السلام عليكم ورحمة الله وبركاته
اشكر الجميع على روح التعاون فيما بينكم في هذا المنتدى الراقي والله يجعله بموازيين حسناتكم ..
راح ابدأ بموضوعي
اقترحت على زوجي اننا نسافر لماليزيا اخر يناير 2012 بمشيئة الله
ولا عندنا خلفيه بالسفر للخارج ابدا ولكن استفدت بعض المعلومات من هذا المنتدى الغالي
وحابه تكون رحلتنا اذا ربي سهلها لنا تكون اقتصاديه وبنفس الوقت وناسه وتغيير جو
ايش رايكم بالسفر في اخر يناير يعني تقريبا من 20 يناير الى 3 فبراير لاننا مانبي نروح بوقت موسم تكون الاسعار افضل
مدة الرحله تكون 14 يوم
عدد الاشخاص انا وزوجي واثنين من اطفالي 5 سنوات وسنتين ونص
تابعت الخطوط لكن اكتشفت ان الرحله من جده الى كوالامبور ارخص من الرياض الى كوالامبور مالحل ومتى افضل وقت للحجز ؟؟ والضرائب اللي تحسب بقيمة التذاكر مافهمتها ياليت توضحونها لي
ابي فنادق اقتصاديه مايهمني تكون 5 نجوم بس تكون نظيفه وامنه بعد مشيئة الله لانها للنوم فقط فليش نكلف على انفسنا
وابي اقتراحات لبرنامج لمدة 12 يوم لانه يوم للذهاب ويوم للعوده المجموع 14
نحن محبين للطبيعه وهذا اقوى الاسباب للتفكير بالسفر الى ماليزيا والشوبنق مايهمني كثير لان اللي اعرفه انه ماليزيا مافيها شئ هذاك الزود بالاسواق
حبيبت مرتفعات الكاميرون من الصور لكن اللي يخليني اخاف من الذهاب لها هو الطريق الطويل وانا معي اطفال ايش رايكم
وحابه اعرف كم بتكون ميزانيتنا اللي نحتاجها لو بشكل تقريبي لان زوجي مكلفني اكتب له عن كل شئ
ومتى افضل وقت للصرف قبل السفر علشان سعر الريجنت
واذا عندكم نصايح مهمه للسفر من جميع النواحي لاتبخلون علي فيها واذا لها روابط جزاكم الله خير
انتظر رايكم واقتراحاتكم باللي ذكرته
وجزاكم الله خير مقدما وعذرا لكثرة الاسئله