ابغى اعرف ايش 1100 التذكره والفندق والفيزه ...
والا تقصد الفيزه بس ..

سوري من الحماس نسيت صفر المبلغ 11000 ريال احد عشر الف ريال سعودي .
ياليت احصل من يفيدني ومعذره على الخطاء

و عليكم السلام
1- لا مشكلة لو رحت لوحدك فانا مثلك رحت لوحدي و تعرفت على الكثير
الامان جيد مثلها مثل اي دولة اخرى انا ماتعرضت لاي شئ طوال فترة تواجدي
2- اللون يساعد كثير مااحد يتعرض لك بس بيتكلمون معك كثير لانهم كثيرين كلام بشكل غير طبيعي
3- الانقليزي نادر ماينفع هناك خلك على لغة الاشارة بس بتلقى مريكان و اوربيين يتكلمون برتغالي وهذا يساعد
4- العرض حلو بس يعتمد على الفندق وين مكانه لا يكون بحي ماينفع كم يبعد عن كوباكبانا ؟
التذكرة على الاماراتية تكلف 8000 ريال تقريباً و مادام معك وقت شيك جميع الخطوط للحصول على افضل سعر
و الفيزا مايحتاج لها مكتب شوف موضوعي عن الفيزا ببوابة الاستفسارات
ارجح انك تحجز الفندق و الطيران عن طريق الانترنت لا عن طريق مكتب للمصداقية
5- معدل الصرف اليومي للي يبي ينبسط 200 دولار البرازيل غليت مو مثل أول
اما الامور البسيطة مثل ماء و مواصلات لا تشيل همها المهم الاساسيات
حياك ياخالد و حاضرين لأي استفسار

مشكور اخوي بالنسبه للتذكره والفندق والفيزا عن طريق مكتب التذكره حسب مافهمت
سهرها 6800 ريال على الخطوط الفرنسيه
اما حجز الفندق بعيد عن الشاطيء 4 كيلومتر المكتب بيحجز عن طريق النت بمسوليته لو حصل اي خلاف او مشكله راح اتفاهم مع المكتب بحكم المكتب انو معروف ووكيل معتمد وبيني وبينك المثل يقول اللعب على المضمون ماودك اروح هناك واتورط مع مشاكل النت .
المصروفات اللي انا خصصتها هل تكفي للرحله لمدة 25 يوم ؟؟؟
ياليت لو تقدر تعلمني مستوى الصرف هناك للأكل والشرب عشان مايستغلوني مثل ماقلت لك في الموضوع فوق لو افترضنا وجبه في السعوديه للشخص الواحد 25 ريال في ماكدونالدز كم تقريبا راح تكون في ريو دي جانيرو ؟؟؟
التكسي كحد اقصى في مشوار داخل البلد كم بيكون بالبرازيلي ؟؟؟؟
ياليت الافادة وشاكر لك اخي العزيز
خالد

المشاركة الأصلية كتبت بواسطة آخرفرصة
1- لا مشكلة لو رحت لوحدك فانا مثلك رحت لوحدي و تعرفت على الكثير
الامان جيد مثلها مثل اي دولة اخرى انا ماتعرضت لاي شئ طوال فترة تواجدي
2- اللون يساعد كثير مااحد يتعرض لك بس بيتكلمون معك كثير لانهم كثيرين كلام بشكل غير طبيعي
3- الانقليزي نادر ماينفع هناك خلك على لغة الاشارة بس بتلقى مريكان و اوربيين يتكلمون برتغالي وهذا يساعد
4- العرض حلو بس يعتمد على الفندق وين مكانه لا يكون بحي ماينفع كم يبعد عن كوباكبانا ؟
التذكرة على الاماراتية تكلف 8000 ريال تقريباً و مادام معك وقت شيك جميع الخطوط للحصول على افضل سعر
و الفيزا مايحتاج لها مكتب شوف موضوعي عن الفيزا ببوابة الاستفسارات
ارجح انك تحجز الفندق و الطيران عن طريق الانترنت لا عن طريق مكتب للمصداقية
5- معدل الصرف اليومي للي يبي ينبسط 200 دولار البرازيل غليت مو مثل أول
اما الامور البسيطة مثل ماء و مواصلات لا تشيل همها المهم الاساسيات
حياك ياخالد و حاضرين لأي استفسار
ما شاء الله عليك كل سفرياتك لحالك : والله اكثر من مره اطلع الفيزا وما القى خوي واهون السفر . على الاقل خوي اسولف معاه وامزح ونجلس قبل النوم نسترجع شريط اليوم اما لحالي والله انجن ههه

