هلا با الاخوان ما اشوف تفاعل هل الناس مارح تسافر في الصيف ههه اللة لا يعوقنا بشر يارب ويروحون ويرجعون الجميع با السلامة ..........عني انا والله الى الان لم ابدء با الحجوزات ولكن ان شاء الله اذا وقع الاختيار على دولة معينة سوف اضعة هنا الرجاء من الاخواة التفاعل للاستفادة وسفر سعيد باذن اللة

انا ان شاء الله اخطط ان السافر على خطوط طيران الامارات (بستفيد من سكاي ورد) على درجة البزنس وان شاء الله بيكون حجز الفناد كله عن طريق الامارات للعطلات اصراحه افضل مكتب عطلات (لاني مجرب بعض المكاتب ونصبو عليه)ورحلتي ستكون الى ميونخ (هيلتون ستي فندق جميل) مدة اربع ايام ومن بعدها ساذهب الى قارمش 3 (ما بحافظ اسم الفندق) ايام وبعدها الى زل ام سي لمدة 3 ايام (فندق دير ولدف) وبعدها الى ميونخ 5 ايام (فندق هيلتون ستي)ومن بعدها الى بيت.

السلام عليكم ورحمة الله وبركاته
بالنسبة لي .. حتى الآن المخطط عام ولا تحدد بدقه ..
اللي حددته إن شاء الله اني بسافر في اول شهر 8 لمدة 13 ليلة تقريباً
من بوظبي على طيران االإتحاد والنزول 3 ليالي ميونخ بعدين 3 ليالي زيلامسي و3 ليالي سالزبرغ وللحين ما حددت وين بقضي الفترة الباجيه
صارلي فتره اتردد على مواضيع الاعضاء وتقاريرهم لأنها اول زياره لي لهالدول..
بالنسبة للفنادق ما حددت إلى الآن ...
ارحب بكل الاقتراحات

بالنسبه لي السفر عن طريق الخطوط القطريه سعر التذره على السياحيا 3250
ومعاي بنتي ب 600 ريال سعر التذكره
مخطط رحلتي اسبوع في ميونخ
اسبوع زيلامسي
4 ايام فينا
2 ميونخ
الدوحه
شرايكم

السلام عليكم الجميع
الصيف قرب والسفر حان طارية ارجوكم اساعدوني لاني دوم احب اخذ نصايحكم انا اول مرة اسافر المانيا وبنزل مطار
ميونخ بس لين الحين ما حجزت السكن اقترحاتكم مدتي 24 يوم بس كيف اتنقل من المانيا لين فرنسا يعني اسم
المناطق وكيف اجر سيارة وهل ممكن اسلمها في فرنسا طبعا نحن عائلة ........
انتظر ردودكم واقترحاتكم ...............
اختكم نورة الهاملي

غانم77
اخوي غانم تبي تذكرتين على القطريه بسعر 11000 للتذكره على درجة رجال اعمال
اذا لك رغبه راسلني على nbk_q على الهوتميل

غانم77
ياهلا اختي الكريمة
بالنسبة للسكن هناك موضوع مثبت بالبوابة راح يفيدج اكثر00
وبالنسبة للتنقل
عندكم بالدولة مكاتب كثيرة لتأجير السيارات في اوروبا
وأفضلها برائي مكتب سيكست
وأنا شخصيا حجزت من يومين سيارة راح استلمها من ميونخ وأسلمها لهم في باريس
وفاضلت بين الاسعار بموقع يورو كار ومكتب سيكست
وفي الاخير حجزت من سيكست
ان شاء الله افدتج
فالج طيب

1. اما التفاصيل:

انا بالنسبة لي حجزت على الخطوط الهولندية
كويت امستردام ميونخ -- ميونخ امستردام كويت كان السعر (انا وزوجتي و3 اطفال ) 948 دينار !!!

اما التفاصيل:

0ايام في ميونخ (طبعا كنت زايرها في 2004 ) وعارف اماكن وايد فيها بس بعده الراس ما انترس منها،حجزت في فندق 3 نجوم نضيف وخدمة جيدة بسعر 222 يورو لغرفتين (double + triple) ومسافة اقل من العشر دقايق الى محطة القطار الرئيسية يمكن عشر دقايق الى المارين بلانز
وبعدين من ميونخ الى انترلاكن (اول مرة اروح لها ) بس من المديح الى سمعته عنها قلت لازم وحتما ولابد من الروحة لها ، طبعا في انترلاكن راح اتكون الرحلة فيها 5 ايام منها رحلة الى الجبال و الكهف والشلالات وسمعت عن مصنع الكاكاو ونحاول على اليوروبارك،الحجز تم في فندق 3 نجوم بسعر اجمالي 2050 فرنك سويسري (تقريبا 537 دينار كويتي)
وبعدين من انترلاكن الى كابرون ، راح انشالله اتكون الرحلة الى كابرون 5 ايام منها يوم في زيلامسي ويوم في سالسبورغ هذا غير التسوق ورحلة الى الجبال كابرون ،بس للي يحب شغلات الاحجار مثل الفيروز والكهرب من سوق زيلامسي راح يستانس مثلي !! حجزت في شقق فندقية بسعر 300 دينار اجمالي المدة
وبعدين من كابرون الى ميونخ لمدة 5 ايام عاد اهنيه يا جماعة الخير بنحرق باجي المصرف، وهذي طريقتي في السفر ، اول شي الوناسة واشوف الديرة الي انا زايرها من اماكن ترفيه الى قعدة على القهاوي الى المتاحف الخ الخ (مثل ما يقولون) وبعدين اخر السفرة يجي دور السوق!!!
ومن ميونخ الى امستردام الى الكويت انشالله
مدة الرحلة من 28/06/2008 الى 23/07/2008
التنقلات بين المدن وداخلها كلها راح اتكون بالقطارات والأندر قراوند والباصات وهذي احسها المتعة بالسفر! ما احب تأجير السيارات في السفر (خاصة اوروبا)
وبس
والسلام

مشكورين بس انه غيرت خطت رحلت اتمنا تقرون موضوعي الل هو شهر 6 في المانيا ردو علي تعبت ابي مشوره عدله وامشي عليها مابقى ش والله يوميا افكر مب عارف شسو وردودكم فالاسبوع رد واحد وبالالله واللي يعافيكم اقرو موضوعي وريحوني
وسلامتكم