حياج الله اختي الكريمه ... والله يخليلج الاولاد
اولا قبل الجواب كم يوم الرحله ؟؟
كم الميزانيه ؟؟
اما الجواب على بعض النقاط ..
وقت السفر ممتاز
وسيلة النقل اذا كنتم تحبون الريف فختاري السياره
ارشح لكم ميونخ وسالزبورخ وزيلامسي وفينا .. تجمع لكم كل الفعاليات ..( هذا بشكل مبدئي ) وايضا تنقل سهل
انا بالانتظار وبالخدمه

مرحبا والله اخوي ما قصرت
المده من 3 - 4 اسابيع
الميزانية تحت الدراسه تعتمد على كم دولة بنروح
احنا حاطين 3 الاف دينار كويتي للتذاكر والسكن
قابلة للزيادة حسب برنامج الرحلة اللي راح نستقر عليه
ميونخ وسالزبورغ حلوين
بس زلامسي قالوا حلوه للرومانسين بس مو عائليه بس شنو الاماكن اللي فيها خلتك تقترحها
وفيينا شنو فيها
والمسافات بينهم طويلة والا معقولة
اسفه كثرت عليك الاسئلة

اولا اختيار الجدول هو بشكل مبدي ولا اعرف شنو ببالكم
لكن قريبه ما تعرفين زيلامسي الجميله ادخلي على التقارير وشوفي ..
لكن ما شاء الله عدد ايام الرحله كبير وممكن تغطين الكثير من المدن ..
واذا كنتي حابه المخطط الي كتبته
من ميونخ الى سالزبورخ ساعه وربع
ومن سالزبورخ الى زيلامسي ساعه وربع
من زيلامسي الى فينا 4 ساعات وربع
ممكن تقضون 4 ايام بفينا و3 ايام بسالزبورخ و4 ايام بزيلامسي و3 ايام بميونخ .. ثم طيران داخلي الى باريس لمدة اسبوع .. الرحله 3 اسابيع ..
وبهذا المخطط جمعتي كل شيئ طبيعه بحيرات وجبال ومرتفعات ثلجيه تسوق ومجمعات وملاهي وغيرها الكثير
نبذه مختصره عن فينا وزيلامسي
ولاً: فيينا

• نهر الدانوب
• قصر الشنبرون
• ملاهي براتر
• ساحة ستفينز شارع المشاه واسواقها
• ساحة الماريا هلفر واسواقها

ثانياً:زلمسي
ركوب القوارب

• جولة الباخره في بحيرة زل
• زحلاقيات سلفادن
• صعود قمة جبل مناظر SCHMITTENHOHE
• جبال كابرون ( محطة تلفريك kitzsteinhorn
• شلالات كريملر

وايضا كثير من القرى الريفيه حوالين زيلامسي مثل باد هوفقستن
: :: :: :: :: :: :: :: :: :: :: :: :: :: :: :: :: :: :: :: :: :: :: :: :: ::
انتي حدد لنا شنو بخاطرج وانا بالخدمه اختي الكريمه