هاه
20-06-2022 - 05:03 pm
اخواني تحية طيبة للجميع
انا والله لي اسبوع وصلت كامبرج والحقيقة اواجه كثير من المشاكل بستعرضها وارجوا الرد عليها بالتفصيل عشان اعرف اتصرف :
1- انا بجلس شهرين ونص هل لآزم اروح الى الشرطة اسجل اسمي واذا ما رحت وش يصير الحقيقة رحت لهم اكثر من مرة وكل ما رحت يقولون تعال الساعة سبع الصبح بالله من يقوم قبل الفجر .
2- كيف استفيد واتعلم انجليزي الحقيقة الى الان احس اني ما افهم شيء بعدين في الشارع يتكلمون بشكل سريع والله ما الحق على حرف .
3- العائلة الي انا عندهم والله حلييوين عندهم انترنت وهاذي ميزة والغرفة حليوة بس مشكلتي شوي مجامل انا وملابسي وسخة ولا ادري وش اقول هل عادي انهم يغسلون ملابسي .وصراحة دورة المياه الله يكرمكم الدش بارد يجي حار نص دقيقة ويروح والله مرتين سبحت بالبارد وباردهم مهوب بارد اه بس بغيت اموت المهم قلت لأم العائلة قالت لا زين هاه وش الدبرة .
4- الغرفة الي انا فيها بارده ولا جا الليل ذبحني البرد واقوم بسببه قلت لأم العائلة ذبحني البرد عطتني بطانيتين والله كنها مناديل وش الدبرة اروح اشتري والا وشلون ز
5- التوبيس امس هاوشني يقول اذا جيت تشر لي شل الغطاء الي على راسك هو صادق والا بس عشاني سعودي .
6- امل من الي ساكن كامبرج يقولو لي وش اسوي في الليل بصراحة بديت امل لحالي وليش شارع ميل روود فيه مشاكل وش يصير يقول ابو العائلة لا تروح تصلي هناك انتبة هو صادق والا وش السالفة .
7- اذا لا سمح الله صار لي شيء وش الرقم الي ادق عليه .
الله لا يخلينا من ذا المنتدى وشكرا للجميع
..اسمح لي يالغالي..
..ماعندي فكره عن كامبردج..بس بشكل عام..:
وسع البيت او بعده عن المدرسه..او غيرها من الاشياء..الكامل وجه الله...( لازم تضحي)..
بخصوص الخجل..لا تخجل ونا خوك..بس كله في حدود الاتيكيت