أبدا ما فيه مشكلة ، وفيه محلات كفي شوب كثيرة فيها خدمة اللس لاين هذا متأكد منه ، أما الفنادق ما أدري وما شفت إعلان اللس لاين في بهو الفندق ماريوت ولا وستن .

ياهلا والله اخوي مسافر عاشق
ان كان معاك كاميراديجيتال وحاب تنزل الصور اول بأول في الجهاز
فشيله معاك .. وان حبيت انك تتواصل معانا من هناك فشيله معاك
ان كنت رايح تشيله معاك في كل خرجة فبلاش منها ... اللي يقولك
شيله معاك في كل خرجة وده يعذبك
خليها في غرفتك ولا تشيل اي هم ... وحطها في الدولاب مع الشنط
او حتى فوق السرير ولا تشيل اي هم ... لا تتوقع انه اللي راح تنظف الغرفة
وانتم بره راح تشيل الجهاز ولا تتوقع انه راح يكسرون الباب
ويسرقون العفش وخاصة ان كان فنادقك 5 نجوم ... واغلب الفنادق
يقدمون لك خدمة النت ... واما ان كنت رايح تحتاج الجهاز لفتح
الايميل فقط فالافضل انك تخلي الجهاز في البيت وتروح اي مقهى
نت وتفتح ايميلك وتشيك عليه والسلام
تحياتي لك اخوي مسافر عاشق ورحلة سعيدة بأذن الله
والسلام عليكم

هلا بك أخوي ،،
أنا كان معي اللاب توب حقي وبصراحه أستفدت كثيراًُ منه وطبعاً الفندق اللي كنت أنا ساكن فيه فيه خدمة الإنترنت وكانت بالنسبه لي مجانيه لأني مأخذ اقامة لمدة 14 يوم والتصفح سرعته خياليه وصدقني أستفدت كثير لأني كنت من هنا حاجز يومين بس بعدين هناك عن طريق النت كنت أحجز الفنادق وأروح أسكن ومرتاح ،، لكن مسألة أنك تشيله معك في كل طلعه من الفندق أعتقد أن الأمر راح يكون فيه مشقه ،،
وبالنسبة للفندق اللي كنت أنا ساكن فيه أمان بصراحه وطول الوقت واللاب توب حقي في الغرفه والقندق اللي كنت ساكن فيه هو شنغريلا بكوالالمبور ،،
تحياتي ،،،،

تمثال الشمع
شكراً اخوي بس انا ماودي اخرجه من الغرفة ابد لانه ثقيل ومالي حيل لشيله00الشعيبي
الف شكر لك واناً فعلاً عندي كاميرا ديجيتال وابي انزل الصور اول بأول وكمان ودي ارجع للمنتدى وانا هناك عشان اتواصل معاكم اذا احتجت شئ ( ماشاء الله كيف قريت افكاري )
وفعلاً طمنتني من ناحية الامان بس انا احتمال انزل في 4 نجوم ( على قدي)مسافر 2006
شكراً اخوي على التوضيح و بستفيد ان شاء الله من تجربتك وبشيله معاي
الله يجزيكم خير جميعاً

الله يسلمك اخوي مسافر عاشق وربي يوفقكم ويسعدكم
على قدي ... حقك فندق كامل لك الله يسلمك وقدرك عالي وغالي
ربي يسلمك حبيت اريحك واقول لك انه فنادق 4 نجوم عندهم
تراها مثل ال5 نجوم عندنا فلا تشيل هم وتراها امان بأذن الله ...
واخوك نزل في ولاية قدح في فندق بو نجمتين ونصف
والله لا انسرقت ولا حاجة ... القصد من كلامي ودي انك تتطمن
وترى 4 نجوم عندهم مش قليلة .. وسعر ليلة فيها = 20% من راتب
موظف حكومي عسى الله انه يفرجها في وجوهنا ووجوههم ووجوه
كل المسلمين ... ونسأل الله العفو والعافية ...
مشاركة بسيطة حبيت اني اريح بالك فيها الله يسلمك
ورحلة سعيدة بأذن الله وترجعون لنا بالسلامة
والسلام عليكم

الله يعافيك ياخوي ياالشعيبي
انا اشهد انه كلك ذوق الله يسلمك ويوفقك ويديك على قد نياتك وكلامك الطيب
وتسلم وآمين واياكم على الدعوات الطيبة00

لا يا خوي أنا ماشوف فيها شي انك تاخذ الجهاز ,, عشان تستفيد منه بتنزيل الصور ,,
وأيضا عشان تسجل يومياتك ,,, ترى لازم تسجلها عشان تقول لنا ايش سويت ..
تحياتي