sultan9s
09-10-2022 - 04:52 pm
السلام عليكم ورحمة الله وبركاته
العشر مباركه وكل عام وانتم بخير
اشكر الجميع على الجهد المبذول في هذا المنتدى وجزاكم الله خير
استفساري المهم بالنسبة لي والمستعجل( طرار ويتشرط )
ودي اسافر في آخر أسبوع من رمضان ولمدة 14 يوم بحول الله الى جوانزوا المقصد من الرحله لتأثيث المنزل من غرف ومجالس وأدوات صحيه
هل الوقت مناسب؟
رمضان هناك متعب ؟
هل البلد أمان بالنسبه للعبايات والنقاب؟ انا قريت انه عادي بس ابي اتاكد
هل الذهاب الى هناك مجدي ؟
على فكره كان استفسار وصار في النهايه اسئلة إختبار
شكرا مقدما للجميع وجزاكم الله خير
شمعنى بتروح على آخر رمضان ... ليش مش عقب العيد .... هذا اولا ...
ثانيا ... اتوقع مافيها مشكله لو رحت آخر رمضان .. لكن اتوقع راح تتعب كثير ...
والسبب .... ان سوق الاثاث خارج كوانزو ... وتحتاج الى ساعة فالروحة .. وساعة فالرجعه ...
هذا غير الحياسة بين المحلات ...
من ناحية التعب وانت صايم ... راح تتعب اكيد ..
لكن تبقى هناك مشكله كبيرة ... الا وهي الافطار ...
اتوقع الافطار راح يكون فالمطاعم ... وطبعا الزحمة مايحتاج ...
هذا بخلاف .. ان المكاتب تسكر فترة العيد ....
ومن ناحية العبايات والنقاب .... فالوضع عادي ..
اذا ناوي تروح انت وأهلك في رمضان ... انا اقولك .. خل الروحه الى ما بعد العيد ...