ذهبت قبل سنتين الى سنغافورة. صادف بعد احداث سبتمبر 2 اسبوع(صرنا هنود) المهم الجماعة في المطار استلموني تحقيق على كيفك,وهات اسئلة مالها داعي ولا معنى. ومن القهر اول ماطلعت من المطار اخذت تاكسي وعلى الميناء.(مجمع حلو للي يبي يركب العبارات نسيت اسمه ,اكتبه لكم بعدين).
المهم شريت تذاكر ال جزيرة باتام الاندونيسية. المسافة تقريبا30 دقيقة فقط وبثمن بخس حوالي 20 ريال رايح جاي.واجلس هناك اسبوع.على فكرة الجزيرة ماتشجع لان طايحين فيها السنغافوريين
ولا فيها شى يسوى.
بعد اسبوع رجعت سنغافورة لان تذكرتي سنغافورة دمام. الجماعة تقول ما صدقوا يشوفون واحد عربي,
وهات تحقيق واسئلة مرة ثانية. (على قولة عادل اما معجبين بي اوي) .
بس الشهادة لله كانوا مؤدبين جدا في التعامل.وتفتيش دقيقالمهم بعد ماطلعت من عندهم (طلعنا من الشر ان شاء الله),اخذت تاكسي ورحت مجمع LUCKY PLAZA وهذا هو المهم في موضوعنا
.انصح به للسكن. لانه عبارة عن شقق سكنية يؤجرون بالغرفة الواحدة
وهذا يصير ارخص من الفندق.يعني لغرفة تكلف 120 ريال تقريبا.وكل
يوم يرتبون السرير وينظفون الشقة كلها.ويعطونك فوطة.يعني شق مفروشة راقية بس حسب امكانياتك المادية.تبي الشقة كاملة او
غرفة وحدة,
البلد حلوة وتستاهل