السلام عليكم ورحمة الله وبركاته
اتمنى تساعدوني مالي غير الله ثم انتم اول مره اسافر ولا اعرف ولاشي حتى اجراءات المطار مااعرفها لاني مبلط بجده ماقد طلعت منها حتى طيران داخلي ماقد رحت
والواحد لازم يتعود فقلت بدايتها ماليزيا اسهل شي على كلام الناس
المهم
قررت انا والمدام نسافر الى ماليزيا لمدة 10 ايام طبعا الاسبوع الجاي راح احجز
بتاريخ 15/2/2013 الى 25 /2/2013
من جده الى كوالالمبور
انا بس اخترت 3 مناطق لأني مااحب التنقلات الكثيره
اول يومين كوالالمبور
والثالث طيران الى لنكاوي
والرابع والخامس لنكاوي ومن ثم طيران الى بينانغ
والسادس والسابع بينانغ
والثامن والتاسع العوده لكوالالمبور (كثرت كوالالمبور عشان التسوق )
اشهر الاماكن اللي قرأت عنها وقررت اروح لها :
كوالالمبور >>> شارع العرب , حديقة البرجين ، مجمع تايم سكوير , شلالات تمبلر بارك
لنكاوي >>>> الشاطي , عالم تحت البحار
بينانغ >>>> الباتوفرينجي
في البدايه بسأل عن رأيككم في ترتيب المناطق في الجدول ؟
وايش افضل اماكن سياحيه في الثلاث مناطق هذي ؟
بالنسبه للفنادق انا رحلتي ابغاها اقتصاديه يعني (4 نجوم) ايش تقترحو علي فنادق حلوه وابيها مطله اذا كانت في بينانج ولنكاوي
وتكون قريبه من شارع العرب اذا كانت في كوالا
قرأت عن فلامينجو في بينانغ وكونكورد في كوالا ومتيارا في لنكاوي
ايش رأيكم فيها ؟

• __

أخر اسئله :
1) كم تقريبا تكلف رحله لشخصين لمدة 10 ايام مع الفنادق والتنقلات والتذاكر؟ِتقريبا
2) ابغى اعرف اجراءات المطار بالتفصيل سواء دايركت او اذا كان الطيران الامارات ووقفنا بدبي ؟
ايش اسوي بالضبط والشنط والاشياء هذي كيف ؟ والله معرف ولاشي واخاف اتورط
3) واذا حجزت الفنادق من هنا لمن اوصل الفندق ايش اسوي وايش اقولهم ؟
4) وبالنسبه للطيران الداخلي من هنا احجز ؟ ومن وين اقص التذكره ؟
ياريت تساعدوني لأن رحلتي قريبه ان شاءالله وانا لي فتره طويله اقرأ ومتحمس
وسلامتكم واكون لكم من الشاكرين