وعليكم السلام ورحمة الله
هلا أختي ندا
ان شاء الله تروحون وترجعون بالسلامة ، بس قبل ما أجاوبك على اسئلتك بقولك ترى المدة جدا جدا جدا قصيره بالنسبة لإستراليا !
وانتي بتروحين 4 مدن وتفكرين بإضافة جزيرة بعد !!!!
مالبورن + سيدني + قولدكوست + سان شاين = خلال 10 ليالي فقط لا غير ؟؟؟؟
أختي الطيران لاستراليا متعب وطويل جدا واحتمال إذا سافرتوا بتاريخ 11 راح توصلون استراليا بتاريخ 12 ، يعني مدة إقامتكم قليلة جدا جدا
نصيحه إما تزيدين المده
أو انك تخلينها فقط مدينتين ويادوب يكفيهم
سيدني 3 ليالي
قولدكوست 7 ليالي
انا هذا رأيي الشخصي وإن شاء الله باقي الأعضاء يفيدونك أكثر بخصوص المدة وتوزيعها
تحياتي

أبو سعود Q8
ياهلا فيك اخوي ابو سعود
احنا راح نوصل استراليا في يوم 10 الليل ان شاء الله يعني راجح تبدا الرحله من يوم 11
عارفه ان المدة قصيرة مره بس الظروف حدتنا ع هالفترة بالذات ومثلك عارف اجازة الحج قصيرة :/
طيب الجزيرة مو مشكله نكنسلها
بالنسبه لملبورن تسوى او تضييع وقت مافيها شي ؟
لاني ودنا نروح Mt Buller
وبالنسبة لجولد كوست ماتكفيها 3 او 4 ايام مثلا ؟
ويعطيك العافيه على سرعة تجاوبك اخوي

هلا أختي
والله يعافيج ان شاء الله
مالبورن أغلب الي يروحون لها يقولون ان مافيها شي يستاهل غير رحلة الثلج
مع العلم ان الرحلة شوي بعيده ، يعني 5 ساعات بالروحه وتجلسون 4 ساعات بالثلج وبعدين 5 ساعات للرجعة
بس قبل ما ندخل بتفاصيل ترتيب المدن ، من وين بتروحون استراليا ؟ وفي أي منطقة بيكون نزولكم أول شي ؟
يعني مثلا من السعودية إلى مالبورن ؟ ولا سيدني ؟ ولا وين ؟
وهل بترجعون من نفس المنطقة الأولى ؟ ولا بترجعون من منطقة أخرى ؟؟
حجزتي التذاكر ولا بعد ؟

أبو سعود Q8
ايوه حجزت التذاكر
راح نوصل لبرزبن ان شاء الله مثل ماقلت لك في يوم 10 نريح فيها ونمشي من بكرا بسيارة ع جولد كوست
وبالنسبة للرجعة راح نرجع من برزبن بعد لان اخر رحلتنا 21 و 22 راح تكون في سن شاين ان شاء الله
معناته ملبورن نكنسلها, طيب انا قريت عن جبال ثلج تبعد عن سيدني خمس ساعات وعن كانبيرا ساعتين, اذا عندك خبر عنها تستاهل الروحه وهل بيكون هذاك الوقت فيه ثلج من الاساس او لا

ههه اي والله صحيح أهم شي بهذاك الوقت في ثلج ولا لأ
شهر 6 و7 و8 هي فصل الشتاء باستراليا
شهر 10 يكون فصل الربيع .... ما أظن الثلج موجود !!
الأفضل تكنسلين مالبورن ، ويصير ترتيب الرحلة
3 ليالي سيدني
5 ليالي قولدكوست
2 ليلة سان شاين
أو انك تقتصرين فقط على قولدكوست والسان شاين ، ومن القولدكوست في رحلات يسوونها لبعض الجزر ، تقدرين تاخذين أحد هذي الرحلات

أبو سعود Q8
لا عاد مايصير نروح استراليا من دون مانمر سيدني
يعطيك الف عافيه اخوي
طيب اخر شغله
ممكن تفيدني بأفضل الاماكن اللي تستحق الزيارة في سيدني وجولد كوست

وبالنسبة للرحلات اللي من جولد كوست كيف طبيعتها ومن وين اقدر احصلها او اعرف عنها معلومات

1. 11- رحلة الآوت باك


2. 12- استراليا زو وهذي تكون عند بريسبان تقريبا


3. 5- الأكواريوم


4. 6- في مدينة العاب بجانب جسر سيدني بس ناسي اسمها

الله يعافيج أختي
قودكوست فيها العديد من الأماكن السياحية ، مثلا
1- موفي وورلد
2- دريم وورلد
3- السي وورلد
4- رحلة المنطاد
5- الأكوا داك أو الباص البرمائي
6- لعبة انفينيتي
7- متحف صدق أو لا تصدق
8- رحلة التروبيكال فروت
9- بيت الرعب
10- الجت بوت السريع

11- رحلة الآوت باك

12- استراليا زو وهذي تكون عند بريسبان تقريبا

وغيرهم الكثير والكثير ، لما توصلون هناك بالسلامة أول شي روحي بالسنتر وهو بالسيرفيس بارادايس جادة كافيل وهناك بتلاقين العديد من المكاتب السياحية ، اختاري منهم الرحلات الي تعجبك والأفضل انك تختارينهم من مكتب واحد عشان يسوون لكم خصم |أو مرات يعطونكم رحلات مجانية !
بالنسبة لسيدني :
1- رحلة الأخوات الثلاثة
2- رحلة البلو ماونتن
3- الاوبرا هاوس
4- رحلة مشاهدة الحيتان أو الدلافين

5- الأكواريوم

6- في مدينة العاب بجانب جسر سيدني بس ناسي اسمها

وعموما لما تروحين سيدني حاولي تسكنين في منطقة الدارلنق هاربر وما حولها ومن هناك بتلاقين المكاتب السياحية وأيضا أماكن سياحية عديدة مثل المجمعات للتسوق والأكواريوم و محمية للحيوانات وتقدرين تاخذين سفينه للغداء أو العشاء أو مثلا تكون مثل التاكسي المائي
وعندك منطقة ذ روك ومنطقة سيركيل كي هذيله من مناطق الجذب السياحي ، فيها الكافيهات المشهوره والأوبرا هاوس وجسر سيدني ، وفي رحلات خاصة لتسلق الجسر
ايضا في شارع قريب من الدارلنق هاربر كله أسواق ومجمعات ومحلات تجارية وفيه مجمع الملكة فيكتوريا
م هذا الي أذكره حاليا وإن شاء الله بتشوفين غيرهم هناك الكثير
هل حجزتي الطيران الداخلي ؟؟

أبو سعود Q8
مشكور اخوي ماقصرت تعبتك معاي يعطيك الف عافيه
لا مابعد حجزته للحين
ان شاء الله رايحه احجز بعد ما اعتمد الخطة واحجز الفنادق