مرحبا اخواني واخواتي
السلام عليكم ورحمة الله وبركاته
انا بسوي مشروع جديد وهو محل لبيع جميع مستلزمات اعياد الميلاد بس ابي البضاعة يكون عليها شعار المحل وتعبئتها خاصة فيني
يعني ما اقدر اسافر الصين واشتري مباشرة من المحلات .. لازم اسوي طلبية بالاشياء اللي ابيها وبتصاميمها من المصانع
يعني بتكون المصانع : Baby party cloth_paper _ plastic_cardboard_Toy_Inflatable_Craf
فياريت تفيدوني يا خبراء الصين
1- اسامي افضل مكاتب الوساطة في الصين (الثقة) وياريت اذا تعرفون الشركات الكبرى تتعامل مع مين
2- كم نسبة المكاتب عادة
3- الرجاء ذكر اسامي المصانع اللي بتفيدني و المناطق المتخصصة
4- بعض المصانع اللي راسلتهم طلبو مني Disney liceness اذا ابي استخدم شخصياتهم الكارتونيه على المنتج
هل كل المصانع تطلب مني _ واذا لقيت مصانع يسوون لي المنتج بدون تصريح هل الجمارك بيطوفونه لي وما بيعتبرونه بضاعة مقلدة ؟
5- شنو افضل وأأمن طريقة للدفع
6- اذا ما قدرت افحص البضاعة بنفسي عند الشحن .. هل المكتب ثقة
7-شنو افضل وارخص شركة شحن
8- هل اعتمد على مترجمين المكتب او ادور مترجم بروحي (لان سمعت انهم يتفقون مع المصنع وياخذون نسبة من الطرفين)
9-هل سعر المصنع يكون بالعملة الصينية او بالدولار
10- في مكتب وساطة كاتب اني اخذ وياي 2000 دولار كاش حق السكن والاكل والمواصلات و المترجم و مصروف شخصي (هل المبلغ معقول ؟)
11-هل اعتمد على المنتج اللي يعرضونة علي قبل الطلبية او اسوي نموذج قبل (كم يكون سعر النموذج تقريبا)
12-هل يجب علي فتح حساب في بنك صيني
13- هل سمعتوا او تعاملتو مع مكتب الوسيط لخدمات رجال الاعمال
14-شلون اعرف اذا كان المكتب وهمي او مسجل في غرفة تجارة وصناعة الصين
15- اسعار مثالية لمنتجات اعياد الميلاد لمن لديه خبرة سابقة في المجال او دراية
16-هل صحيح مقولة كل ما قل السعر كل ما قلة جودة المنتج
17-شنو الاشياء المهمة اللي بحتاجها في هذي السفرة
18-هل الشعب الصيني شعب ودود وسهل التعامل معاه
19-شنو الطريقة السهلة لفحص البضاعة عند وصولها بأنها مثل ما طلبت وكلها سليمة
20-شنو الطريقة اذا البضاعة طلعة مو مطابقة للي طلبته
21- هل مسألة الغش والنصب والسرقة في الصين منتشرة او امينين
رجاءا لا تبخلون علي بالنصايح والمعلومات المهمة لانها اول سفرة لي للصين وهذا اول مشروع