توني راجعه من سنغافوره ماليزيا بتاريخ 26 يونيو
امكان السياحيه
يونيفرسال استديو
وسنتوسا
فيه حوض السمك وتسألين فيكتور عن اماكن السياحيه هو يخبركم ويحجز لكم التذاكر.
احنا قعدنا يومين رحنا يونيفرسال استديو هذا يوم من الصبح لين العصر وحوض السمك نص ساعه كفايه بسنتوسا
تحياتي

حبيبتي اتمنى لكم رحلة سعيدة - انا توني رادة من سنغافورة انصحك بانك تسكنين في فندق هوليدي ان وايد نظيف وراقي وسعرة معقول وداخل الفندق في وحدة اسمها ( فيكي ) راح ترتب لك رحلة احنا وايد ارتحنا معاها حتى عيالي حبوها سالي عنها وفي سائق اسمة حسين وسائق ثاني اسمة عمر كلهم مسلمين تحصلين ارقامهم عند (فيكي ) وسياراتهم وسيعة ونظيفة ولا تطوفك رحلة الى جزيرة سنتوزا ورحلة الى نايت سفاري عجيبه ورحلة الى حديقة الطيور كانت روعة - اما المجمعات كلهم روعة بشارع الاوورشاد وعنك مجمع براقون روعة ونصيحة روحي لجزيرة سنتوزا الصبح وارجعي للفندق بالليل عيالي وايد استانسو بالجزيرة ونصيحة الفندق روعة مشي عن شارع العرب (اورشاد ) 5دقائق وسنغافورة يكفيها 5 ايام ولا تنسين فيكي انسانه راقية وتساعد تحصلينها بالفندق - رحلة سعيدة

لاتاخذون سواقين لانهم غالين مره ..
حاولوا تمشون عادي .. او باصات .. التاكسي لاتحرصون عليها ..
ونصيحه مجرب .. كاسروا .. يعني يعطيك سعر .. قولوا لا ارخص .. وانشبوا له ترا ينزلون كثيير وتفررق ..
الشيء الثاني الفندق احرصوا يكون على شارع اورشارد او قريب منه .. لأنه مركز المدينه وافضل مكان ..
جزيره سانتوسا .. خصصوا لها يوم كامل .. تمشيه فيها وبالسوق وعروض الدلافين وتستاهل ..
شارع العرب لاتقربونه لانه مايسوى .. محلات تبيع سجاد اتراك ومحلات شيش .. ولافيه عنايه نهائيا ..يعني لايضيع وقتكم ..
منطقه كلاركي حلوه وتستاهل الزياره ..فيها مطعم عربي .. لبناني او تركي نسيت ..وفيها كفيات ومول ..
بس ملاحظه تراها باخر الليل انواع الهستره والسكارى ..
فيه ملاهي مرتفعه جدا حلوه تركبونها تشوفون فيها جزر ماليزيه واندونيسيه .. نسيت اسمها بس على طريق المطار تشوفونها ..
اهم شيء المحلات والتاكسي .. لاتدفعون لهم من اول شيء كاسروهم ..
انا جيت اشتري كاميرا .. نزل سعرها من 1200 ريال .. الى مايعادل تقريبا 700 ريال .. ثلاث ايام حلوه على الديره ..
زوروا الحديقه اللي على البحر حلو في الليل جلسه رومانسيه ..
الشاطيء حلو .. وفيه ماكدونالدز وكفيات وبقاله وتاكسي متواجده على طول اي وقت ..
الفندق اللي سكنت انا فيه اعتقد اسمه تريزدنت او حول كذا مااذكر بالظبط .. وميزته موقعه ممتاز وفخم وسعره حلو وفيه مول مرتبط فيه .. ونظيف ومرتب .. بصراحه لو برجع سكنت فيه ثانيه ماجربت غيره ..
ترجعون بالسلامه