$0ME1
04-10-2022 - 04:31 am
السلام عليكم ورحمة الله وبركاته...
تحيه طيبه للجميع، انا افكر اسافر الى ماليزيا لقضاء 9 او 10 ليالي فيها بكل صراحه من كثرة الاماكن مااعرف اش الي اروح له لكن بمشورتكم ان شاء الله ماتقصرون. اما بخصوص الاماكن فقط اريد منطقة واحدة او منطقتين تكون فيها الطبيعه جميله ومطله على البحر مثلا، الصراحه ميزانيتي حوال 10 الاف ريال ومافي مشكله اذا نقلل الايام. واهم شي توفر المساجد.
وهل تنصحوني احجز واضبط كل اموري من النت من الان؟ وماهي افضل المواقع من ناحية التجربة؟
طبعا فندق وتذاكر سفر.
انا من اهل الشرقية، هل فيه مكاتب اسعارها مناسبه وتنصحوني فيها؟
هل تنصحوني داخل ماليزيا استخدم الطياران الداخلي ام القطارات؟
يعطيكم العافيه.
اول شي مبرووك منك المال ومنها العيال مقدما
ثانيا بكلمك بخصوص اماكن ماليزيا
شو رايك اتروح كوالالمبور و جنتنغ ولنكاوي
كوالالمبور::هيه العامصه وتتميز بكثرة اسواقها الغاليه والرخيصه والحلوه . . والتمشي
جنتنغ:: مدينه فوق السحاب تبعد عن كوالالمبور بالشي القليل على ماعتقد ساعتين والله مب متأكد ومدينه جميله لأبعد الحدود فيها ملاهي وفنادق وتتمشى وطبيعه حلوه انصحك تسكن فيها يومين
جزيرة لنكاوي::اذا كنت تبي منطقه اتطل على البحر هذي جزيرة وايد وايد وايد ممتعه وحلوه تقدر تيلس فيها اربع ايام
شوو رايك . !!
واما بخصوص مكاتب السفر فالشرقيه انا من الامارات الغالي وماقدر افيدك بهالخصوص اتمنى اخواني وخواتي يفيدونك من السعووديه
ولأي مساعده آآمر اخوك موجود