1. السلام عليكم

السلام عليكم

الصراحه يا جماعه صحيح الرحله الي ماليزيا ما كان مخطط لها مسبقاً ( يعني خبط لزق الحجز وغيره ) طبعاً التحويل على ماليزيا كان بسبب الاسهم الله لا يوريكم مكروه ( مسوي الراجحي على غفله ) المهم كانت الرحله في لنكاوي رحلة الخفافيش بعد ما درنا انا وزوجتي المصون قلنا نبي نروح لجزيره ما فيها احد علشان نسبح في البحر طبعاً الرجال ودنا لجزيره خاليه بعد ما وقفنا بخمس دقايق جاء قروب انجليزي قلنا للمرشد السياحي الخطير غير المكان قال طيب لأن هذا شرطنا المهم ودنا لجزيره من جد مافيها ابن ابوه والسبب ان القارب اقلب علينا قبل الوصول الى الشاطيء بخمسين متر والموج وكان اول الساقطين زوجتي المصون لأنها كانت تستعد للنزول وانا البطل الهمام نقز زي الدلفين علشان انقذ زوجتي وبالفعل اثناء قفزتي العظيمه الموج دخل القارب على اليابس وبدأت المعاناة دف لا تدف الجولات سوت شوي سومنق المهم جلسنا من الساعه 11 ص الى 7 م ما جانا احد تهي تهي انواع المعاناة
وأخيراً جانا خوي حنيفه ( هذا المرشد طبعاً متخصص ) واخذنا الى يوم قلتله وش جابك قال فقدة حنيفه صديقي والله اني بغيت اذبحه من القهر يعني نا فكرو فينا اه يالقهر ويوم رجعنا استقبلونا بكل برود وكأنه ما صار شي المهم ماني مطول عليكم لأنه تهاوشنا معهم الى درجة الضرب بس ربك ستر
السبب
الي خلاني اقول القصه هو عدم وجود وسائل سلامه يعني امان مثل كنود او هوكي توكي مسدس اشاره
اسلوب الاستقبال وغيره
يعني بغينا نصير فلونه فلم
وشكراً وآسف على الاطاله000000000000