وعليكم السلام ورحمة الله وبركاته ...
حياك الله اخوي ورد وبارود والله يعين
موقع فدرال : ممتاز ..جنب شارعنا المزعوم
الخدمة : جيد .
السعر : 200 ريال تقريباً ...تزيد او تنقص شوي .
لانه الاسعار الان تغيرت شوي .
عيبه سوء تعامل الموظفين ...الاغلبية ومش كلهم .
احسهم عسكر مع احترامي للعسكر ...
ان ماكان يهمك هذولي الناس وطول وقتك بره الفندق وترجع
لاجل نومك فقط اجل خذ فيها وخاصة انه اغلب الفنادق
مثل ما يقولون الشباب فل ...فما ابغى لك الورطة .
اقول لك طيب اخاف اطلع كذاب وودي اقول انهم بطالين
اخاف اظلمهم ...توكل على الله وان ما عندك بديل خذ فيها
وان شاء الله بأسلوبك الحلو تجيب راسهم كلهم وتخليهم
كلهم يبتسمون لك
موفق اخوي ورحلة سعيدة بأذن الله والسلام عليكم

اشكرك اخوي الشعيبي على سرعة ردك
لكن الي بغيت اقوله لك انا ما بعد حجزت وانا محتار بينه وبين استانا
والمصيبة انك تقول ان الفنادق فوول وانا ناويه والعائلة الكريمه نحجر من هنا بس ليلتين او ثلاث بالخيول الذهبيه وبعدين من هناك نقرر وين نروح وين نسكن ؟
من خلال المكاتب السياحية الي هناك فياليت تقولي رايك؟

اخوي الشعيبي نسيت اقسالك عن شي
ايش تنصحني به ( فندق فيدرال) والا (فندق دورسيت ريجنسي) ؟
من الافضل؟ وكيف اسعارهم؟
تحملني وانا اختك اسئلتي كثير والسفر ما بقى عليه الا القليل):

السلام عليكم ...
اول شيء اسف اني ناديتكِ اخوي
صراحة في البداية احترت في اسمك لانه فيها شيء
ناعم وشيء عكسه ...لكن حكمت على لون الكتابة
اسف اختي واهلاً اهلاً تندوسة
انا افضل لك اني تخلصي حجزك من هنا افضل لاجل
ترتاحون ...لكن ان كنتِ مصرة فلابأس واخونا ابوغدي
يفزع لكِ وان بغيتِ مكتب اخر اخوكِ تراه مستعد .
اختي ..طبعاً افضل لكِ دورسيت ريجنسي ...نفس
المستوى تقريباً لكن يمتازوا بحسن المعاملة اكثر .
وموقعه ايضاً جميل على شارعنا المزعوم
اول اخذت الليلة ب170 لكن الان الاخوان يقولون
صارت ب200 ريال .
اسئلي كل اللي تبغيه اختي ولا تبقي شيء بقلبك
عندك استفسار اخر تفضلي
ولكِ تحياتي وتقديري والسلام عليكم

مشكور اخوي على ردك وعلى سعة صدرك
والاسئله جايه في الطريق

اخوي الشعيبي بالنسبة لغرف دورسيت ريجنسي هل هي اكبر من غرف فيدرال؟
ومن تحس انه افخم من الثاني؟ بغض النظر عن معاملة العاملين فيه لاننا ان شاء الله بنكسر عينهم بحسن تعاملنا معهم