نشر في النمسا

ابي فزعتكم في شهر العسل

s@s

19-05-2022 - 01:03 pm

السلام عليكم اخواني
معليش على ازعاجكم
بس انا كنت اتصفح بوابتكم واحترت بصراحة في شهر العسل
انا كنت ناوي على ماليزيا 15 يوم ودبي 5 ايام
بس الآن دخلت مزاجي النمسا وقررت تكون 10 ايام ودبي 5 ايام
انا ابغا رأيكم لاهنتم مين الافضل ماليزيا او النمسا
مع العلم انني لم اسافر خارج المملكة من قبل ولغتي الانجليزية الحمدلله ممتازه
وكم تكلفة السفر يعني فنادق 5 نجوم مطاعم تنقلات هدايا ملاهي ...... الخ
وانا حاط ميزانية تقريبا 50000 ريال شاملة كل شي تذاكر مع فنادق مع تنقلات مع تمشية مع هدايا
ابغا رايكم لاهنتم ونصيحتكم وآاسف اني طولت عليكم
ومشكورين
ودمتم في خير ومحبة وسلام

التعليقات (9)

Rawwwaf

19-05-2022 - 04:05 pm

عزيزي هذا الرابط راح يفيدك كثير
https://artravelers.com/p/re/214615
بصراحة أنا كنت زيك بس صرفت النظر .. لأن النمسا وسويسرا غاليه .. ولا تصلح شهر عسل.
أنا شفت الشباب اللي راحوا شهر عسل للدول هذي.
يعني مو مبحبح شوي في الصرف..وأنت رايح شهر عسل .. فلازم تصرف من دون تردد.
أوربا غالية غاليه
وعشان كذا .. أنا أجلتها للسنة القادمة.
وأصير مضبط أموري صح
هذا غير أن الجو يبي يكون بارد.
أنا من رأيي .. خلك على برنامج أحسن.
مع خالص احترامي

القعقا ع

19-05-2022 - 05:06 pm

انا سبق زرت ماليزيا مرتين والنمسا وألمانيا
بصراحة ميزانيتك ماشاء الله تبارك الله جداً ممتازة وتكفيك 15 يوم بالنمسا بالراحة وبصراحة انصحك تروح لها اذا كنت تبحث عن الرومانسية والجو والأتكيت اما اذا كنت تبحث عن الهدايا والرطوبة والحر والرخص انصحك بالذهاب لماليزيا وممكن نظام ماليزيا راح يريجك اكثر من اوروبا في البداية ولكن اذا عرفت كيف تستخدم مواصلات اوروبا راح تكون عندك الأفضل لأنك راح تستخدم الأندر قراوند والمترو باص والباصات والقطارات والتكاسي للحاجة القصوى فقط ..
واذا اردت أنصحك بأي برنامج من ناحية فنادق ألخ انا حاضر ....

المدينة الشجاعة

19-05-2022 - 06:07 pm

انا من راي النمسا فيينا 3 ايام والايام الباقية في سالزبورغ وزيلامسي وتروح بالقطار اول شي سالزبورغ وتبعد عن فيينا 3 ساعات ثم رح الى زيلامسي واسكن في قرية سالباتش مرة حلوة ورومانسية وميزانيتك تكفي وزيادة

°¨·.‏_ღ_‏.·¨°

19-05-2022 - 07:08 pm

انا رايي تروح ماليزيا لان هناك في اماكن اكثر رومانسيه تصلح للعرسان وارخص لك
مثل لانكاوي فيها اكواخ في البحر في منتهى الرومانسيه
وسانوي لاغون عندهم مثل غرف خاصه مع مسبح خاص يعني فيها خصوصيه اكثر
والله يوفق لك ويزقك بالذريه الصالحه قول امين

اصعب جرح

19-05-2022 - 08:09 pm

المدينة الشجاعة
ودي اسال عن قرية سالباتش ؟؟؟ هل هي فندق او ايش ؟؟

خليجيه

19-05-2022 - 09:10 pm

زلامسي
ادخل على هالموقع واختار التفاصيل ويعطيك السعر ويجهز اموركم كامله
Villas, holiday houses and apartments in France, Italy, Spain, Switzerland and the rest of Europe - INTERHOME
ماليزيا
هذا ايميل احد المكاتب السياحيه في تركيا نفس الشي يرتب اموركم كامله
WRZ Leisure Holidays
(M) Sdn.Bhd. (532070-D) KPL/LN: 3899.
Tel: +603 5634 4521, 5638 4521, 0123202044, 019 2220 118
Email:[email protected],
والاثنين مجربين واكثر من ممتاز

أم دليم

19-05-2022 - 10:11 pm

انا زرت الاثنتين والاثنتين حلوين لكن بما ان الميزانيه حلوة اقول روح النمسا وتقدر تزور الدول القريبه منها بميزانيتك واترك عنك دبي و ماليزيا لأنهم حر ورطوبه موت أما اذا ودك الجو الحلو خليك على النمسا وما جاورها احسن لكم وابرد .

Rawwwaf

19-05-2022 - 11:12 pm

أو معليش
وانا حاط ميزانية تقريبا 50000 ريال شاملة كل شي تذاكر مع فنادق مع تنقلات مع تمشية مع هدايا
أنت حاط ميزانية جداً عاليه .. فهنا أوكي ممكن تكون النمسا مناسبة لك كثير وتبحبح على كيفك من دون تحرج.
مع خالص احترامي

المدينة الشجاعة

20-05-2022 - 12:13 am

هلا اخوي أصعب جرح سالباتش هي قرية تبعد عن زيلامسي 20 كم ويوميا يجي الباص لها كل نص ساعة وفيه عدة فنادق والفندق اللي سكنت فيه اسمه البين والقرية فيها تلفريك وفيها سوبر ماركت ومحلات وتعبر منتجع سياحي وكنت اروح يوميا لزيلامسي وارجع للقرية بالباص والفندق يطل على الجبل وكلها طبيعة خضراء وبراد انصحك بالسكن فيها

النمسا المسافرون العرب

ابي فزعتكم في شهر العسل