دوسري سنافي
14-02-2022 - 10:25 pm
بسم الله الرحمن الرحيم
في البدايه احب ابارك لكم بالشهر الكريم
لقد استفدت كثيرا من قرايتي للمواضيع المميزه المطروحه بهاذا المنتدى
واشكر القائمين عليه جزيل الشكر
زواجي ان شاء الله بشهر فبراير وقررت ان اقضي شهر العسل بماليزيا
ولاكن واجهتني عدة اشكاليات ولدي عدة استفسارات
بالنسبه لحالة الطقس في شهر فبراير
ومكتب سفريات ممتاز
هاذي هي المشكلتين اللتي تواجهني خصوصا اني من سكان الخبر
وحاط في بالي اقضي 15 يوم بماليزيا مقسمه بين ثلاث مدن كوالالامبور ولنكاوي ومدينة ثالثه
وابحث عن فنادق باسعار مناسبه
خصوصا اني جيت لمكتب سفريات بالخبر صدع راسي من كثر مايشرح واخر شي قالي سعر التذاكر مع الفنادق 12500 ريال والفنادق اربع نجوم
طبعا استغربت لاني ماني بمسافر وقت موسم واللي اعرفه اسعار التذاكر تكون مخفضه واسعار الفنادق نفس الشي
حاسب لي التذاكر على الاماراتيه 3200 ريال للشخص الواحد
والتنقل بين المدن اخترت سياره ولا اعرف هل اذا التنقل بين المدن بسياره ممكن .
ولكم جزيل الشكر
يقول اسال مجرب ولا تسال دكتور
اول شي مبروك مقدما ومنك المال ومنها العيال
اما بخصوص سؤالك عن الجو في فبراير ماعندي علم اكيد لكن الي اعرفه ان جو ماليزيا مايتغير طول السنه وهذا لانها استوائيه
اما المكاتب الي في الخبر في اكثر من مكتب ماادري اذا اداره المنتدى تسمح بذكر الاسماء او لأ
لكن انا مجرب اكثر من مكتب وبكتب لك الافضل مابين الي جربتهم
مكتب معن الصانع للسفريات
مكتب هيثم او الهيثم ( اسمه بالظبط ناسيه والله لاني تعاملت معهم قبل سنتين ) هذا تلقاه جنب سناس وانت جاي من الدوحه متجه لكورنيش الخبر على جهه اليمين بعد اسواق الشرقيه واسواق طابا
مكتب المعجل بالدمام ( ماجربته لكني سمعت عنه )
اما بخصوص الاماراتيه فهي اغلى خطوط على حسب علمي
جرب القطريه او الخليجيه مع ان زميل لي توه ماخذ على القطريه ب2600 للشخص الواحد
من ناحيه التنقل داخل المدن بالسياره ممكن الا لنكاوي
النتقل من والى لنكاوي لازم بطياره والا بالفيري ماينفع بالسياره لانها جزيره ولا فيها جسر يوصلها بباقي مدن ماليزيا على مااعتقد
اتمنى اني افدتك اخوي
واذا تبي نصيحه مني جرب تسوي لك بكج بنفسك وهذا عن طريق اراء الاعضاء من الفنادق والخطوط وبعدين مر على اكثر من مكتب وعطهم صوره من البكج وقولهم ابي تسعيره للرحله هذي وبعدين قارن بينهم
ولاتنسى تقولهم انكم في شهر العسل يمكن تحصل لك اب قريد على الخطوط او في الفنادق
سلام