السلام عليكم ورحمه الله وبركاته
كيفكم يا اخواني ..............
بصراحه من دون مقدمات انا مسافر في شهر 7 القادم والى الان ماسويت شي
بالرغم اني عارف متى بروح لكن التأجيل وصلني الى هذي المرحله
المهم اني بين يديكم اعتبروني مثل احد اخوانكم ودلوني .
لاني ماعمري سافرت خارج السعوديه ابد وماني عارف شي
سوا اني بسافر ومعي ذي المسكينه زوجتي < رايحين شهر عسل
يعني تعرفون توي متزوج والبنت تبي تستانس وما ابي انكد عليها
وتخرب السفر ( لعدم المعرفه ) .
ما اخبي عليكم انا عارف البلد وقريت عنه وما خليت موضوع في المنتدى ما قريته بس الواقع غير عن المكتوب
اول مشكله صادفتني هي الحجوزات يعني تعبت منها نفسيا ...
اولا غاليه جدا اسعار خرافيه .
ثانيا حجوزات الفنادق تعبت من نصب مكاتب السفر موقع booking سعر وهم سعر والفرق شاسع
ثالثا التنقل داخل البلد يعني اسعار التكاسي ( ودي بسواق واحد يوديني ويجيني ومعي في كل فندق )
رابعا اسعار المطاعم ما ابي اتنقل بين المطاعم ادور على الرخيص تعرفون صعبه ( ما اقول رخيص يعني اكل شي مو زين
بس شي زين وسعره معقول ) لان بعض الاحيان تدخل مطعم اكله الله يديم النعمه وسعره غالي
خامسا الطيران الداخلي
سادسا احسن اني ابي استانس يعني ابي اقسم الايام بشكل زين ما ابي اروح لمكان وبعدين اندم عليه
رجائي لكم لا تقولون لي ادخل على المواضيع المثبته واقراء ابي شخص يمسك بيدي ويقولي سوا كذا وكذا وهذا كذا وكذا
يعني من واقع تجربه
اخوكم راجيكم وان شاء الله ما تردوني خايب .
معلومات :
الميزانيه : 15000 الف ريال .
المده : 10 أيام < اتمنى تكون من الوناسه وليس التعاسه
الاشخاص : اثنان ( انا وزوجتي )
والله يعين