نوارة الامارات
مراحب أختي نواره ..
هذا دليل عن النمسا كامل والكامل وجهه سبحانه ..فيه كل المعلومات الي اتفضلتي فيها ..الدليل مثبت في أحدى مواضيع المنتدى فوق ..
للأمانه ..الدليل غني بالمعلومات عن النمسا كلها ..
أحفظيه عندج وبعدها أطبعيه وأقري المعلومات الي فيه ..
أتفضلي الدليل ..
للدخول الى الدليل :
اولا: الدليل السياحي الى النمسا

ثانيا: خرائط المدن النمساوية ( محطة المترو في فيينا و سالزبورغ و زيلامسي )

ثالثا: التخطيط المثالي لعمل برنامج رحلتك


وأي خدمه أحنا في الخدمه ..

1. نوارة الامارات


2. المهم بيني وبينك السعر

نوارة الامارات

هل فعلا القطار ما يناسب العوائل لأني حجزت على القطار من فينيا إلى سالزبورغ وسالزبورغ إلى زلامسي وبعدين من زلامسي إلى فيينا طبعا كبينه على الدرجه الأولى لأنه طلع أرخص بوايد من تاجير السياره بس قالولي إن القطار لما يوقف ما يكمله إلا 10 دقايق ولا هو متحرك يعني ما يدوبنا إنزل الأغراض
بالعكس يناسب العائلات والدليل انك اخذتي كبينه كامله لكم
والقطار يوقف 10 دقايق واعتقد انها كافيه جدا , كل الموضوع انكم تنزلون من قطار وتركبون قطار مجاور له
لا تخافين من هالناحيه , بس قبل ما يوقف القطار تكونون مستعدين فقط , ومتأكدة من اسم المحطه اللي توقفون عندها , وممكن تتأكدين من اسمها من التذكرة
لانه يجيك اكثر من محطه سالزبورغ مثلاً والموضوع سهل زي ما قلت لك
وانصح بتقليل الشناط قدر المستطاع
اما شركة السياحة فكلامه صحيح لانه القطارات احيانا تكون كل نص ساعه او كل ساعه

المهم بيني وبينك السعر

الافضل انكم تحجزون من نفس محطه القطار والموضوع سهل جدا , اما تقصين من ماكينة او تصفين سرا مع الناس , والسرا مو طويل (ولكن لا تخلين الاطفال يصفون معكم لانه الاوروبيين يستغلون اوقات الفراغ والانتظار بأشياء أخرى
عموما اذا سعره مقبول ما فيه مشكلة
حسب العام الماضي (ان لم تخني الذاكرة) كان سعر القطار من فيينا الى سالزبورغ 37يورو للشخص
ومن سالبزبورغ الى زيلامسي 17 يورو
ومن سالزبورغ الى ميونخ اخذنا كبينة كاملة تاخذ خمس اشخاص ب 17يورو وأذكر فيه ألماني ركبناه معنا مجاناً

مشكورين على الرد بس محد جاوبني الجو شو بيكون عندهم في هالوقت وبخصوص سعر القطار شامل ثلاث المدن اللي ذكرتها وعلى كبيه درجه أولى بيكون 1200 درهم إمارتي للشخصين على حسب الشركه اللي تعاملت وياها هل تحسون السعر مبالغ فيه خاصه إنه الأطفال ما ياخذون عليهم تذاكر شو رايكم

بالنسبة لتذكرة الدرجة الأولى
حتى لوقصيتي درجة أولى وكان القطار مليان بتضطرين تجلسين درجة ثانية
وفية شي بيصدمك
ماراح تفرقين بين الدرجتين لأنهم قربين من بعض ومابينهم فرق
أنا حجزت أقل درجة لقيتها .. وركبت درجة أولى وماقالوا لي شي
مع العلم إني رايح بأهلي معي
وفية نقطة ثانية
إحجزي القطار من فيينا ترا الحجز سهل بالمرة
ويصير فية عروض رخيصة
أذكر حجزت لثلاث أشخاص بسعر 1089 ريال سعودي
بالنسبة للوجو راح يكون بارد الى ربيعي أحياناً
وعلى فكرة لوفاتك القطار في محطة سالزبورغ تقدرين تاخذين الي بعده مافية أي مشاكل
شعب خدوم ومتسامح جداً