- والي مابعد يتزوجون اقولة عساك على القوة.
- المهم
- نبتدي على بركة الله
السلام عليكم ورحمة الله وبركاتة
اول حاجة احب اهني العرسان وان شاء الله زواج مبارك ومنك المال ومنها العيال ( من بعد هل اسهم ما فية مال )
والي مابعد يتزوجون اقولة عساك على القوة.
المهم
السفر مع زوجة او اقدر اقول مع عائلة تراة مو مثل السفر العزوبية انت يمكن سافرت كثير وما يندرى عنك وين هجولت طول منت عازب لاكن الله يستر عليك واحمد ربك انهم رضو فيك وتراها كثير عليك امزح معك لاتعصب يشيخ انت كذا ا ولو عندي بنت ماعطيتك اياها .
نبتدي على بركة الله
التكسي لا تركب زوجتك فية قبل بلعكس انت اركب وبعدين هي تركب وفي وقت النزول هي تنزل وانت تنزل بعدها لا تخليها في السيارة مع صاحب التكسي وانت مثلا بتنزل تشتري شي على السريع موية مثلا تقول في بالك دقيقة وراجع لا يهرب فيها لا قدر الله
الفندق لا تكتفي بتسكير الباب لان يقدرون يفتحونة بالكروت الي معهم يمكن بينظفون او شي خلك ذيب قفل الباب بالقفل والسلسلة اذا كانت موجودة.
دورات المياة اعزكم الله قول لزوجتك تدخل وتشوف المكان في الاول اذا كان خالي من الرجال او عمال التنظيف لان ممكن يكون عامل داخل بالغلط واذا تاكدت انة ما في احد ترجع تقولك وبعدين تدخل مرة ثانية حتى المسجد اي مكان مقفول او خاص لنساء لازم تتاكد وتقولك وبعدين تدخل .
اذا كنت تمشي مع زوجتك في اماكن زحمة دايم خلها قدامك مو خلفك واذا كانت زحمة شديدة حط ايدينك حواليها وانت خلفها علشان ما حد يلمسها حتى لمسة صغيرة وانت ادفع اي احد يقرب منها بيدينك .
حاول تاخذ معك شنطة هند باق الي تتعلق على الكتف وحط كل اغراضك الي بتستعملها انت وزوجتك في اليوم نفسة فيها وخل زوجتك ما عندها شي بيدها علشان لا يجي احد يسحب الشنطة من يدها ويهرب طبعا لا تحط الفلوس في الشنطة نفسها خليها بجيبتك ( لا تحط كل البيض في سلة وحدة )
اذا كنت معزم على ركوب البرشوت او الجتي سكي او الغوص خليها جنب البحر وحاول كل فترة تمر بجنبها ولا تبعد عنها
دائماً خليها بعيد عن الزحمة في كل شي في بوفية مفتوح في رسبشن حاول تخليها قريبة منك وفي مكان ما في ازدحام وانت خل عينك عليها
ولا تخاطر فيها ولا تصير اناني تدخل مثلا في مكان خطر وتقول في بالك من زمان ابي هذا الشي ومتمنية وتقول لها انتظريني مثلا في ملاهي او بحر او اي شي تذكر انك متزوج وايام العزوبية والفلة ووساعة الصدر راحت ( ضيقت صدرك ها) من ظربك على يدك وقالك تتزوج
المهم اسمع الكلام الي يجمد علية الشارب تراة بنت ناس وامانة في رقبتك وحافظ عليها والله لا يذبحونك اهلها لو صار شي لها لا قدر الله خل الشي هذا في بالك .
وتذكر انك تحافظ على نفسك لان سلامتك من سلامتها ولو صار اي شي لا قدر الله لك زوجتك بتضيع من غيرك والله لا يجيب مكروة .
وان شاء الله تكون رحلة سعيدة واحلى رحلات العمر
وان شاء الله اني فدتكم بشي لو بسيط واعذوني على الاطاله وعلى الكلام الي مالة داعي
والشكر للجميع
جزاك الله خيرا اخي على هذه التنبيهات لان بعض الناس هداه الله يروح تلك الاماكن ويظن انه في بلده ويصير مثل الفاغر (( الدايخ)) الي يسافر مع زوجته ينتبه ويحرص ان ما يخليها تنزل لوحدها حتى ولو الى بهو الفندق هذا راي شخصي واكبر دليل على ذلك ما يحصل من بعض الشباب من معاكسات في الشوارع والتعرض لبعض النساء هداهم الله