حسب علمي ان فيه باصات في المطار
لكن بصراحة ما اعرف تفاصيل عنها
قرأت عنها مرة بالصدفه في احد التقارير لكن لا اذكر اي تقرير

هلا اخوي
عندك قطار ال كليا اكسبرس
من المطار إلى كي إل سنترال ب 35 رينجيت
وبالمونوريل من كي ال سنترال إلى محطة بوكيت بينتانق ب 2.10 رينجيت
القطار يتحرك كل ربع ساعه
طبعاً لو كنتوا ثلاث اشخاص يفضل تاكسي المطار
اما الباصات فهناك شركات توصلك إلى كي إل سنترال ب 10 رينجيت
و إذا تبي لين الفندق 25 رينجيت لكن بهاي الطريقه رح تركب باصين
الباص يتحرك كل نصف ساعه
يميز الكليا اكسبرس سرعته حيث ياخذ 28 دقيقه فقط
اما الباص ساعه كامله

ما شاء الله الاخ احمد عبدالله لم يُبقي شيئا يحتاج للتوضيح
أؤكد أن الذي يحدد قلة مبلغ التنقل هو عددكم
القطار جيد لكن اذا كان معكم عفش كثير فلا انصحكم به
تحياتي للجميع

السلام غليكم تبي الصراحه الباص ارخصلك ومتوفر وانا اتفق مع اخي احمد
بس ودي اسالك
الباص 25 رنجت شخصين يعني 50 رنجت
يعني وفرت 50 رنجت من سعر التكسي
كم معك مشوار من والى المطار
2 سلانجور
2 بينانج
2 لنكاوي
2 كوالا
يعني 8 مشاوير يعني 400 رنجت
لا وبعد لنكاوي وبينانج ارخص يعني 300 رنجت موفر
بالله عليك كم برنامجك اقل شي 11000 ريال جيت على 300 رنجت وتبهدل نفسك واهلك وتضيع وقتك وتجي تعبان من رحله 8 ساعات وتاخذ باص ساعتين
عفوا ... ولكن للتوضيح
تحياتي

مره فكرت اركب بالقطار KLIA ورحت الكي ال سنترال استكشف الموضوع
المهم قالوا لي لازم تكون رحلتك على الاماراتيه او الماليزيه او طيران ثالث لا اذكره غيره ما راح نقدر نفيدك بالقطار اركب باص او تاكسي
طبعا دخلت اليوم موقعهم ولقيت انهم ضافوا الاتحاد للطيران و طيران بروناي وكاثي باسيفيك وهذا شي جميل قريبا نشوف السعوديه و القطريه

اما من المطار الى القطار فعادي بس لازم تشتري التذكره بدري بالموقع ما تعرف ممكن ما تحصل حجز وهذا شي استبعده لان القطارات شغاله عندهم بشكل متواصل
طبعا القطار فكره حلوه لو لوحدك والباص احلى لو لوحدك
مثل ما قالوا الاخوان

هلا اخوي العدني واضح من الصوره اللي حطيتها انهم كانوا يقصدون الشك إن لرحلة الطائره و ليس التوصيل إلى المطار بصراحه خدمه جميله منهم و من خطوط الطيران انك تستطيع تعطيهم الشنط في المدينه و تفتك منها اما التوصيل إلى المطار فموجود و لك ان تأخذ ثلاث حقائب للشخص (على كلامهم)

a7mad abdallah
واضح من الصوره اللي حطيتها انهم كانوا يقصدون الشك إن لرحلة الطائره و ليس التوصيل إلى المطار بصراحه خدمه جميله منهم و من خطوط الطيران انك تستطيع تعطيهم الشنط في المدينه و تفتك منها اما التوصيل إلى المطار فموجود و لك ان تأخذ ثلاث حقائب للشخص (على كلامهم)
نعم هي تشك ان لرحلتك وتوصيله للمطار يعني تخلص من الشنط وانت في الكي ال سنترال
وفي توصيله لحالها بنفس السعر
وفكرة التشك ان ما ناسبتني المره الماضيه لاني كنت بالقطريه مسافر بس لو رحت بالاتحاد بجربها ليش لا
تحياتي لك