1. في قصة حدثت في هذا الصيف حبيت تعرفونها وتاخذون الحذر منها

السلام عليكم ورحمة الله وبركاته :

في قصة حدثت في هذا الصيف حبيت تعرفونها وتاخذون الحذر منها

في جماعة سافرت الى ماليزيا وتايلاند طبعا هم عائله مكونه من 12 شخص المهم
لما راحو ياخذون جتسكي اجروها ووقعوا على ان اي شي يصيب الجتسكي يدفعون مبلغة المهم اجرو 4 جتسكي وراحوا البحر صارت لهم حادثه صغيرة ويمكن مب اكيد انخدشت وحده من الجتسكي المهم الحادثة صارت بعيد وما تنشاف .....
لما وصلوا البر جان يسولن لهم سالفه ويقلون لهم ان الجتسكي مخدوشة منهم ولازم يدفعون غرامة المهم الناس قالوا ما صار فيها شي ونادوا لهم الشرطة وقالوا لهم نبي منكم الف وست مئة دينار بحريني المساكين قاموا يصارخون ويقولون احنا ما عندنا هذا المبالغ وذا عندنا بس حق مصروفنا لكن مافي فايده و الشرطة ما سوت لهم شي قاعدة تتفرج ودفعوا الف دينار بحريني وقعدوا يضربون الكف بكف .
الظريف في السالفة ولما شاف احد اصحاب الجتسكي الثانية الي استاجروها انهم دفعوا لهم المبلغ قال حشر مع الناس عيد وقال ان الجتسكي مالته بعد خربوها لكن خرابيطة ما نفعت ...
المهم واحد نصحهم انهم ينادون شرطة السياحة
لكن الحرامية هناك ما خلونهم ينادونهم ورجعوا المساكين وهم ما تونسوا في سفرتهم
حبيت اذكر القصه واقول ان الجتسكي ما صار فيها ولا شي ورجعت تواصل عملها في البحر والناس اخسرو فلوسهم
وان اي شي يصر من هذا القبيل ياريت تنادون شرطة السياحة لان الشرطة العادية مار اح تسوي لكم شي...وسامحوني انا مب عارف السالفة صارت في تايلاند او ماليزيا لكن كونوا حذرين وسلامتكم