وعليكم السلام ورحمه الله وبركاته
اتمنى لك زيارة موفقه
الاستفسار اللي اقدر افيدك فيه انه على حد علمي الخليجي مايحتاج لفيزا لماليزيا
وبالنسبة للأجواء ماليزيا جوها استوائي طول السنه يعني معتدل ورطوبه خفيفه وامطار خفيفه
وبالنسبه للشعب الماليزي بشكل عام طيب وحبوب ومافيه استغلال للخليجيين الا يمكن بعض الحالات مع الصينين والهنود حاول تتجنبهم احسن
والخطوط الماليزيه سمعت انها كويسه لكن ماجربتها الصراحه
باقي استفساراتك اعذرني لكن ماراح يقصرون الاخوان ان شاء الله

ماعندي فكره..
بس تعامل الماليزين ياسلام عليهم ومثل ماقال اخونا تجنب الصينين خاصه..
موفق.

ان شاء الله الاخوان يجاوبونك ................

السلام عليكم ورحمة الله وبركاته
وعليكم السلام ورحمة الله وبركاته..
طبعاً هم يومين 22 الى 24 ديسمبر من هالشهر .. كيف الاجواء ..( طبعاً اليابان 8 درجات برد:110
الاجواء راح تعجبك ان شاء الله..استوائيه دافيه نوعا ما..
وشوية مطر..
ايه نسيت اجراءت الفيزا معقده .. طبعاص حسب ماكلمني استاذي الياباني قال من المطار تأخذها
حسب مافهمت انك سعودي؟
اذا كذا.. مافيه فيزا اصلا
انا حجز لي المدرس على هالفندق مااعرف عنه شي وويش اقرب مسجد له .. اشتق حيل للمساجد ..
الفندق هذا معروف عنه انه اقتصادي جدا
للناس اللي تدور على مكان تنام فيه بس.. ماتدور فخامه..
http://www.cititelexpress.com/KL/index.html
المشكله ان الحي حقه موب ذاك الزود للاسف.. الشديد
وحاولت ادور لك على مسجد حوالينه مالقيت
عموما هذا موقعه حسب موقع وايكيمابيا ودور انت على اللي حوله ويشدك
((هو اللي عليه اكس))
http://www.wikimapia.org/
ايش الاسواق القريبه منه وتكوون رخيصه وحلووه ..والمطاعم العربيه .. ابي اكل كبسه مت من الاكل الياباني
فيه The Mall
وبالنسبه للمطاعم العربيه بتلقاها في منطقة العرب..حول بوكيت بنتانغ..
(عين عربيه مثلا)
(وبعيده عن مكان سكنك.. بس بتوصلها بالمونوريل ان شاء الله بسهوله)
كيف الشعب الماليزي .. وتعامله ..
شعب ودود وطيب جدا ومهذب بالصراحه
شهادتي فيهم مجروحه.. ((احبهم ياناس))
انا انجليزيه مش كويسه خالص وهل اقدر امارس اللغه اليابانيه .. بحكم ان اليابانيين يزووراا ماليزيا كثير ...
لا طبعا..
لو هي الCantonese كان ممكن
ايش اماكن حلووه تنصحوني فيها ( على فكره انا جاي اتسووق بس .. ومو سياحه .. طبعاً اعتقد ماافيه احلى من اماكن الياباان وخااصه منطقة كنساي )
عندك شارع بوكيت بنتانغ كله مولات..
عندك Suria KLCC
عندك Mega Mall
ايه ايش تنصحووني بحكم اني او ل مره ازوور ماليزيا .. يعني ايش سلبياتهاا وهل فيه استغلال للخليجي ..
انصحكم بحكم انك بلحالك تستخدم شبكة القطارات..(المونوريل)
فيه جنب فندقك محطة (تشاو كت)
والتذكره داخل كوالا ماراح تكلفك اكثر من 1-2 رينجيت..
واذا قررت تاخذ تاكسي لاتركب الا وانت متفاهم على السعر
ومشاوريك ماراح تكلف اكثر من 10 رينجيت جوا البلد بالتاكسي
وبعد اذا جيت للمطار.. لاتاخذ تاكسي لكوالا..
خذ القطار السريع.. اوفر واريح واسرع..
ماراح يكلفك الا 35 رينجيت.. الى محطة KL Sentral
ومن هناك خذ المونوريل الى (chow kit)
ايه .. الخطووط الماليزيه كيف خدماتها وهل تقار ن بالخطووط السنغفوريه
ممتازه وعلى حسب علمي انها مصنفه 5 نجوم
انا مجربتها وعجبني مستواها
وطاقمها مضياف وودود جدا وماتفارقهم الابتسامه
تحياتي لك وبالتوفيق ان شاء الله

شكراً شكراً لكل اللي ردووا
مسافره مختبه شكراً لكل حرف .. لي عوده خليكي قريبه ..

وبعد اذا جيت للمطار.. لاتاخذ تاكسي لكوالا..
خذ القطار السريع.. اوفر واريح واسرع..
ماراح يكلفك الا 35 رينجيت.. الى محطة KL Sentral
ومن هناك خذ المونوريل الى (chow kit)

والتاكسي يوصل 65 او اكثر احيانا..وبصراحه المسافه بالتاكسي لكوالا طويله حول ساعه بينما بالقطار السريع اعتقد25 دقيقه(اذا ماخانتني الذاكره)

شكراً حول بس مركز ( ان شاء الله انك مركز ههه ) افداك انا
طيب كيف تعامل الجمرك في مطار كوالا ان شاء الله تعاملهم طيب .. مع ان الانجليزيه ضعيفه مره .. يعني ماخاف من هالناحيه .؟
احصل بهالوقت ملابس شتوويه عندهم ,, والا مااحصل لاني ماليزيا على المدار استوائيه .. واسعار الملابس مقارنه بالسعوديه .. ارخص او اغلى ,, واخص الماركات
تنصحوني اغير العمله من مطار كوالا .. طبعاً راح تكون من الين الياباني مو من الريال والا والدولار .
لي رجعه ان شاء الله

طيب كيف تعامل الجمرك في مطار كوالا ان شاء الله تعاملهم طيب .. مع ان الانجليزيه ضعيفه مره .. يعني ماخاف من هالناحيه .؟
تعاملهم ممتاز جدا..
واللوحات فيها بالعربي على فكره
احصل بهالوقت ملابس شتوويه عندهم ,, والا مااحصل لاني ماليزيا على المدار استوائيه ..
ان شاء الله د.قانون سفيرنا هناك يجاوبك على هذي..
واسعار الملابس مقارنه بالسعوديه .. ارخص او اغلى ,, واخص الماركات
مستوى السوق بالسعوديه افضل بكثير..
تنصحوني اغير العمله من مطار كوالا .. طبعاً راح تكون من الين الياباني مو من الريال والا والدولار .
لا طبعا..
انصحك تحول فقط العمله اللي توصلك الى وسط كوالالمبور..
ومن هناك اقرب صراف..
وبالنسبه لك سوق (ذا مول)
تحياتي

اختي مسافره ( مافهمت عليك )
قصدك اقرب صراف موجود في سوق (ذا مول) .
هل يوجد مكتب خطووط للسعوديه بكوالا وين مكانه بالتحديد .. ( اقدر احجز رحله دخليه في المملكه العربيه السعوديه)
تحملنيني اختي .. حتى اسألتي احس مالها دااعي بس بالنسبه لي مهم