الشاليه بريمر
أوسع ومساحته 56 متر مربع
مع إمكانية إضافة سرير إضافي
وبعض الشاليهات مطلة على البحر
(يعني أنت وحظك)
والسعر شامل وجبة الإفطار
الشاليه المطل على البحر
مساحته 32 متر مربع
وبالطبع مايستحمل إضافة سرير إضافي
لكنه يتميز بأنه مطل على البحر
والسعر غير شامل وجية الإفطار

عليكم السلام
الافضل للعرسان شاليه بريمير على الماء اغلى لكن يستاهل ..
رحلة موفقة

مشكورين على المرور يعطيكم العافيه

يالغالي ابيك اتفديني اي واحد اخذ واسكن فيه ايهم احسن

نصيحه من قلبي خذها من مجربه لا تسكن الا المطله على البحر يعني الغرف الي تحتها ماء حتى لو كانت غاليه انا سكنت في شاليه مطل على البحر كان متاز جدا انتبه من غرف الغابات المطيره تخرع في الليل موحشه جدا جدا جدا غير القروده والحشرات والله حزنت كثير على ناس سعوديين مايعرفون اسماء الغرف ولمن وصلو هناك اكلو مقلب مرتب على بالهم غرف الغابات المطيره شي حلو لكن لمن جو وشافوها على الطبيعه تخرع موت وخصوصا بالليل ماتصلح الا لسواح الاوربيين لانهم يحبون الغابات نصيحه من قلبي ابعد عنها واسكن مثلي شاليه على البحر صحيح غاليه شويه بس ارحم بكثير من الليل في غرف الغابات المطيره مع القروده وانا اسميها الغابات الفجيعه ههه وكثير من السعوديين يشردون منها لاننا ماتعودنا نسكن في اشياء مثل كذا تروع والله يسامحني طول ما انا ساكنه في الفندق ذبحني الضحك والحزن عليهم ياقلبي مايدرون وش بيقابلون قدامهم وخصوصا الزائرين لاول مره وخصوصا احنا ياسعوديين لانهم مايدرون يشوفونها في الموقع والنت سعرها رخيص وشكلها حلو وينخدعون في الاخير فيها لان الليل فيها موحش جدا جدا جدا وخصوصا الي اذا حرمتك خوافه مثلي من الحيوانات والحشرات او عريس ماتصلح نهائي الا المطله على البحر يعني الغرف الي تحتها ماء على شاطي البحر والفندق ممتاز ونظيف جدا بس بالليل موحش جدا
ملاحظه الفندق وابراء لذمه الفندق فيه موسيقى واغاني والنساء عاريات وخصوصا على الشاطي والديسكو وغيرها من الاشياء والمناظر المخله بالادب
اللهم اني بلغت اللهم فاشهد

بيض الله وجهك ياخوي ومشكور عل النصيحه انا خلاص باخذ بريمير شاليه المطل للبحر وحجزت الفنادق من مكتب في ماليزيا واعطاني سعر حلو وقرنته بموقع بوكينغ اطلعت فرق 200 ريال بس يعني عموله المكتب
بتكون رحلتي 17 ليله اول ما اوصل بروح لنكاوي خمس ليالي وبعدين بيانغ خمس ليالي وبعدين بروح كولالمبور سبع ليالي
بسكن برجايا لنكاوي
وبيانغ جولدن ساند
وكولالمبور امبيانا البرجين شرايكم

اووه قصدي اختي بيض الله وجهك وماقصرتي عل المرور