السلام عليك اخي الكريم ربنا يتمم لك هذه الرحلة وتكون زيارة نافعة وعندما تصل اذا احتجت لمشورة من الاخوان المقيمين فنحن في الخدمة
والسلام ختام

وعليكم السلام ورحمة الله وبركاته ...
حياك الله اخونا mom2001
ابشر اخوي وترى طلبك بسيط وجميل وراح تخرج من
منتدانا وانت مبسوط بأذن الله ...ان شاء الله الفجر
راح يكون برنامجك جاهز سواء مني او من غيري
والميزانية مفتوحة على قولتك ...اجل ابشر والموضوع
منتهي بأذن الله والسلام عليكم
كتبت هذا الكلام لاجل لو دخلت قبل الفجر تتطمن انه موضوعك
سنهتم به جميعاً ...ولا تشيل هم وربي يبارك في اطفالك
ويخليكم لبعض .

السلام عليكم ...
الله يسلمك اخوي ابو عبدالرحمن ويبارك فيكم جميعاً .
خبرني وش رايك في هذا الترتيب :
صن واي لاقون 2
لنكاوي 3
بينانغ 2
جنتنغ 2
كوالا5 ...منها يوم لمنتجع افاموسا والتحرك في حدود
الساعة 8 صباح والعودة بالمساء .
كان ودي نحط اافاموسا ببرنامجك لكن الوقت ضيق .
بصراحة ما احبش انصح احد بصن واي لاقون لأنه فيها
مناظر مش ولابد بالمسابح ولكن لأنه معاك اطفال وودهم
يلعبون ويستانسون ويكون اول حضوركم لها لأجل نفسيتهم
ترتاح وتنفرج لبقية الرحلة ...وان شاء الله فيكم الخير .
وبعدها بالطيارة للنكاوي الجميلة الهادئة وخليتها 3 ليالي
لاجل يكون لك وللمدام نصيب في هذه الرحلة .
وبعدها طيران لبينانغ لانه الفيري احسه صعب وخاصة معاك
صغار الله يبارك فيهم ...وخليت بينانغ ليلتين لرأي شخصي
وانت تتحكم فيها وانا عندي لنكاوي احسن من بينانغ بمراحل .
وبعدها بالسيارة لجنتنغ ...وعاد هذه مدينة ترفيه رائعة وراح
ينبسطوا فيها اطفالك اخر انبساط بأذن الله وجهز الف ريال
مصاريف ترفيه لهذه الليتين امزح واتوقع تقول في نفسك
يستاهلوا عيالي عيوني ومو بس الف ريال
وبعدها لكوالا ...العاصمة ...5 ليالي وتروح منها يوم لمنتجع
افاموسا لو بغيت لاجل الطفال الله يحفظهم ويبارك فيهم وتراها
بولاية ملاكل ولاجل توصلون لها في حدود ساعتين واقل حسب
الزحام ...
نجي للفنادق :
صن واي لاقون ... فندق صن واي لاقون .
لنكاوي ... لنكاوي لاقون .
بينانغ ... راسا ساينغ .
جنتنغ ... جنتنغ هوتيل .
كوالا .....ام
هنا نتوقف ...ادري انه الميزانية مفتوحة .
بغيتها على شارعنا المزعوم عندك ويستن او ماريوت .
بغيتها جنب البرجين وفندق من افخم الفنادق بماليزيا
عندك ماندرين اورينتال .
بغيت شقق مفروشة فخمة وتحتها ملاهي يدلونك الاخوان
على برجايا تايم سكوير .
وكلها في قلب العاصمة والدنيا كلها حولك وما عليك الا
انك تنقر بالفارة
موفق اخوي ابو عبد الرحمن ورحلة سعيدة بأذن الله
ولك تحياتي وتقديري والسلام عليكم

لايفوتك منتجع كولمار الاستوائي قريب من كوالا يقولون حلو مره

السلام عليكم والله يا اخوان طريقة تناولكم للمناطق السياحية تخلي الواحد يترك اشغاله ويولي على هذه الاماكن والسلام ختام

قصدي يا اخوان رغم اننا موجودون في هذه البلد الجميلة لكن ما تكتمل المتعة والاستمتاع الا بوجود الرفقة والاصحاب والسلام ختام

