج أنا بعد أوافقج الرأي
الوالدة الله يحفظها لازم تودي معاها غلاية الماي مع أني قلت لها أن في موجود بالفندق بس صحيح الأحتياط واجب مع أن ممكن تتصلين لخدمة الغرف في الفندق وتقولين لهم ويبدلونها لك بس يمكن يطلعون مناحسين :112: شو دراني أنا الأحتياط واجب
وما فيها شي لو ودينا ويانا شوية أغراض زيادة
بالنسبة حق الشراشف أنا عن نفسي إذا الفندق خمس نجوم ما يحتاج أن أغير الشراشف بس أنتي ودي كم شرشف أحتياط شوفي كم سرير عندكم تحتاجون بس لا تكثرين بس 2 كفاية أنا أشوف عن نفسي بسوي لهم صجه ولجه إذا شفت الشراشف في الفندق غير نظيفة :112: بس بعد بأخذ معاي أحتياط 2 مثل ما قلت لج و إذا كنتي بتأخذين كميه يعني 6 حطي كل شرشف في شنطة وزعيهم
أما عاد عن الملابس أنا عن نفسي أودي لكل يوم ثياب غير والغسيل يكون بالديرة هنا مو هناك إذا أضطريت أودي المغسلة في الفندق
على فكرة حاولي تكون الغلاية حجم صغير عشان ما تأخذ مكان بالشنطة ولاتخلينها فارغة يعني حطي فيها الشرشف مثلا عشان تستغلين مكان بالشنطة
وأن شاء الله تروحين وترجعين بالسلامة

لحظه لحظه
فهموني كيف شكل الغلاية ويا ليت اللي عنده صورة يتحفنا فيها ( ضروي ) لان حصل عندي التباس في الموضوع بين الغلايات المقصودة
مع تحياتي
ابو سعد

ابو سعد هذا نموذج للغلاية الكهربائية..

اختى رفيعة الشأن بالنسبة للشراشف ان كان ولابد احضرى معاكم لو لباس المخدة لان عندى الراس
اهم شى..وبما انكم عائلة فبصراحة راح يكون عليكم عفش ثقيل...
انا شخصيا لابد وان احضر معى طقم شرشف سريرخاص فينى بحيث استغنى عنه اخر الرحلة..

اختي في الله
انا عن نفسي رجل واسافر من سنوات طويلة لاسيا واروبا وأهم شيء عندي غلاية الماء لاني مدمن شاهي والغلاية عادة في الفنادق من كثر الاستخدام تجمع كلور في قاع الغلاية . فأنصحك بشراء غلاية صغيرة 220 فولت ولاتكون كبيرة كثير وفي اول استخدام بعد ما يغلي الماء ارميه . واملائيها مرة ثانية وتمتعي بالشاهي والقهوة . انا عادة آخذ معي حليب علب مثل ابوقوس على عدد الايام وعلبة شاي خيط صغيرة احتياط وعلبة سكر قوالب . الماء داخل الغرفة غير صالح للشرب . بعض الفنادق يحطون قارورتين لكل غرفة يوميا , طبعا ماراح تكفي للشاهي اطلبي منهم زيادة او اشتري من المقاس الكبير . في حال رجوعكم بالسلامة نشفي الغلاية . اما الشراشف ونظافتها فهذا يعتمد على نوعية ودرجة الفندق ولكن ان لاحظتي انها غير نظيفة اتصلي فورا بقسم تنظيف الغرف ويغيرها . وفي الفنادق 5 نجوم عادة تكون نظيفة . بالنسبة للاجبان اللي عندنا غير موجود في كل مكان خذي معك الجبن المفضل لكم . اما العصائر فهي متوفرة بكثرة .