نسيت اقول شغلة
مدة الرحلة 15 يوم اشلون اقدر اقسمهم ؟؟
وبالنسبة لتأجير السيارة اشلون الطريقة ؟

اولا حياج الله اختي ام خلودي ..
ادخال انترلاكن من زيلامسي .. صعب خصوصا ان المسافه 6ساعات متواصل .. لكن ممكن او تحبون وتقدرون .. او تضعون مدينه بالمنتصف للراحه .. ليله او ليليتن وانا ارشح لكم انسبروك النمساويه الجميله ..
اما المخطط الافضل والجيد لميزانتيكم وفترتكم هو ..
البدايه بفينا 4 ايام ثم الى سالزبورخ 3 ايام ثم الى زيلامسي 5 ايام وبعدها ميونخ للتسوق 3 ايام .. الرحله 15 يوم ..
اما ادخل سويسرا .. يكون الجدول كذالك .. ميونخ يومين ومنها نأجر السياره ثم الى زيلامسي 4 ايام وبعدها انترلاكن 4 ايام ومن ثم جنيف 4 ايام لزيارة المدن القريبه منها مثل مونترو وانسي وغيرهم .. 14 يوم مع امكانية زيادة يوم بأنسبروك لو تحبون او تضيفونه بأي مدينه .. ,المخطط الثاني الغيت فينا لانه سوف تزيد المسافات واخيار ميونخ افضل من ناحية الوقت وتأجير السياره ..
لكن يجب مراعاة ان سويسرا اغلى بالسكن ,, وايضا هناك ضريبة تسليم السياره بدوله اخرى بحدود 150 يورو

الف شكر اخوي على الرد وجزاك الله خير
شكلي رسيت على المخطط الاول والغي سويسرا
فينا - سالزبورغ- زيلامسي - ميونخ
وبالنسبة للفنادق ؟؟؟ ابي فندق فيه بلكونه هالشرط ضروري
واي طيران ترشحولي احسن من الكويت؟
شاكرتلكم واسفة على الاطالة

حياج الله اختي الكريمه ..
اولا فنادق ببلكونه فيه بزيلامسي وسالزبورخ وهذا المهم حيث الاطلاله الرائعه ودائما تكون اغلى من الغرف العاديه ..
اما بفينا وميونخ انتي بالسنتر ما تحتاجين بلكونه لان ما في منظر معين ..
وقبل ذكر الفنادق .. تحبون تأجرون سياره ؟؟؟
بالاول شوفي فندق بزيلامسي
فندق الكراند على البحيره مباشره ومن اشهر الفنادق ولو اخذتي غرفه تطل على البحيره تكون ببلكونه جلسه وله اروع .. طبعا الفندق 4 نجوم
شوفي واجهة الفندق

وهذي الغرف الي تطل على البيحره ولاحظي البلكونه

وهذي غرفه جونيور سويت نفس الموقع ونفس الاطلاله والبلكونه

وهذا رابط الفندق من بوكنق
https://www.booking.com/hotel/at/grand-zell-am-see.html?aid=1300939

وهذا فندق ساخير اشهر الفنادق بسالزبورخ وغالي ومن فئة 5 نجوم واطلاله وله اروع على نهر السالزك ..
والغرف المطله على النهر غاليه
شوفي واجهة الفندق

وهذي الغرف المطلع على النهر مع بلكونه

واذا تبين ارخص بس بالسنتر و5 نجوم والغرف الي فيها بلكونه تكون جونيور سويت شوف هذا الرابط
https://artravelers.com/p/re/349112

فعلا استفدت كثير ما قصرت اخوي
احنا للحين مترددين هل نأجر سيارة اولا ؟؟
بس الاغلب انأجر ان شاءالله

هلا فيج .. اذا تبي تأجرين سياره .. اجروها بس بسالزبورخ وزيلامسي افضل لانه بالمدن ماتحتاجونه
تحبين فنادق بموينخ وفينا 4 نجوم ؟؟

يعني ناخذ السيارة من سالزبورغ ونردها في زيلامسي؟؟؟
معنى ذلك يعني ااجرها 8 ايام كم التكلفة تقريبا؟؟؟
الفنادق اللي حطيتها حلوة لكن غالية نوعا ما ... بالنسبة لزيلامسي راح نحجز جراند باذن الله
لكن سالزبورغ ودنا بشقة حلوة ونظيفة واطلالة حلوة وفيينا وميونخ نبي فندق نظيف وقريب من السنتر

بوضح بخصوص السياره
نكمل الفنادق ..
سالزبورخ هنا
https://artravelers.com/p/re/330555
ميونخ شوفي الهوليدي ان 4 نجوم ولي ميرديان 5 نجوم وممتاز موقعه
وفينا شوفي هذا
Best Western Hotel Das Tigra 4 نجوم وجيد
واذا تبين 5 نجوم شوفي الماريوت