السلام عليكم اشكركم جميعا بس عندي ملاحظه بعض الاشياء مافهمتهاابالنسبه لك يا اخ الشعيبي اول يوم بالرحله تقترح علي اني اروح لصن وي لاجون يعني مباشره من المطار تقصد كذاياليت تفهمني هذه النقطه
ثانيا مابي اركب طيران ايش رايكم يعني ابي اروح لبينج بالباص عشان اتفرج علا الطبيعه مارونا شي يعني مش مستعجل علا الوصول لا عندي شغل ولا شي يعني مافضل الطيارات هناك
ثالثا ايش رايك انت بالطريقه هذي اول شي اقضي وقت ب كولا 4 ...جنتج2... بينج 2....لنكاوي3 ايش رايك وبعدها اكمل بقيه الايام بصن وي لاجون بعدها خلاص المطار

حياك الله اخوي ابو عبد الرحمن
طريقتك ايضاً جميلة ...واخذتها بالعكس وممتازة .
صن واي لاقون تراها جنب العاصمة ...يعني مافرقت ولا تحسبها
منطقة بعيدة او ولاية ثانية وحق 25 دقيقة من قلب العاصمة
حبيت اعطيك هذه المعلومة لانه بعض الناس يحسبون صن واي
لاقون منطقة او ولاية ثانية وهي تقدر تقول منتجع او مدينة متكاملة
بمدينة بنالينغ جايا التابع لولاية سلانغور دار الاحسان .
كان نيتي انه الاطفال ينبسطوا يشوفوا الملاهي وتنشرح
صدورهم ويكونوا اكثر استعداد وشوق لتكملة الرحلة
اسلوب نفسي
وخليت كوالا للاخير لاجل تخلون اخر ايامكم هناك للتسوق .
يصير لو على ترتيبك :
كوالا
جنتنغ
بينانغ
لنكاوي
صن واي لاقون
كلها بالباص او الافضل نقول بالبر ...لين توصل بينانغ
وبغيت لنكاوي يجيك حلين ...اما تركبوا فيري وتتحملوا
دوار البحر واثاره او تخلونها طيران ...والعودة من لنكاوي
نفس القصة اما بحر وبعدها تكملوا بر او جو ..لانه
لنكاوي جزيرة ومالها رابط باليابس ...وبينانغ اللي نتمشى
فيها جزيرة ايضاً ولكن لها جسر يربطها بشبه جزيرة الملايو .
الباصات رخيصة وممتعة وجميلة ...25 رينجيت وتروح لابعد
منطقة بماليزيا ...كنت اروح كوتا بارو بولاية كلنتان ب700
ريال بالسيارة وكنت اطفش لحالي وتخلص القصص مع
سائق السيارة ودلوني الشباب على الباص وكلفني 26 رينجيت
درجة اولى لكلنتان ....فرق كبير
وعلى قولتك ...وش ورانا
واخونا سحر اسيا المفتش العام بمجموعة راسا ساينغ
قال لك كولمار ...هذه جنب العاصمة وتوصل لها في حدود
ساعة واسم المنطقة بوكيت تينغي .
موفقين بأذن الله ورحلة سعيدة والسلام عليكم

السلام عليكم
حبيبي الشعبيبي اشكرك الفيري هذا يعني متعب ؟؟ ولا نوع ونوع يعني فيه فيري تعبان وفيري زين مايسوي دوار ؟؟
لاني شفت هنا بالمنتدى انه ناس قالو انه تعبان وناس قالو لا بالعاكس حلو فا الواحد يحتار !!
ثانيا انا اليوم سويت حجوزاتي علا الطريقها لي قلت لك عليها فوق
كولا 4
جنتج 2
وبينج 3 ( عن طريق كولا يعني احجز لها بالباص مسبقا من كولا قبل لا اروح لجنتج وبعد مااقضي في جنتج انزل
لكولا بعدها علا الباص مباشره)
لنكاوي3
بعدها حجزت بالطائره لكولا واكمل باقي المده هناك 3 ايام تقريبا
هذا الي انا سويته وش رايك ؟ عطني رايك
اخيرا اتمنى منك انك تنصحني بالاماكن الجميله بتلك المدن او الجزر سميهها مثل ماتبي اقصد (كولا جنتج بينج لنكاوي ) يعني ايش تشور علي بافضل الاماكن مثلا قريت عن جزيره القرودالي تروح لها خمس ساعات ب300 رينجت مع الشوي والصيد الي بينج مثلا فهمتني ؟
ودمتم