المشاركة الأصلية كتبت بواسطة ali nasier






الشخص اللي يحب السفر برأيي سفره لوحده ضروري
عشان يتعود على هالشئ و لو تعود على الاصحاب بينتهي
فيه الأمر لوجهات معروفة و مكررة

المشاركة الأصلية كتبت بواسطة آخرفرصة






عزيزي ابو غسان : طيب ممكن تشرح لي كيف تسوي بالسفر طريقتك اللي تنتهجها ابجرب وان شاء الله تظبط معي وارتاح ؟

شفت تقريرك و الله كأني معك بالسفره ومزاجك حلو جدا لكن ............... حسافه الصور ماطلعت .
اقول بالعربي ماودك تخاويني هناك ؟؟؟

المشاركة الأصلية كتبت بواسطة hz2bz






أيام حلوة قضيناها هناك ياخالد لا يمكن أنساها
خاصة اني تعرفت على الماني يزور ريو كل سنة 6 شهور و عنده شقة هناك و لازلنا اصدقاء الى لآن
وهذا كان احلى مافي الرحلة لأنه كان يترجم لي كل شئ و عرفني عالمدينة زين
ودي كتابة ذكرياتي عن ريو قريباً و رفع الصور مجدداً لكي يستفيد الجميع لأن التقارير قليلة هنا
احب شئ لي خوتك لكن السنة هذي رايح لروسيا و بعدين الدول الاسكندنافية النرويج الدنمارك و ايسلندا
و السنه الجاية ان شاء الله بروح الارجنتين و تشيلي و كوبا و يمكن نسير على ريو
وانا بسفراتي دايم أفلها و اسافر لوحدي واتعرف على الناس هناك
السفر لوحدي يجبرني على التعرف على أهل البلد زين و كثير من البلدان تعلمت جزء من لغتها بهذي الطريقة
تحياتي

سعر التذكرة زين لكن الفندق بعيد 4 كيلو ماهي سهلة
طيب لو رحت للفندق و قال مالك حجز وين تدور المكتب ؟ خلك مع الفندق دايركت افضل لك
و الافضل دام المدة شهر انك تدور لك شقة و لو مريت على الاستفسارات تشوف ردودي فيها اكثر من موقع للشقق
شكلك ماقريت ردي زين قلت الله يسلمك تحتاج 200 دولار لليوم عدا التذاكر و الفندق اذا كنت تبغى تفلها
0دولار تمشي حالك فاضربها بالمدة اللي ودك تجلسها هناك
الاسعار بالمطاعم مكتوبة بالمنيو بخط واضح يعني ماحيضحكوا عليك
المأكولات السريعة اغلى من اسعارنا بشوي بس ماتحتاجها هناك
عندهم معجنات طازجة للافطار بريال و ريالين والبيتزا خاصة بالحطب حول ال 20 ريال
عموماً اسعار الاكل عندهم عادية لأنهم شعب يأكل كثير جداً فتلقى عروض للاكل بكل مكان
يعني بوفيهات مفتوحة و كل قد ماتقدر ب 30 ريال
التكاسي أيضاً بالعداد ولا تركب مع أي تاكسي مايشغل العداد عشان تبعد عن النصب
فما فيه أي مجال يضحكوا عليك
بعضهم لما يشوفك اجنبي مايشغل العداد هنا انت تأشر له و تقول ميتر و لا انزل
النصب اللي لازم تنتبه له في أماكن السهر و خاصة هيلب
يعني مايرجع الباقي أو يعطيك طلب غير طلبك لأنه أرخص ويحسبه عليك غالي وهكذا
لكنها أمور عادية ماتمر على الحريص و تصير بكل مكان
حاضرين لأي استفسار
أبو غسان

لبى قلبك يابو غسان قلت لي عن اسعار الماكولات من 20 ريال الى 30 ريال تقصد ريال برازيلي ولا سعودي ؟؟؟
بالنسبه للسكن ابي فندق يكون فيه خزنه فولاذيه ومكيف وبيني وبينك الشقق المفروشه ينخاف منها ياليت تعطيني اسماء الأماكن او الأحياء اللي اسكن فيها بفندق مايكون غالي من 150 الى 250 ريال سعودي يكون قريب من الفله (الوناسه) والاسواق والبحر اهم شي البحر عشان الإسترخاء .
وسامحني ابو غسان كثرت عليك الأسئله
مادري وين اودي جمايلك معاي
اخوك خالد

