لنكاوي
باي فيو لنكاوي هوتيل ( بمدينة كواه)
الفندق جيد وفي وسط المدينة وقريب من محطة الفيري وحديقة لاجيندا ونصب النسر الشعير وقريب من المطاعم العربية والعالمية.

هلابك حبيبي ( بو حسن )
أسأل الله أن يوفق ( أخوك ) في رحلته ... ويرجع لكم بالسلامة
طبعا ( 40 دينار كويتي ) يساوي ( 540 ريال ) سعودي ... وهذه الفنادق المناسبة للمبلغ ...
في لنكاوي ( الموتيارا )

شكرا اختي قمر عمان كلج ذوق
وافي شلونك ياخوي عساك مرتاح ؟
الفنادق الي قتلي عنهم قراب من البحر والخدمات ؟
والسؤال الاهم دورات المياه فيهم شطاف ؟

هلابك ( بو حسن )
أبشرك بخير ... دامك بخير ياغلاهم
بخصوص الفندقين فهم يقعان ( بأحضان البحر ) ... وفيهم شطاف
الموتيارا : يقع على أجمل شواطيء لنكاوي ... موقعه قريب من كل شيء ...
الهوليدي إن : على شاطيء ( الباتوفريجي ) الشاطي الأجمل في بينانغ ... وعلى بعد خطوات من السوق الليلي
( لاتحاتي يامعوًد ) ... راح تعجبه الفنادق بأذن الله

دام الاختيار منك اكيد بيكون شي طيب !!
ابي اسألك عن الحجوزات عن طريق النت وانا واثق اني بلاقي اجوبه وافيه وكافيه
1) بوكنج يعرض السعر من غير الضرائب 16% الضريبه ادفعها في الفندق ولا شلون النظام ؟
2) اذا كان معاي طفل عمره 3 سنواو هل لازم ادفع له قيمه سرير اضافي ولا يعطوني سرير بدون ما ادفع شي اضافي ؟
3) طبعا اكيد السفر بيكون في الصيف واغلب الربع ينصحوني اني ابداء بحجوزات الفنادق بشهر فبراير او مارس حق الصيف لانه وقتها تكون الاسعار تكون نازله صحيح هالكلام ؟
اخر سؤال ومهم وايد بالنسبه لي !!
بخصوص حجز تذكره طيران ع النت شلون اعرف التذكره مسترجعه واني اقدر اغير موعد الرحله وكذا ولا كل حجوزات للطيران في النت غير مسترجع ؟؟
وشكرا مقدما يا عسل

اهلا أخوي ( بوحسن )

• الضريبة تدفعها عند خصم المبلغ ... فإذا الحجز غير مسترد ( تخصم فورآ مع المبلغ ) وإذا مسترد تدفعها عند الوصول
• الطفل أبو ( 3 سنوات ) لاتكتبه عند الحجز ... وراح يوفرون سرير أضافي له مجانا
• أسعار الصيف واحدة ... سواء حجزت متأخر أو مبكر ... الأهم أن تجد حجز متوفر
• الخطوط الماليزية يسترجعون المبلغ ... وطيران air asia لايسترجعون المبلغ ويسمحون فقط بتعديل التاريخ

تسلم ع الشرح الوافي يا وافي
ولكن انا قصدت بحجز الطيران الدولي مو الداخلي
يعني مثلا بحجز ع الخطوط الاماراتيه حق شهر 9 القادم عن طريق النت هل اقدر اعدل في تاريخ الرحله او اني الغيها بالمره ؟
لانه مثلا تلاقي التذكره ع النت 200 دينار المكتب السياحي يقولك 350 !! فشلون اعرف اذا لي الحق في الغاء التذكره او حتى اغير تاريخ الرحله ؟
وشكرا

هلابك يالغالي ( بوحسن )
بخصوص سؤالك ... أكثر مايفيدك هو ( الخطوط الإماراتية ) نفسها
أنصحك تأخذ رقمهم من موقعهم الرسمي ... وتسألهم أفضل