ملامح شماليه
19-08-2022 - 02:28 am
السلام عليكم ورحمة الله بركاتة
يسعد صباح / مساء الكل ..
بصراحه انا متابع من فتره لكل المشاركات هنا
وقبل كل شي اشكر جميع المشرفين والاعضاء على سعة صدروهم معانا
الله يعطيكم الف عافيه
انا حجزت مبدئي ع الخطوط السعوديه وحاب استشيركم قبل الدفع
طبعا انا طالع شهر عسل وابي جدول مرتب
حاولت احصل بتاريخ 29 -3 م وما حصلت الا الجمعه30- 3 الخميس لا يوجد مقعد !!
انا حجزت ب 30 مارس لغاية 13 ابريل رايكم ايام كافيه لشهر عسل ؟؟
مع العلم انه بدري على السفر نفس ما قال اخوي ابو هلا بموضوع سابق لي
بس انا الفتره الجايه راح اكون مظغوط بالشغل مره وغير ترتيبات الزواج
وع قولتهم حبيت ابدا شوي شوي بالخطوات وارتاح وهذا خط سير الرحله
هي الوحيده دايركت لكوالامبور مدري اذا فيه غيرها افيدونا بارك الله فيكم
انا اكره الترانزيت احب اوصل مباشر من دون تعب زياده حتى لو تفرق بالسعر
رحلة الطيران 1الجمعة 30 مارس 2012 مؤكدةمغادرة: 00:10الرياض, الدولي, محطة نهائية 2 وصول:12:50 كوالالمبور,
والعوده رحلة الطيران 1الجمعة 13 أبريل 2012 مؤكدةمغادرة: 15:00كوالالمبور, ماليزيا - نهائية M وصول:17:40 الرياض, المملكة العربية السعودية - مطار الملك خالد الدولي, محطة نهائية 2
وش يقصد ب 00:10 المغادره يعني صبح السبت او الجمعه ؟
علمآ بان السعر إجمالي السعر لكل الركاب 5,810.00 SAR وش رايكم بالسعر ؟؟
اللحين انا ما عرفت احسب كم ليله راح اكون بماليزيا ؟؟
تكفون ابي جدول مرتب للفنادق والمدن اللي يفضل زيارتها بس اهم شيي منتجع حبيبنا
خليلها ع قولة ابو هلا لازم يكون اخر يوم
ودي بكوالا وجتنغ وبورت ديكسون ولنكاوي ومحتاج لترتيب المدن
الا صحيح سيلانجور هيا مو كوالامبور او لا ؟
لانه قريت يفضل تجلس فيها كم يوم اول ما توصل ما اعرف عنها حاجه
وابشروو باحلى تقرير لعيونكم
انا مع التخطيط المبكر .. لان نتائجه جداً رائعة و اقتصادية
لذا اقترح عليك اقتناص العروض للطيران والفنادق ..
واعتقد الفترة الذهبية لزيارة ماليزيا هي 14 يوم ,,
بالنسبة للسعر انا اشوفه سعر عادي جداً مائل للارتفاع ..
انتظر شوي او ابحث عن طيران بديل كالماليزية ,,,
الساعة 00:10 يعني الساعة 12:10 ص بداية يوم جديد
ويجب عليك الحضور للمطار الساعة 10 في الليل
يعني بالعامي الساعة 12 ليلاً ,,,