السلام عليكم
مواسم التسوق والتخفيضات تختلف من مكان الي اخر لاكن في الاغلب
تكون نهاية الشتاء او الصيف وثابته نهاية كل سنة للتصريف
اما عن الضرائب كل مدينة لها ضريبة
اما تقسيمك 1- نيويورك يومين قليلة اقلها 4 ايام
2- لوس انجلوس 10 ايام كثير 7 ايام كافية و3 ايام سان فرانسيسكو
3-اورلاندوا 10 ايام واجد خليها 7 ايام 3 ميامي
كذا يكون زرتي مدن اكثر ومعالم اكثر
اما مدن التسويق ميامي لوس انجلوس اشوفها الافضل
لاكن تبين الشور اتركي عنك المولات وعليك بالاوت لت ارخص وتقدر تتسوقين اكثر بنفس الجودة تقريبا وهاذا رابط يوضح هذه المراكز في امريكا كلها
http://www.premiumoutlets.com/centers/

بيض الله وجهك
ماقصرت
راح اخذ بشورك بس انا كنت متردده شوي بميامي
بحكم انها مدينه معروفه بضعف قوانين الكحول
ولابسين من غير هدوم
وانا صراحه ما ابغى بنتي تشوف عري بزياده
بس حبيت اسالك عن التنقل بينهم كلها طيران؟
ومدينة هيرشي تستاهل العنوه ولا اكنسلها؟
سفرتي بتكون ب 29 ماي الى 21 جون
وشكرا مقدما,,,,,,,,

السلام عليكم
اذا تقصدين من اورلاندوا الي ميامي فيه طيارة وتقدرين تروحين سيارة طيارة ساعة فقط سيارة 5 ساعات
واذا بتروحون ميامي للتسوق تحتاجون سيارة
وهاذا موقع استخدمية كدليل لرحلات الطيران لاتحجزي منه شوفي الرحلة الي تناسبك وادخلي علي موقع شركة الطيران وحجزي و
http://www.kayak.com/flights
اما هيرشي حلوة لاكن في نضري ماتستاهل العنوه خلي ايامها لنياجرا او نيويورك لمشاهدة العروض العالمية
تحياتي

الله يوفقك ويثبتك اؤيدك 100% طالما ماتبغي بنتك تشوف مناظر العري الغي ميامي وان كانت دول الغرب كلها قريبة من ذا الوضع بس على مايقولون شي و شي اذا انت ملزمة
وخلي اور ندو مركز انطلاقتكم
وتقدرو تروحو منها عدة مدن وضواحي قريبة
بالتوفيق

خوي السفرة
صح كلهم فيها عري لكن شي اهون من شي
اللي مخوفني من اورلاندو الحر
وايش المدن القريبه منها اللي تنصحني فيها؟؟؟؟

الاخ رامي شعيل
الله يسعدك و شكرا على ردودك بس عندي كم سؤال
الطريق اذا بروح بسياره فيه مناظر حلوه؟بيكون ممتع؟
والانظمه في السواقه نفس اللي هنا؟
واذا تقترح على مدن ثانيه ما نستغني عن رايك
وعندي سؤال مهم جدا جدا
الفيزا للان ما طلعت و كثير يقول لي اتوقعي الرفض لاني قبل 3 سنين رحت سوريا
واللي بجوازه تاشيرة سوريا ما يدخل امريكا
صح او مو شرط
وشكرا جزيلا

اختي السوق في فلوريدا يتجمع حول ميامي
اورلاندو فيها اسواق لكن تعتبر قليلة
مابه الا فلوريدا مول وميلينيا مول واوتلت بيونا فيزتا وانترناشيونال درايف
هذا اللي يقال عنهم سوق
اما الباقي تعتبر مجمعات صغيرة لاتفي بالغرض
ميامي فيها مجمعات كثيره وتنوع كثير
اذا ماتبون مناظر انصحكم تخلونها الى لوس انجلوس كامل الرحلة
لانها مدينة كبيرة وحولها مدن تقدرون تروحون لها بالسيارة مثل سان دييغو
وفيها مجمعات وتنوع فالسوق
انصحكم انكم تخلونها على الاماراتيه ليالي شمال لوس انجلوس
ليالي جنوب لوس انجلوس
ليالي سان دييغو
ليالي او سان فرانسيسكو
تحياتي

السلام عليكم
الله يسعدك دنيا واخرة
1-بالنسبة للطريق من ميامي اورلاندوا حلو طبيعة لاكن ماهو مثل اوروبا انهار وشلالات وطبيعة مجنونة بالنسبة نعم الارض خضراء
2-نعم نفس النظام عندنا بس التزام بالسرعة المحددة
3- مدن ثانية هاواي افضل مدينة زرتها في امريكا وصعبة احددلك مدن لاني ماادري وش تبين تبين عروض لاس فيغاس ونيويورك تبين نشاطات ميامي لاس فيغاس طبيعة هاواي مع ان الي يروح امريكا عشان طبيعة عندي عليه علامة استفهام نعم مثل كولورادو وبعض المدن نعم طبيعتها حلوة لاكن تبحث عن الطبيعة اوروبا تبحثين عن التسوق لوس انجلوس
اما النصيحة من قلب
لاتسوين حجوزاتك حتي تطلع الفيزا
اما بالنسبة للي راح سوريا او السودان والدول الاخري يدققون شوي لاكن ماهي قاعدة ولد عمي جوازه كله سوريا ويومين وطلعت الفيزا
تحياتي

stranger man الاخ
شكرا على ردك
الغرض من الرحله بالدرجه الاولى الترفيه و التسوق
انت اول واحد يطري لي سان دييغو
ببحث عنها و شكرا مرة اخرى
الاخ رامي شعيل
اشكر لك سعة صدرك و تحمل اسألتي
الغرض من سفرتي مثل ما قلت الترفيه
ودي بعروض سيرك دوسوليه واللي يشابهها
ديزني لاند بنتي متولعه بشكل مو طبيعي فيها
تنصحني اسكن بنفس فنادقها؟ عشان ما اضيع وقت الروحه و الرجعه
والغرض الاهم و المهم هو التسوق
بطلع حرتي بالسوق
اللي توصلت له من حضرتكم الله يحفظكم
الجدول بقسمه بين
نيويورك(العروض) -اورلاندو(ديزني) - ميامي(تسوق) _لوس انجلوس(تسوق)
صح كذا
شكرا من القلب