عليك بالبسكوت والعصير والفواكه مثلي أنا في كوانزو ولا إرتحت لا للعربية ولا غيرها

ممكن توضح كيف يعني "مقرف" ؟!
يعني مثلاً هل شاهدت حسب ما أسمع مطاعم تقدم لحوم الكلاب والحشرات -لا سمح الله - (وحامت تسبدك) ؟ .
بالنسبة للمطبخ الصيني فهو معروف وعليه إقبال في الدول العربية .أستغرب عدم استساغته في بلده الأم !. ليش ؟

نجع الغرقان
ياعزيزي ، الصينين هنا يطبخون على الارصفة والازقة اقذر مافي الخنازير ، وارى اشكال واشياء عجيبه وروائح مقرفة جدا تسبب لي الغثيان

hguvfdi
هذا الحال في غيرها من المدن ...
هنا في جوانزو .. وايوو ... روايح أكلهم مؤذية جدا ...
الله يكون في عونك أخوي ويقويك ويفك أزمتك ...
أنا حاولت أستفسر من مترجمي عن المدينة اللي انت فيها ..
ولكن طلع مفهي ومايعرفها .. ولا يعرف أحد فيها ..
وقاعد أحاول أسأل من هنا وهنا الله ييسر ..
نصيحتي المبدئية لك أخوي ...
مثل ماقال الأخ / alssagar ..
عصيرات وبسكوت .. وفواكه ..
واذا عندك مترجم تقدر تسأله يدلك ..
الله يعينك وبس ...
مانقدر نعاتبك على التهاون بهالشي وانت بهالموقف ..
دعواتي الصادقة .. وقاعد أحاول أسأل لك وعلى الله نقدر نفيدك ..

ياخي الله يعينك .. بصراحه أكل الصينيين في الصين غير نهائياً عن الصينيين في الدول العربيه والدليل أنه حتى العيش الصيني الي عدنا بمكوناته وطريقة تقديمه غير موجوده عندهم في الصين ...
عيشهم أبيض فقط وما فيه ملح..... الله يكون في عونك .... بس دور على بقالات وتصبر على شيء .. وابحث عن المطاعم الصينيه للمسلمين على الأقل شوي تقدر تآنس لحم ولا دجاج حلال .... اسأل المترجم
اخوي رحلة الشتاء أظن اخونا يقصد مدينة شي شي .. والله أعلم ...

Bu5ale
فعلا المدينه اسمها "شي شي"
دورت على البقالات ، عجبني بسكوت شوكولاته ، اكلته ، ثاني يوم بالصدفه صديقي يرسل لي ايميل عنوانه "احذروا هذا البسكويت" طلع فيه مادة "الجيلاتين" القذرة اللي تؤخذ من جلود الجنازير اعزكم الله
احسن شي اقلب ضب يمكن ينفع

bu5ale
هلا اخوي ..
كلامك صحيح ..
سألت مترجم وقال لي مايعرفها ( تشي تشي ) ...
ويوم قلت له مدينة ملابس قال ( شي شي ) ... حتى قالها بطريقة غريبة ...
بس للأسف مايعرف فيها شي ..
عموما قلت له يسأل ... والله مايندرى احسه من جنبها ...
وانت يالأخ صاحب المشكلة ... بشر ان شاء الله انفرجت؟

رحلة الشتاء
اشكر اهتمامك
للأسف المشكلة مازالت قائمة
احساس الجوع مازال يؤلمني
صبرت نفسي بشوية خرابيط وجركل موية وشاهي
الان انا بنام
ودي اقوم بكره وافتح الموضوع القى عنوان مطعم (ماما نوره) ب "شي شي" او (غوزي) او (المضغوط)
او حتى القى عنوان (بوفية) بنغالي
خ
همسة ~~ (الجوع كافر)
تصبحون على خير

hguvfdi
الله يكون في عونك ، يعني المفروض أن نشحن معنا أكلنا الخاص بالكامل ..
طيب تقدر تشتري رز وخضار وتطبخهم في شقة مثلاً ؟

• رجاءًا لا تقول على النعمة : شوية خرابيط . احمد ربك على النعمة على أي حال.