ماذكرته بالريال البرازيلي يعني اضرب في 2
شيك على فندق RIO ROIS على هذا الرابط تشوف الكوباكبانا من الفندق 3 نجوم بس نظيف
http://www.rioroiss.com.br/english/index2.htm

مشكور اخوي كفيت ووفيت

ياهلا فيك و لو كان عندك اي استفسار مستقبلاً لا يردك الا الكيبورد
رحلة موفقة

بعد أذن صاحب الموضوع
والله يا خوي (أخر فرصة) شي غريب كثرة المدن الي زرتها ما شاء الله عليك
والاغرب من كذا انك تسافر لحالك!!!!!!
لاني دايما اريد اسافر لبعض الاماكن و اغير راي لاني ما احصل حد يخاويني
لكن هذي المرة بروح على نصيحتك و بسافر لحالي
بس خوفي اتملل؟

المشاركة الأصلية كتبت بواسطة عييد






هلا عزيزي عبيد
السفر وحيداً متعة مابعدها متعة
وماوصلت لهالمرحلة الا بعد ماجربت الكثير لقيت كل واحد في النهاية يفكر بنفسه
صرت أجامل كثير على حساب نفسي الى ان وضعت حد لهذه المجاملات
من هنا بديت ازور كل مدينة تجي برأسي ماانتظر موافقة فلان ولا علان
ولو مشيت على رايهم ماغيرت عن دول شرق آسيا
مارحت لمدينة الا تعرفت على ناس جدد فلا تخاف من الملل
الخوف الوحيد هو عشقك لكل مدينة تزورها لأنك ستراها بعينيك لا أعين الآخرين
تحياتي

اخوي اخر فرصه ابو غسان ر حت للمكتب اللي قدم اللي عرض وسالته عن الفندق وين موقعه اجاب لي :
الفندق اسمه Rio Niec موقعه في سانتا تيريزا وعطاني موقعهم على النت http://www.yeego.com/brazil/riodejaneiro/hotel32908.html
سعره تقريبا الليله 250 ريال مع الإفطار ................ ايش رايك بالفندق.
ولو لرحت فندق ب كوباكانا راح يزيد علي 9000ريال احس كثير المبلغ .
والفنادق غاليه والميزانيه لك عليها .
رايك يهمني يا ابو غسان ؟؟؟

لا عزيزي ما اوافقك أبداً الفندق قديم جداً يمكن ماتقدر تنام فيه
و بعدين المنطقة لك عليها يبغالها شوية حرص
كم معدل سعر الفندق اللي تدور عليه بالريال السعودي ؟ و المدة بالتأريخ ؟
احاول اشوف لك فندق معقول وانت دور معي رأيين أحسن من رأي واحد

اخويhz2bz...
بالنسبة للسعر اللي انت حاطته(250 ريال+فطور) في فندق...احس انه صعب جدا ....(بعد شهر كامل من البحث عن طريق النت في مواقع كثيرة..)
خاصة اذا كان ودك ب كوبكبانا او ابينما.....
لكن لاحظت وجود hostels بكثرة .... واسعار معقولة(بالنسبة للمكان)...
المشكلة ما اعرف وش نظامها؟؟؟؟
ياليت لو يفيدنا فيها "اخر فرصة"...

المشاركة الأصلية كتبت بواسطة dr.mach2011






هلا بالغالي
الهوستيل زي بيوت الشباب أو سكن الطلبة بحمامات مشتركة ( الدورم )
ماينفع للسياح و لا في بلد مثل البرازيل
فيه شقق رخيصة ب 150 ريال اليوم و بعماير جنب الكوباكبانا بس بدون تكييف و فرشها عادي
بس المشكلة حجزها عن طريق سيكيورتي العماير اللي صعب يفهمك
لو تبغى تغامر ممكن تحجز 3 ايام بفندق و بعدين تروح للعمارة و تدور احد يتكلم معاه
و ممكن تستدل على هذي الشقق عن طريق المحلات المجاورة
احد العاملين بمحل انترنت كان يتكلم انقليزي و دلني على شقق كثيرة
حديثك مع العاملين و العاملات ممكن يدلك على اشياء كثير خاصة أنهم كثيرين كلام