وعليكم السلام ورحمة الله وبركاته:
هلا والله اخوي حمد .
ما شاء الله تبارك الرحمن ..اختيار ممتاز للفنادق.
بس عندي تعليق بسيط:
على 3 ايام كونستانس ويومين بادن بادن ..وهو انك تبدل بينهم ..تصير 3 بادن وكونستانس يومين ...مجرد اقتراح .
الا اذا كان عندك مخطط للأنشطة في كونستانس يغطي الثلاثة ايام ..اوكي ..خليها مثل ماهي.
لأن اليومين اللي بتقضيها بالقرب من لوزيرن ..ممكن يوم تقضيه في لوزيرن ويوم في زيورخ وضواحيها .
وكونستانس بيني وبينك حقها يومين ..جزيرة الورود ومتحف الحياة البحرية وشلالات الراين ومجمع اللاقو لاند ورحلة في بحيرة كونستانس.
وبادن ممكن تخصص يوم كامل لالعاب اليوروب بارك مرورا بالغابات السوداء..ويوم في شتوتجارت وزيارة مدينة الاوتلت ميتزينجن ..ويوم في ستراسبورغ وحجز في بادن في المياه المعدنية الحارة للاسترخاء والاستجمام في المصحات العلاجية.
=======
بيني وبينك تقسيمك ما شاء الله حلو للايام ..والغالب عليه ريفي ..في زيلاميسي وقارمش وانترلكن ..11 يوم .
والطابع المدني 10 ايام .
بالنسبة لفندق قارمش ..انا ارشح اللي في السنتر..اللي هو الفندق الاول ..والامر راجع لك أخوي.
============
وهذا مخطط لسير رحلتك .

===============
وبالتوفيق

Medo 77
اشكرك على تفاعلك بالموضوع
وعجتني فكرة اني اغير اليالي من كونستانس الى بادن
لاكن لاحظت ان في عدد من الاخوان انتقدو كثرة التنقلات واقترحو علي اني الغي بعض المدن الي حاجز فيهم ليلة او ليلتين وازيد بعض المدن
ففكرت اعدل على الرحله كالاتي
ميوخ ليلتين
زلامسي 4 ليالي
ماينفلد Maienfeld ليلة وحدة
ملاحظه (هل الغي المبات بهذة المدينة واضيفها لكونستانس او بادن بادن)؟
انترلاكن 4 ليالي
كونستانس 3 ليالي
بادن بادن 3 ليالي
باريس 4 ليالي
تقيميكم على هذه الخطه؟

عفوا اخوي ..انا عندي اعتراض على كثرة التنقلات ..
اذا انت شايفها انها مناسبة لك ..وما عندك مشكلة ..وعفشك قليل ..مو مشكلة بكثرة التنقلات ..بالعكس متعة ونوع من التغيير .
لكن اذا كان معك نص الدولاب في الشنطة ..فهذه غير
انا اقترح عليك ما دامك لسه ما حجزت :
ميونخ ثلاثة ايام ..يوم الوصول ويوم في جارمش ويوم تتمشى في ميونخ نفسها .
زيلاميسي اربعة ايام
مروراا على قرية هايدي ..انترلكن خمسة ايام >> لأن فيه يوم ضايع راح يكون كله بالطريق وزيارة هايدي ومتحف السواريفيسكي .
كونستانس يومين.
بادن بادن ثلاثة ايام
باريس اربعة.
وش رايك؟.؟؟؟

Medo 77
ههه
اذا علي ماني شايل الا شنطة كتف
انا حجزت بس بالامكان التعديل اذا في مجال للحجز
وعملت خطه ثانية ابي رايك فيها
ميوخ ليلتين
زلامسي 4 ليالي
انترلاكن 4 ليالي
كونستانس 3 ليالي
بادن بادن 4 ليالي
باريس 4 ليالي
شرايك فيها؟

ما شاء الله ..تمام عليك ..مخطط مرتب وجميل .
.
بيصير عليك الانشطة اليومية تجلس عليها وتروق ..على حسب كل مدينة كم بتقعد فيها .
وبالتوفيق أخوي حمد .

Medo 77
الشكر لك اكثر على مشاركتك وتفاعلك بموضوعي
ومثل ماقلت الحين بجلس احط الانشطة اليوميه