يا سلام الحمد لله على السلامة
بشرنا عن امورك
وشوري عليك خلي تقريرك اول باول
واذاباقي معك شريحة اتصالات والا شئ جبها معك نستفيد منها ههه
بحثت لك عن طلبك ولقيت لك هالرابط من احد الاحوة
http://shenzhen.88db.com/sz/Services/Post_Detail.page/food_beverage/Restaurant/?PostID=105941
وهذه اجابة احد الاخوة
بأختصار..شينزن من ارقى وانظف مدن الصين..وتعتبر احدث مدينة عمرها تقريبا25سنه
اسكنها من 3سنوات
المطاعم الحلال الصيني -هندي-بكستاني-تركي متواجده
الله لا يهينك اذا عرفت اي مترجم يعرف لغة عربية ابيك تجيب ارقامهم نستفيد منهم
ولك الدعاء
هذه مقتبسات من كتابة بعض الاخوة
السلام عليكم ورحمة الله وبركاته ،،،
بصراحة انا قعدت في شنزن اسبوع كان من اجمل ايام الصين ... وفيها مطاعم حلال " بسيطة " ... في منطقة " لوهو " .. والمدينة اجمالاً نظيفة وحلوة وما فيها زحمة .... وفيه اماكن كثيرة تستدعي الزيارة ...
TOUR SHENZHEN
والمشكلة الوحيدة ..هي ضعف اللغة الانجليزية بشكل ملوحظ ... والطريقة السليمة انك تأخذ العنوان مكتوب على كرت الفندق باللغة الصينية ويكون معك كمرجع ... حتى لو بغيت تروح نفس المكان مرة ثانية ..
مطعم ميلفانا و هو يتبع لمطعم عثمان التركي الموجود في نهاية شارع هوان شين شي لو و أول شارع تيانخا في كوانجو
MEVLANA Turkish restaurant
Address:No.154,Zhenxing Road,Futian District Shenzhen City
Tel: 0755-83368778

الله يسعدك وربي ماقصرت
لاتشيل هم الشرايح حقتك قسم انها عليا
ابشرك لقيت بالصدفه مطعم عربي تديره حرمة مسلمة تتكلم مصري وهي صينيه
رح اخذ كرتها واوريك ايه
والمطعم بروح له في العشا الي اعطيتني صورتي وانزل انطباعي

يا اصغر مسافر بشرني كيف الامور سهاله انشالله
انا بعد اسبوع اذا الله اراد بكون في هونج كونج
من فين طلعت شريحه و كان سهل ولا اللغه عائق
ياريت تقولي
لانه بدأ معايا توتر السفر من اليوم

لا تخافو الامو سهالة سهالة جدا
عليكم بالكلكليتر (الالة الحاسبة)
بالنسبة للشريحة من كل مكان بس والله ماعرفت كيف اشحنها دولي

أصغر مسافر
بشرني عرفت تشحنها دولي ولا بسه ماعرفت ؟؟

ماعرفت اشحنها دولي اشتريتها ب 85 رممبي وكلمت حوالي 10 دقايق للسعوديه
الله يجزاك بالخير رحت المطعم الي في الصوره ام لذيذ
تخيل يبيعون تميس ومنتو ههه
الحمدلله على كل حال على فكره قريب من هذا المطعم مطعم ثاني حلال باول الشارع عند الاشاره

ههه
التميس و المنتو وصل الصين

السلام عليكم
صباح الخير اصغر مسافر
شحالك .. ؟ بشرني عن شنزن عسى مافيها فلونزا طيور : ((
انا سافرت لها العام وجلست شهر دراسة
بالنسبة للمطاعم اللي اكلت فيها طبعا فيه مطعم باكستاني بس اكله فلفل وحار ولكن حلوو ..
يسوي خبز تنور وتميس على كيف كيفك والصالونه مالها حل
ولكن اغلب الاوقات اتعشى مشاوي من الشنزانيين اللي يبيعون في الشارع كباب مشوي
واذا تمللت من المشاوي .. اروح لبيتزا هت واختار بيتزا بالخضار حلووه ولذيذه
واذا بغيت اغير اشتري من كنتاكي فش ربيان وبعد حلوو
وفيه مطعم صيني اسلامي واكلهم لك عليه شوي بس النظافه مش ولا بد ..
تسألني عن الاماكن بقول لك مدري لاني والله بصراحه ماعرف اسماء الشوارع او وين بالضبط ..
ع العموم انا إن شاء الله بعد 7 ايام بكون في شنزن وتقريبا بجلس شهر .. دراسة
ولكن انت خبرنا عن الجو شلون في شنزن ؟ حر او برد او مطر ؟
وبخصوص المرض المنتشر هل فيه خوف والا الاوضاع عاديه ..

أصغر مسافر
اجل ما باقي الا المندي والجريش والرصان
بالسلامة وطمنا عليك