وعليكم السلام ورحمة الله وبركاته ..
حياكِ الله عزيزتي , وسلامة راسك
أولا ياليت توضحين هل الميزانية تشمل تذاكر الطيران الدولي أو لأ ؟؟
وأيضا مستوى الفنادق اللي تفضلينها ؟؟
ثانيا المدة جدا قليلة , حاولي تزودينها على الأقل خليها 10 أيام
لأن المسافة بعيدة لين هناك ف خذيلك مدة ترتاحين فيها وتستمتعين كذلك ..
ننتظر ردك عزيزتي ..

شموخ عتيبة
حياكِ الله عزيزتي , وسلامة راسك
أولا ياليت توضحين هل الميزانية تشمل تذاكر الطيران الدولي أو لأ ؟؟
ثانيا المدة جدا قليلة , حاولي تزودينها على الأقل خليها 10 أيام
لأن المسافة بعيدة لين هناك ف خذيلك مدة ترتاحين فيها وتستمتعين كذلك ..
ننتظر ردك عزيزتي ..
والله ياقلبي انا الود ودي اخليها شهر بس المشكله الميزانيه
ايوه تشمل تذاكر الطيران الدولي
والفنادق 4 نجوم او 3 اهم شي تكون رخيصه

اختنا شموخ عتيبه فيها الخير ،،و ما قصرت الله يعطيها الصحه والعافيه
اتفق معها بخصوص المده
8 ليالي تعتبر قليله ..
و 10 ليالي اكيد افضل ،،
واتوقع ان مبلغ 17 الف كافي جدا ل 10 ليالي ..
الطيران الدولي اتوقع بتلك الفتره في حدود 3000 ريال لكل شخص ان لم يكن اقل ( للشخصين = 6000 ريال )
الفنادق: 5000 ريال كافيه ل 10 ليالي باعتبار ان كل ليله ب 500 ريال ..
المصاريف مع الطيران الداخلي : ايضا 5000 ريال الى 6000 ريال كافيه جدا
نفترض قررتم على 9 ليالي ( ك حل وسط )
اقترح عليكم :
( كوالالمبور 4 ليالي ثم لنكاوي 4 ليالي ثم سيلانجور او بوتراجيا ليله ) = 9 ليالي
او عكس الترتيب ..

النهر الجاري
يعطيك العافية اخوي ماقصرت
بس احنا رحنا مكتب السياحة وسالنا على التذاكر مالقينا الا على الخطوط السعودية
ب2750 للشخص ذهاب وعودة
وطيران الداخلي التذكرة ب650 للشخص
اسعار حلوه وناسبتنا بس المشكله في الفنادق والمصروف اليومي وكذا
احنا نبغى لنكاوي لقينا الاكواخ اللي عالبحر اعتقد اسمه لنكاوي لاجون الليلة ب850
وفي كوالالمبور نبغى فندق استانا الليله لقيناها ب500
طبعا كان تخطيط رحلتنا يومين في لنكاوي و5 ايام في كوالالمبور
طيب المصاريف كم يبغالنا هناك تقريبا
بليز ساعدوني سوولي جدول يناسب ميزانيتنا
نفسي اسافر

معكم 17 الف
# التذاكر الدوليه: 5500 ريال
# التذاكر الداخليه: 1300 ريال من المكتب ( لكن اتوقع لو حجزتم بنفسكم من النت بتكلفكم حول ال 800 ريال )
# الفنادق: معدل 500 ريال باليوم مره مناسب .. ولو افترضنا ان لياليكم هي 9 ليالي .. فراح تكلفكم 4500 ريال
# المصاريف اليوميه ل 9 ليالي تقريبا راح تكون ما بين 2500 ريال الى 6000 ريال ... وبتقريب اكثر راح تكون ما بين 3500 ريال الى 4500 ريال ( لكن الافضل اعتبارها 5000 ريال )
#### نرجع للفنادق #####
في كوالالمبور: يوجد فنادق اقل من 500 ريال مثل : امبيانا
وفيه فنادق كثيره حلوه واسعارها يمكن تناسبكم ،،، لكن عليكم الحجز من النت ...
مثلا : رويال شولان - انتركنتنال
وغيرها
وفي لنكاوي ...
ممكن تحجزون ليلتين في فندق رخيص يعني في حدود 200 ريال في الليله
ثم تحجزون بفدق ثاني افخم لمده ليلتين في حدود 800 ريال في الليله
وبكذا يصير معدل السكن في لنكاوي هو 500 ريال ( اذا عجبتكم الفكره .. ممكن نرشح بعض الفنادق ،، والاخوان ما يقصرون اكيد )
وفي بوتراجيا مثلا عندك فندق البولمان ارخص من 500 ريال
الشاهد من الكلام ان فناقدكم ممكن تكلف 4500 ريال لمده 9 ليالي ( وممكن اقل لو حبيتم )
وبالنهايه يكون اجمالي المبلغ اقل من 17 الف لمده 9 ليالي ..
وان شاء الله الحبايب ما يقصرون معكم بالافاده والمشوره والنصح
موفقين

النهر الجاري
تسلم اخوي بس الحجز عن طريق النت يبغاله بطاقة فيزا
واحنا ماعندنا البطاقة

هلا عزيزتي حياك ..
والله حاطه في بالي بارجع أرد عليك ,, تعرفين أنشغالنا في تجهيز الفطور الله يكتب أجرنا وأجرك ..
مرة متحمسة ما شاء الله عليك
الله ييسر أمرك يارب ..
أستاذنا القدير( النهر الجاري ) ما قصر كفى ووفى وأعطاكي ( الخلاصة ) اللي ما تترك مجال للحيرة ..
أنصحك أولا باختيار ماليزيا لأنها أفضل من اندونيسيا من جميع النواحي وجمال الطبيعة نفسه
وأنصحك وبقوة أن تجعلي مدتك 10 أيام والمبلغ بيكفي وزيادة مثل ما تفضل أستاذنا
خصوصا مع الفنادق ( الاقتصادية ) اللي راح اكتبها لك
وأقترح عليكي نفس الجدول ولكن نعكس المناطق والمدة 10 أيام ويكون كالتالي ..
ليلة .. سيلانجور .. فندق امباير
4 ليالي .. لنكاوي .. فندق اومباك فيلا أو فرانجيباني أو الأقل منها
هوليداي فيلا أو بيلا فيستا أو بست ستار وغيرها
5 ليالي .. كوالا لمبور .. فندق دورست ريجنسي أو امبيانا ومنها يوم من الصباح للمساء للاستمتاع في جنتنغ هايلاندز
والخيارات كثيرة جدا في كوالا وبجميع المستويات يعني لا تشيلي همها ..
أختي العزيزة الأمور سهلة بإذن الله وحلو الحرص والتخطيط فهو من أساسيات الرحلة الناجحة ..
ولكن نصيحة أخت محبة لك .. إياكي ( والمبالغة ) في الحرص لأنه سيفقدك متعة السفر كما حصل مع بعض أخواتنا من قبلك
وأي استفسار يجي في بالك حاضرين حبيبتي
أتمنى لك رحلة ممتعة وميسرة بإذن الله ..