هلا فيك اخوي
انا طرحت استفسار قبلك عن نفس الفندق وكنت حاجز ومخلص
بس رد علي الاخ وافي بان الفندق مايصلح للعرب وخصوصاً الي معه عائله
لان في نفس الفندق بار
واخر الليل تشوف السكارى ومناظر ماتسر
وكنسلت الحجز وحجزت في فندق دورست ريجنسي
برضه بناءً على نصيحة وافي

شكراً أخوي mode_04
السفر بدون عائلة

باقي شي ثاني نسيت انبهك عنه
الي هو ازعاج البار
اغاني الين الفجر
حتى لو أنك في الادوار العليا بتسمع الصوت
اذا ماعندك مشكله من هذا الموضوع
توكل على الله
بس بصراحه صور الفندق حلوه
ويقولون تصميم الغرف حلو بعد

السلام عليكم
الفندق عادي و لكن الغرف خاصة اللي أخترت ممتازه
و موقعه ممتاز وسط شارع العرب ولكن الملاحظات اللي ذكرها الأخ mode
هي اكبر عيوبه و لا فيه بوفيه أفطار و اذكر ماكان فيه بركة سباحه زمان
إذا تهمك البركه تأكد لانهم كانوا يقولون بيسوون بركه

شكراً أخوي zazaz والأخ mode_04
بالنسبة لبركة السباحة والأفطار بالنسبة لي ليست أولويات
دوافعي لإختياره الواي فاي المجاني بالغرف وكذلك الموقع
أما ازعاج الأصوات فهو لا يعيقني عن النوم ولله الحمد
في بيتي يجيني النوم بدرجة أكبر إذا كان فيه صوت مثل التلفزيون أو أصوات الأطفال
ممكن يكون سؤالي غير محدد لذا أود إستشارة من لديه المعرفة عن التالي :-
1- هل السعر مناسب ؟
2- هل الطاقم متعاون وودود ؟
3- هل توجد مشاكل فنية في ( التكييف ، الإضاءة ، التلفاز ، مفتاح الغرفة ، دورات المياة _ أعزكم الله _ وأخيراً وليس آخراً الإنترنت ) ؟
4- راحة السرير ووسائده ؟
5- بالنسبة لمبلغ التأمين هل يقبلون التأمين بالكاش أو لابد من حجز مبلغ من البطاقة الإئتمانية ؟
6- جودة الأكل في مطعمه ( ملاحظة : لست متأكد من وجود مطعم بالفندق وسمعت بوجوده ) ؟
وهكذا ، شاكراً للجميع مشورته ودمتم بود...

السلام عليكم
بعض استفساراتك يبي لها مجربين ابحث عن تقارير خاصه بالفندق
من 1 الي 3 كلها اوكيه ولاتشيل همها و السعر معقول بس لو حصلت
سعر رويال شولان او برنس اقل او قريب فهم افضل
بالنسبه للسرير و الوسائد ماجربت بس اتوقع انها ممتازه خاصه وان الغرفه إكزاكتيف
بالنسبه لمبلغ التأمين عادي كاش ماعندك مشكله علي كيفك
بالنسبه للمطعم اقصد بوفيه الافطار ماعندهم اما مطاعم طلبات فيه
بس بصراحه ماقد سمعت عنها ولكن مانصحك فيها عندك مقابل
الفندق مطاعم كثير خاصه ناب الايراني ممتاز و عندك مقابل الفندق تقريبا
مجمع البافليون في الدور السفلي مطاعم كثير و لو تحب اكل مطاعم الفنادق
فأنصحك تروح للماريوت و الويستن قريبين من البكيلو اقل من دقيقتين مشي او دقيقه

هذا تقرير عنه ..
https://artravelers.com/p/re/389823

يعطيكم الف عافية لا خلا ولا عدم
شكراً اخوي ZAZAZ & foxx109
تم الحجز لنفس الغرفة بسعر 409 ريال شامل الضرائب
أخوي foxx109 بما انك سكنت بالفندق أي معلومة تتذكرها سواء تراها مهمة أو غير مهمة
على طول مررها منكم نستفيد وش الأشياء اللي فاتتك والي ما فاتتك لا عدمناك أخوي